Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 6001

vaiśaṃpāyana uvāca / (1.1) Par.?

etāvad uktvā devarṣir virarāma sa nāradaḥ / (1.2) Par.?

yudhiṣṭhirastu rājarṣir dadhyau śokapariplutaḥ // (1.3) Par.?

taṃ dīnamanasaṃ vīram adhovadanam āturam / (2.1) Par.?

niḥśvasantaṃ yathā nāgaṃ paryaśrunayanaṃ tathā // (2.2) Par.?

kuntī śokaparītāṅgī duḥkhopahatacetanā / (3.1) Par.?

abravīnmadhurābhāṣā kāle vacanam arthavat // (3.2) Par.?

yudhiṣṭhira mahābāho nainaṃ śocitum arhasi / (4.1) Par.?

jahi śokaṃ mahāprājña śṛṇu cedaṃ vaco mama // (4.2) Par.?

yatitaḥ sa mayā pūrvaṃ bhrātryaṃ jñāpayituṃ tava / (5.1) Par.?

bhāskareṇa ca devena pitrā dharmabhṛtāṃ vara // (5.2) Par.?

yad vācyaṃ hitakāmena suhṛdā bhūtim icchatā / (6.1) Par.?

tathā divākareṇoktaḥ svapnānte mama cāgrataḥ // (6.2) Par.?

na cainam aśakad bhānur ahaṃ vā snehakāraṇaiḥ / (7.1) Par.?

purā pratyanunetuṃ vā netuṃ vāpyekatāṃ tvayā // (7.2) Par.?

tataḥ kālaparītaḥ sa vairasyoddhukṣaṇe rataḥ / (8.1) Par.?

pratīpakārī yuṣmākam iti copekṣito mayā // (8.2) Par.?

ityukto dharmarājastu mātrā bāṣpākulekṣaṇaḥ / (9.1) Par.?

uvāca vākyaṃ dharmātmā śokavyākulacetanaḥ // (9.2) Par.?

bhavatyā gūḍhamantratvāt pīḍito 'smītyuvāca tām / (10.1) Par.?

śaśāpa ca mahātejāḥ sarvalokeṣu ca striyaḥ / (10.2) Par.?

na guhyaṃ dhārayiṣyantītyatiduḥkhasamanvitaḥ // (10.3) Par.?

sa rājā putrapautrāṇāṃ saṃbandhisuhṛdāṃ tathā / (11.1) Par.?

smarann udvignahṛdayo babhūvāsvasthacetanaḥ // (11.2) Par.?

tataḥ śokaparītātmā sadhūma iva pāvakaḥ / (12.1) Par.?

nirvedam akarod dhīmān rājā saṃtāpapīḍitaḥ // (12.2) Par.?

Duration=0.056276798248291 secs.