Texts

yudhiṣṭhira uvāca / (1.1) Par.?

bhrātaraḥ pitaraḥ putrā jñātayaḥ suhṛdastathā / (1.2) Par.?

arthahetor hatāḥ krūrair asmābhiḥ pāpabuddhibhiḥ // (1.3) Par.?

yeyam arthodbhavā tṛṣṇā katham etāṃ pitāmaha / (2.1) Par.?

nivartayema pāpaṃ hi tṛṣṇayā kāritā vayam // (2.2) Par.?

bhīṣma uvāca / (3.1) Par.?

atrāpyudāharantīmam itihāsaṃ purātanam / (3.2) Par.?

gītaṃ videharājena māṇḍavyāyānupṛcchate // (3.3) Par.?

susukhaṃ bata jīvāmi yasya me nāsti kiṃcana / (4.1) Par.?

mithilāyāṃ pradīptāyāṃ na me dahyati kiṃcana // (4.2) Par.?

arthāḥ khalu samṛddhā hi bāḍhaṃ duḥkhaṃ vijānatām / (5.1) Par.?

asamṛddhāstvapi sadā mohayantyavicakṣaṇān // (5.2) Par.?

yacca kāmasukhaṃ loke yacca divyaṃ mahat sukham / (6.1) Par.?

tṛṣṇākṣayasukhasyaite nārhataḥ ṣoḍaśīṃ kalām // (6.2) Par.?

yathaiva śṛṅgaṃ goḥ kāle vardhamānasya vardhate / (7.1) Par.?

tathaiva tṛṣṇā vittena vardhamānena vardhate // (7.2) Par.?

kiṃcid eva mamatvena yadā bhavati kalpitam / (8.1) Par.?

tad eva paritāpāya nāśe sampadyate punaḥ // (8.2) Par.?

na kāmān anurudhyeta duḥkhaṃ kāmeṣu vai ratiḥ / (9.1) Par.?

prāpyārtham upayuñjīta dharme kāmaṃ vivarjayet // (9.2) Par.?

vidvān sarveṣu bhūteṣu vyāghramāṃsopamo bhavet / (10.1) Par.?

kṛtakṛtyo viśuddhātmā sarvaṃ tyajati vai saha // (10.2) Par.?

ubhe satyānṛte tyaktvā śokānandau priyāpriye / (11.1) Par.?

bhayābhaye ca saṃtyajya saṃpraśānto nirāmayaḥ // (11.2) Par.?

yā dustyajā durmatibhir yā na jīryati jīryataḥ / (12.1) Par.?

yo 'sau prāṇāntiko rogastāṃ tṛṣṇāṃ tyajataḥ sukham // (12.2) Par.?

cāritram ātmanaḥ paśyaṃścandraśuddham anāmayam / (13.1) Par.?

dharmātmā labhate kīrtiṃ pretya ceha yathāsukham // (13.2) Par.?

rājñastad vacanaṃ śrutvā prītimān abhavad dvijaḥ / (14.1) Par.?

pūjayitvā ca tad vākyaṃ māṇḍavyo mokṣam āśritaḥ // (14.2) Par.?