Texts

vaiśaṃpāyana uvāca / (1.1) Par.?

evam uktastu vimanāstiryagdṛṣṭir adhomukhaḥ / (1.2) Par.?

saṃhatya ca bhruvor madhyaṃ na kiṃcid vyājahāra ha // (1.3) Par.?

taṃ vai vimanasaṃ dṛṣṭvā samprekṣyānyonyam antikāt / (2.1) Par.?

punar evottaraṃ vākyam uktavantau nararṣabhau // (2.2) Par.?

bhīṣma uvāca / (3.1) Par.?

śuśrūṣum anasūyaṃ ca brahmaṇyaṃ satyasaṃgaram / (3.2) Par.?

pratiyotsyāmahe pārtham ato duḥkhataraṃ nu kim // (3.3) Par.?

droṇa uvāca / (4.1) Par.?

aśvatthāmni yathā putre bhūyo mama dhanaṃjaye / (4.2) Par.?

bahumānaḥ paro rājan saṃnatiśca kapidhvaje // (4.3) Par.?

taṃ cet putrāt priyataraṃ pratiyotsye dhanaṃjayam / (5.1) Par.?

kṣatradharmam anuṣṭhāya dhig astu kṣatrajīvikām // (5.2) Par.?

yasya loke samo nāsti kaścid anyo dhanurdharaḥ / (6.1) Par.?

matprasādāt sa bībhatsuḥ śreyān anyair dhanurdharaiḥ // (6.2) Par.?

mitradhrug duṣṭabhāvaśca nāstiko 'thānṛjuḥ śaṭhaḥ / (7.1) Par.?

na satsu labhate pūjāṃ yajñe mūrkha ivāgataḥ // (7.2) Par.?

vāryamāṇo 'pi pāpebhyaḥ pāpātmā pāpam icchati / (8.1) Par.?

codyamāno 'pi pāpena śubhātmā śubham icchati // (8.2) Par.?

mithyopacaritā hyete vartamānā hyanu priye / (9.1) Par.?

ahitatvāya kalpante doṣā bharatasattama // (9.2) Par.?

tvam uktaḥ kuruvṛddhena mayā ca vidureṇa ca / (10.1) Par.?

vāsudevena ca tathā śreyo naivābhipadyase // (10.2) Par.?

asti me balam ityeva sahasā tvaṃ titīrṣasi / (11.1) Par.?

sagrāhanakramakaraṃ gaṅgāvegam ivoṣṇage // (11.2) Par.?

vāsa eva yathā hi tvaṃ prāvṛṇvāno 'dya manyase / (12.1) Par.?

srajaṃ tyaktām iva prāpya lobhād yaudhiṣṭhirīṃ śriyam // (12.2) Par.?

draupadīsahitaṃ pārthaṃ sāyudhair bhrātṛbhir vṛtam / (13.1) Par.?

vanastham api rājyasthaḥ pāṇḍavaṃ ko 'tijīvati // (13.2) Par.?

nideśe yasya rājānaḥ sarve tiṣṭhanti kiṃkarāḥ / (14.1) Par.?

tam ailavilam āsādya dharmarājo vyarājata // (14.2) Par.?

kuberasadanaṃ prāpya tato ratnānyavāpya ca / (15.1) Par.?

sphītam ākramya te rāṣṭraṃ rājyam icchanti pāṇḍavāḥ // (15.2) Par.?

dattaṃ hutam adhītaṃ ca brāhmaṇāstarpitā dhanaiḥ / (16.1) Par.?

āvayor gatam āyuśca kṛtakṛtyau ca viddhi nau // (16.2) Par.?

tvaṃ tu hitvā sukhaṃ rājyaṃ mitrāṇi ca dhanāni ca / (17.1) Par.?

vigrahaṃ pāṇḍavaiḥ kṛtvā mahad vyasanam āpsyasi // (17.2) Par.?

draupadī yasya cāśāste vijayaṃ satyavādinī / (18.1) Par.?

tapoghoravratā devī na tvaṃ jeṣyasi pāṇḍavam // (18.2) Par.?

mantrī janārdano yasya bhrātā yasya dhanaṃjayaḥ / (19.1) Par.?

sarvaśastrabhṛtāṃ śreṣṭhaṃ kathaṃ jeṣyasi pāṇḍavam // (19.2) Par.?

sahāyā brāhmaṇā yasya dhṛtimanto jitendriyāḥ / (20.1) Par.?

tam ugratapasaṃ vīraṃ kathaṃ jeṣyasi pāṇḍavam // (20.2) Par.?

punar uktaṃ ca vakṣyāmi yat kāryaṃ bhūtim icchatā / (21.1) Par.?

suhṛdā majjamāneṣu suhṛtsu vyasanārṇave // (21.2) Par.?

alaṃ yuddhena tair vīraiḥ śāmya tvaṃ kuruvṛddhaye / (22.1) Par.?

mā gamaḥ sasutāmātyaḥ sabalaśca parābhavam // (22.2) Par.?