UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 8573
- Click on a sentence to show its analysis
- Keep the mouse pointer over a lemma to show its meanings.
saṃjaya uvāca / (1.1)
Par.?
hate droṇe maheṣvāse tasminn ahani bhārata / (1.2)
Par.?
kṛte ca moghasaṃkalpe droṇaputre mahārathe // (1.3)
Par.?
dravamāṇe mahārāja kauravāṇāṃ bale tathā / (2.1)
Par.?
vyūhya pārthaḥ svakaṃ sainyam atiṣṭhad bhrātṛbhiḥ saha // (2.2)
Par.?
tam avasthitam ājñāya putras te bharatarṣabha / (3.1)
Par.?
dravac ca svabalaṃ dṛṣṭvā pauruṣeṇa nyavārayat // (3.2)
Par.?
svam anīkam avasthāpya bāhuvīrye vyavasthitaḥ / (4.1)
Par.?
yuddhvā ca suciraṃ kālaṃ pāṇḍavaiḥ saha bhārata // (4.2)
Par.?
labdhalakṣaiḥ parair hṛṣṭair vyāyacchadbhiś ciraṃ tadā / (5.1)
Par.?
saṃdhyākālaṃ samāsādya pratyāhāram akārayat // (5.2)
Par.?
kṛtvāvahāraṃ sainyānāṃ praviśya śibiraṃ svakam / (6.1)
Par.?
kuravo ātmahitaṃ mantraṃ mantrayāṃcakrire tadā // (6.2)
Par.?
paryaṅkeṣu parārdhyeṣu spardhyāstaraṇavatsu ca / (7.1)
Par.?
varāsaneṣūpaviṣṭāḥ sukhaśayyāsv ivāmarāḥ // (7.2)
Par.?
tato duryodhano rājā sāmnā paramavalgunā / (8.1)
Par.?
tān ābhāṣya maheṣvāsān prāptakālam abhāṣata // (8.2)
Par.?
matiṃ matimatāṃ śreṣṭhāḥ sarve prabrūta māciram / (9.1)
Par.?
evaṃ gate tu yat kāryaṃ bhavet kāryakaraṃ nṛpāḥ // (9.2)
Par.?
evam ukte narendreṇa narasiṃhā yuyutsavaḥ / (10.1)
Par.?
cakrur nānāvidhāś ceṣṭāḥ siṃhāsanagatās tadā // (10.2)
Par.?
teṣāṃ niśamyeṅgitāni yuddhe prāṇāñ juhūṣatām / (11.1)
Par.?
samudvīkṣya mukhaṃ rājño bālārkasamavarcasaḥ / (11.2)
Par.?
ācāryaputro medhāvī vākyajño vākyam ādade // (11.3)
Par.?
rāgo yogas tathā dākṣyaṃ nayaś cety arthasādhakāḥ / (12.1)
Par.?
upāyāḥ paṇḍitaiḥ proktāḥ sarve daivasamāśritāḥ // (12.2)
Par.?
lokapravīrā ye 'smākaṃ devakalpā mahārathāḥ / (13.1)
Par.?
nītimantas tathā yuktā dakṣā raktāś ca te hatāḥ // (13.2)
Par.?
na tv eva kāryaṃ nairāśyam asmābhir vijayaṃ prati / (14.1)
Par.?
sunītair iha sarvārthair daivam apy anulomyate // (14.2)
Par.?
te vayaṃ pravaraṃ nṝṇāṃ sarvair guṇagaṇair yutam / (15.1)
Par.?
karṇaṃ senāpatiṃ kṛtvā pramathiṣyāmahe ripūn // (15.2)
Par.?
tato duryodhanaḥ prītaḥ priyaṃ śrutvā vacas tadā / (16.1)
Par.?
prītisaṃskārasaṃyuktaṃ tathyam ātmahitaṃ śubham // (16.2)
Par.?
svaṃ manaḥ samavasthāpya bāhuvīryam upāśritaḥ / (17.1)
Par.?
duryodhano mahārāja rādheyam idam abravīt // (17.2)
Par.?
karṇa jānāmi te vīryaṃ sauhṛdaṃ ca paraṃ mayi / (18.1)
Par.?
tathāpi tvāṃ mahābāho pravakṣyāmi hitaṃ vacaḥ // (18.2)
Par.?
śrutvā yatheṣṭaṃ ca kuru vīra yat tava rocate / (19.1) Par.?
bhavān prājñatamo nityaṃ mama caiva parā gatiḥ // (19.2)
Par.?
bhīṣmadroṇāv atirathau hatau senāpatī mama / (20.1)
Par.?
senāpatir bhavān astu tābhyāṃ draviṇavattaraḥ // (20.2)
Par.?
vṛddhau ca tau maheṣvāsau sāpekṣau ca dhanaṃjaye / (21.1)
Par.?
mānitau ca mayā vīrau rādheya vacanāt tava // (21.2)
Par.?
pitāmahatvaṃ samprekṣya pāṇḍuputrā mahāraṇe / (22.1)
Par.?
rakṣitās tāta bhīṣmeṇa divasāni daśaiva ha // (22.2)
Par.?
nyastaśastre ca bhavati hato bhīṣmaḥ pitāmahaḥ / (23.1)
Par.?
śikhaṇḍinaṃ puraskṛtya phalgunena mahāhave // (23.2)
Par.?
hate tasmin mahābhāge śaratalpagate tadā / (24.1)
Par.?
tvayokte puruṣavyāghra droṇo hy āsīt puraḥsaraḥ // (24.2)
Par.?
tenāpi rakṣitāḥ pārthāḥ śiṣyatvād iha saṃyuge / (25.1)
Par.?
sa cāpi nihato vṛddho dhṛṣṭadyumnena satvaram // (25.2)
Par.?
nihatābhyāṃ pradhānābhyāṃ tābhyām amitavikrama / (26.1)
Par.?
tvatsamaṃ samare yodhaṃ nānyaṃ paśyāmi cintayan // (26.2)
Par.?
bhavān eva tu naḥ śakto vijayāya na saṃśayaḥ / (27.1)
Par.?
pūrvaṃ madhye ca paścāc ca tavaiva viditaṃ hi tat // (27.2)
Par.?
sa bhavān dhuryavat saṃkhye dhuram udvoḍhum arhasi / (28.1)
Par.?
abhiṣecaya senānye svayam ātmānam ātmanā // (28.2)
Par.?
devatānāṃ yathā skandaḥ senānīḥ prabhur avyayaḥ / (29.1)
Par.?
tathā bhavān imāṃ senāṃ dhārtarāṣṭrīṃ bibhartu me / (29.2)
Par.?
jahi śatrugaṇān sarvān mahendra iva dānavān // (29.3)
Par.?
avasthitaṃ raṇe jñātvā pāṇḍavās tvāṃ mahāratham / (30.1)
Par.?
draviṣyanti sapāñcālā viṣṇuṃ dṛṣṭveva dānavāḥ / (30.2)
Par.?
tasmāt tvaṃ puruṣavyāghra prakarṣethā mahācamūm // (30.3)
Par.?
bhavaty avasthite yat te pāṇḍavā gatacetasaḥ / (31.1)
Par.?
bhaviṣyanti sahāmātyāḥ pāñcālaiḥ sṛñjayaiḥ saha // (31.2)
Par.?
yathā hy abhyuditaḥ sūryaḥ pratapan svena tejasā / (32.1)
Par.?
vyapohati tamas tīvraṃ tathā śatrūn vyapoha naḥ // (32.2)
Par.?
karṇa uvāca / (33.1)
Par.?
uktam etan mayā pūrvaṃ gāndhāre tava saṃnidhau / (33.2)
Par.?
jeṣyāmi pāṇḍavān rājan saputrān sajanārdanān // (33.3)
Par.?
senāpatir bhaviṣyāmi tavāhaṃ nātra saṃśayaḥ / (34.1)
Par.?
sthiro bhava mahārāja jitān viddhi ca pāṇḍavān // (34.2)
Par.?
saṃjaya uvāca / (35.1)
Par.?
evam ukto mahātejās tato duryodhano nṛpaḥ / (35.2)
Par.?
uttasthau rājabhiḥ sārdhaṃ devair iva śatakratuḥ / (35.3)
Par.?
senāpatyena satkartuṃ karṇaṃ skandam ivāmarāḥ // (35.4)
Par.?
tato 'bhiṣiṣicus tūrṇaṃ vidhidṛṣṭena karmaṇā / (36.1)
Par.?
duryodhanamukhā rājan rājāno vijayaiṣiṇaḥ / (36.2)
Par.?
śātakaumbhamayaiḥ kumbhair māheyaiś cābhimantritaiḥ // (36.3)
Par.?
toyapūrṇair viṣāṇaiś ca dvīpikhaḍgamaharṣabhaiḥ / (37.1)
Par.?
maṇimuktāmayaiś cānyaiḥ puṇyagandhais tathauṣadhaiḥ // (37.2)
Par.?
audumbare samāsīnam āsane kṣaumasaṃvṛtam / (38.1)
Par.?
śāstradṛṣṭena vidhinā saṃbhāraiś ca susaṃbhṛtaiḥ // (38.2)
Par.?
jaya pārthān sagovindān sānugāṃs tvaṃ mahāhave / (39.1)
Par.?
iti taṃ bandinaḥ prāhur dvijāś ca bharatarṣabha // (39.2)
Par.?
jahi pārthān sapāñcālān rādheya vijayāya naḥ / (40.1)
Par.?
udyann iva sadā bhānus tamāṃsy ugrair gabhastibhiḥ // (40.2)
Par.?
na hy alaṃ tvadvisṛṣṭānāṃ śarāṇāṃ te sakeśavāḥ / (41.1)
Par.?
kṛtaghnāḥ sūryaraśmīnāṃ jvalatām iva darśane // (41.2)
Par.?
na hi pārthāḥ sapāñcālāḥ sthātuṃ śaktās tavāgrataḥ / (42.1)
Par.?
āttaśastrasya samare mahendrasyeva dānavāḥ // (42.2)
Par.?
abhiṣiktas tu rādheyaḥ prabhayā so 'mitaprabhaḥ / (43.1)
Par.?
vyatyaricyata rūpeṇa divākara ivāparaḥ // (43.2)
Par.?
senāpatyena rādheyam abhiṣicya sutas tava / (44.1)
Par.?
amanyata tadātmānaṃ kṛtārthaṃ kālacoditaḥ // (44.2)
Par.?
karṇo 'pi rājan samprāpya senāpatyam ariṃdamaḥ / (45.1)
Par.?
yogam ājñāpayāmāsa sūryasyodayanaṃ prati // (45.2)
Par.?
tava putrair vṛtaḥ karṇaḥ śuśubhe tatra bhārata / (46.1)
Par.?
devair iva yathā skandaḥ saṃgrāme tārakāmaye // (46.2)
Par.?
Duration=0.20573019981384 secs.