Texts

yudhiṣṭhira uvāca / (1.1) Par.?

ataḥ paraṃ mahābāho yacchreyastad vadasva me / (1.2) Par.?

na tṛpyāmyamṛtasyeva vacasaste pitāmaha // (1.3) Par.?

kiṃ karma puruṣaḥ kṛtvā śubhaṃ puruṣasattama / (2.1) Par.?

śreyaḥ param avāpnoti pretya ceha ca tad vada // (2.2) Par.?

bhīṣma uvāca / (3.1) Par.?

atra te vartayiṣyāmi yathā pūrvaṃ mahāyaśāḥ / (3.2) Par.?

parāśaraṃ mahātmānaṃ papraccha janako nṛpaḥ // (3.3) Par.?

kiṃ śreyaḥ sarvabhūtānām asmiṃlloke paratra ca / (4.1) Par.?

yad bhavet pratipattavyaṃ tad bhavān prabravītu me // (4.2) Par.?

tataḥ sa tapasā yuktaḥ sarvadharmavidhānavit / (5.1) Par.?

nṛpāyānugrahamanā munir vākyam athābravīt // (5.2) Par.?

dharma eva kṛtaḥ śreyān iha loke paratra ca / (6.1) Par.?

tasmāddhi paramaṃ nāsti yathā prāhur manīṣiṇaḥ // (6.2) Par.?

pratipadya naro dharmaṃ svargaloke mahīyate / (7.1) Par.?

dharmātmakaḥ karmavidhir dehināṃ nṛpasattama / (7.2) Par.?

tasminn āśramiṇaḥ santaḥ svakarmāṇīha kurvate // (7.3) Par.?

caturvidhā hi lokasya yātrā tāta vidhīyate / (8.1) Par.?

martyā yatrāvatiṣṭhante sā ca kāmāt pravartate // (8.2) Par.?

sukṛtāsukṛtaṃ karma niṣevya vividhaiḥ kramaiḥ / (9.1) Par.?

daśārdhapravibhaktānāṃ bhūtānāṃ bahudhā gatiḥ // (9.2) Par.?

sauvarṇaṃ rājataṃ vāpi yathā bhāṇḍaṃ niṣicyate / (10.1) Par.?

tathā niṣicyate jantuḥ pūrvakarmavaśānugaḥ // (10.2) Par.?

nābījājjāyate kiṃcin nākṛtvā sukham edhate / (11.1) Par.?

sukṛtī vindati sukhaṃ prāpya dehakṣayaṃ naraḥ // (11.2) Par.?

daivaṃ tāta na paśyāmi nāsti daivasya sādhanam / (12.1) Par.?

svabhāvato hi saṃsiddhā devagandharvadānavāḥ // (12.2) Par.?

pretya jātikṛtaṃ karma na smaranti sadā janāḥ / (13.1) Par.?

te vai tasya phalaprāptau karma cāpi caturvidham // (13.2) Par.?

lokayātrāśrayaścaiva śabdo vedāśrayaḥ kṛtaḥ / (14.1) Par.?

śāntyarthaṃ manasastāta naitad vṛddhānuśāsanam // (14.2) Par.?

cakṣuṣā manasā vācā karmaṇā ca caturvidham / (15.1) Par.?

kurute yādṛśaṃ karma tādṛśaṃ pratipadyate // (15.2) Par.?

nirantaraṃ ca miśraṃ ca phalate karma pārthiva / (16.1) Par.?

kalyāṇaṃ yadi vā pāpaṃ na tu nāśo 'sya vidyate // (16.2) Par.?

kadācit sukṛtaṃ tāta kūṭastham iva tiṣṭhati / (17.1) Par.?

majjamānasya saṃsāre yāvad duḥkhād vimucyate // (17.2) Par.?

tato duḥkhakṣayaṃ kṛtvā sukṛtaṃ karma sevate / (18.1) Par.?

sukṛtakṣayād duṣkṛtaṃ ca tad viddhi manujādhipa // (18.2) Par.?

damaḥ kṣamā dhṛtistejaḥ saṃtoṣaḥ satyavāditā / (19.1) Par.?

hrīr ahiṃsāvyasanitā dākṣyaṃ ceti sukhāvahāḥ // (19.2) Par.?

duṣkṛte sukṛte vāpi na jantur ayato bhavet / (20.1) Par.?

nityaṃ manaḥsamādhāne prayateta vicakṣaṇaḥ // (20.2) Par.?

nāyaṃ parasya sukṛtaṃ duṣkṛtaṃ vāpi sevate / (21.1) Par.?

karoti yādṛśaṃ karma tādṛśaṃ pratipadyate // (21.2) Par.?

sukhaduḥkhe samādhāya pumān anyena gacchati / (22.1) Par.?

anyenaiva janaḥ sarvaḥ saṃgato yaśca pārthiva // (22.2) Par.?

pareṣāṃ yad asūyeta na tat kuryāt svayaṃ naraḥ / (23.1) Par.?

yo hyasūyustathāyuktaḥ so 'vahāsaṃ niyacchati // (23.2) Par.?

bhīrū rājanyo brāhmaṇaḥ sarvabhakṣo vaiśyo 'nīhāvān hīnavarṇo 'lasaśca / (24.1) Par.?

vidvāṃścāśīlo vṛttahīnaḥ kulīnaḥ satyād bhraṣṭo brāhmaṇaḥ strī ca duṣṭā // (24.2) Par.?

rāgī muktaḥ pacamāno ''tmahetor mūrkho vaktā nṛpahīnaṃ ca rāṣṭram / (25.1) Par.?

ete sarve śocyatāṃ yānti rājan yaścāyuktaḥ snehahīnaḥ prajāsu // (25.2) Par.?