UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 9205
- Click on a sentence to show its analysis
- Keep the mouse pointer over a lemma to show its meanings.
vaiśaṃpāyana uvāca / (1.1)
Par.?
tato duryodhanaṃ dṛṣṭvā gāndhārī śokakarśitā / (1.2)
Par.?
sahasā nyapatad bhūmau chinneva kadalī vane // (1.3)
Par.?
sā tu labdhvā punaḥ saṃjñāṃ vikruśya ca punaḥ punaḥ / (2.1)
Par.?
duryodhanam abhiprekṣya śayānaṃ rudhirokṣitam // (2.2)
Par.?
pariṣvajya ca gāndhārī kṛpaṇaṃ paryadevayat / (3.1)
Par.?
hā hā putreti śokārtā vilalāpākulendriyā // (3.2)
Par.?
sugūḍhajatru vipulaṃ hāraniṣkaniṣevitam / (4.1)
Par.?
vāriṇā netrajenoraḥ siñcantī śokatāpitā / (4.2)
Par.?
samīpasthaṃ hṛṣīkeśam idaṃ vacanam abravīt // (4.3)
Par.?
upasthite 'smin saṃgrāme jñātīnāṃ saṃkṣaye vibho / (5.1)
Par.?
mām ayaṃ prāha vārṣṇeya prāñjalir nṛpasattamaḥ / (5.2)
Par.?
asmiñ jñātisamuddharṣe jayam ambā bravītu me // (5.3)
Par.?
ityukte jānatī sarvam ahaṃ svaṃ vyasanāgamam / (6.1)
Par.?
abruvaṃ puruṣavyāghra yato dharmastato jayaḥ // (6.2)
Par.?
yathā na yudhyamānastvaṃ sampramuhyasi putraka / (7.1)
Par.?
dhruvaṃ śastrajitāṃl lokān prāptāsyamaravad vibho // (7.2)
Par.?
ityevam abruvaṃ pūrvaṃ nainaṃ śocāmi vai prabho / (8.1)
Par.?
dhṛtarāṣṭraṃ tu śocāmi kṛpaṇaṃ hatabāndhavam // (8.2)
Par.?
amarṣaṇaṃ yudhāṃ śreṣṭhaṃ kṛtāstraṃ yuddhadurmadam / (9.1)
Par.?
śayānaṃ vīraśayane paśya mādhava me sutam // (9.2)
Par.?
yo 'yaṃ mūrdhāvasiktānām agre yāti paraṃtapaḥ / (10.1)
Par.?
so 'yaṃ pāṃsuṣu śete 'dya paśya kālasya paryayam // (10.2)
Par.?
dhruvaṃ duryodhano vīro gatiṃ nasulabhāṃ gataḥ / (11.1)
Par.?
tathā hyabhimukhaḥ śete śayane vīrasevite // (11.2)
Par.?
yaṃ purā paryupāsīnā ramayanti mahīkṣitaḥ / (12.1)
Par.?
mahītalasthaṃ nihataṃ gṛdhrāstaṃ paryupāsate // (12.2)
Par.?
yaṃ purā vyajanair agryair upavījanti yoṣitaḥ / (13.1)
Par.?
tam adya pakṣavyajanair upavījanti pakṣiṇaḥ // (13.2)
Par.?
eṣa śete mahābāhur balavān satyavikramaḥ / (14.1)
Par.?
siṃheneva dvipaḥ saṃkhye bhīmasenena pātitaḥ // (14.2)
Par.?
paśya duryodhanaṃ kṛṣṇa śayānaṃ rudhirokṣitam / (15.1)
Par.?
nihataṃ bhīmasenena gadām udyamya bhārata // (15.2)
Par.?
akṣauhiṇīr mahābāhur daśa caikāṃ ca keśava / (16.1)
Par.?
anayad yaḥ purā saṃkhye so 'nayānnidhanaṃ gataḥ // (16.2)
Par.?
eṣa duryodhanaḥ śete maheṣvāso mahārathaḥ / (17.1)
Par.?
śārdūla iva siṃhena bhīmasenena pātitaḥ // (17.2)
Par.?
viduraṃ hyavamanyaiṣa pitaraṃ caiva mandabhāk / (18.1)
Par.?
bālo vṛddhāvamānena mando mṛtyuvaśaṃ gataḥ // (18.2)
Par.?
niḥsapatnā mahī yasya trayodaśa samāḥ sthitā / (19.1)
Par.?
sa śete nihato bhūmau putro me pṛthivīpatiḥ // (19.2)
Par.?
apaśyaṃ kṛṣṇa pṛthivīṃ dhārtarāṣṭrānuśāsanāt / (20.1)
Par.?
pūrṇāṃ hastigavāśvasya vārṣṇeya na tu tacciram // (20.2)
Par.?
tām evādya mahābāho paśyāmyanyānuśāsanāt / (21.1)
Par.?
hīnāṃ hastigavāśvena kiṃ nu jīvāmi mādhava // (21.2)
Par.?
idaṃ kṛcchrataraṃ paśya putrasyāpi vadhānmama / (22.1)
Par.?
yad imāḥ paryupāsante hatāñ śūrān raṇe striyaḥ // (22.2)
Par.?
prakīrṇakeśāṃ suśroṇīṃ duryodhanabhujāṅkagām / (23.1)
Par.?
rukmavedīnibhāṃ paśya kṛṣṇa lakṣmaṇamātaram // (23.2)
Par.?
nūnam eṣā purā bālā jīvamāne mahābhuje / (24.1)
Par.?
bhujāvāśritya ramate subhujasya manasvinī // (24.2)
Par.?
kathaṃ tu śatadhā nedaṃ hṛdayaṃ mama dīryate / (25.1)
Par.?
paśyantyā nihataṃ putraṃ putreṇa sahitaṃ raṇe // (25.2) Par.?
putraṃ rudhirasaṃsiktam upajighratyaninditā / (26.1)
Par.?
duryodhanaṃ tu vāmorūḥ pāṇinā parimārjati // (26.2)
Par.?
kiṃ nu śocati bhartāraṃ putraṃ caiṣā manasvinī / (27.1)
Par.?
tathā hyavasthitā bhāti putraṃ cāpyabhivīkṣya sā // (27.2)
Par.?
svaśiraḥ pañcaśākhābhyām abhihatyāyatekṣaṇā / (28.1)
Par.?
patatyurasi vīrasya kururājasya mādhava // (28.2)
Par.?
puṇḍarīkanibhā bhāti puṇḍarīkāntaraprabhā / (29.1)
Par.?
mukhaṃ vimṛjya putrasya bhartuścaiva tapasvinī // (29.2)
Par.?
yadi cāpyāgamāḥ santi yadi vā śrutayastathā / (30.1)
Par.?
dhruvaṃ lokān avāpto 'yaṃ nṛpo bāhubalārjitān // (30.2)
Par.?
Duration=0.25142288208008 secs.