Texts

Help

Select a text:
Bibliography

Select a chapter:
(no revisions)

Associated topic(s): Giving, dāna

Show parallels Show headlines
Use dependency labeler

Chapter id: 9333

Click on a sentence to show its analysis
Keep the mouse pointer over a lemma to show its meanings.

yudhiṣṭhira uvāca / (1.1) Par.?

śrutaṃ me bhavato vākyam annadānasya yo vidhiḥ / (1.2) Par.?

nakṣatrayogasyedānīṃ dānakalpaṃ bravīhi me // (1.3) Par.?

bhīṣma uvāca / (2.1) Par.?

atrāpyudāharantīmam itihāsaṃ purātanam / (2.2) Par.?

devakyāścaiva saṃvādaṃ devarṣer nāradasya ca // (2.3) Par.?

dvārakām anusaṃprāptaṃ nāradaṃ devadarśanam / (3.1) Par.?

papracchainaṃ tataḥ praśnaṃ devakī dharmadarśinī // (3.2) Par.?

tasyāḥ saṃpṛcchamānāyā devarṣir nāradastadā / (4.1) Par.?

ācaṣṭa vidhivat sarvaṃ yat tacchṛṇu viśāṃ pate // (4.2) Par.?

nārada uvāca / (5.1) Par.?

kṛttikāsu mahābhāge pāyasena sasarpiṣā / (5.2) Par.?

saṃtarpya brāhmaṇān sādhūṃl lokān āpnotyanuttamān // (5.3) Par.?

rohiṇyāṃ prathitair māṃsair māṣair annena sarpiṣā / (6.1) Par.?

payo 'nupānaṃ dātavyam ānṛṇyārthaṃ dvijātaye // (6.2) Par.?

dogdhrīṃ dattvā savatsāṃ tu nakṣatre somadaivate / (7.1) Par.?

gacchanti mānuṣāl lokāt svargalokam anuttamam // (7.2) Par.?

ārdrāyāṃ kṛsaraṃ dattvā tailamiśram upoṣitaḥ / (8.1) Par.?

narastarati durgāṇi kṣuradhārāṃśca parvatān // (8.2) Par.?

apūpān punarvasau dattvā tathaivānnāni śobhane / (9.1) Par.?

yaśasvī rūpasampanno bahvanne jāyate kule // (9.2) Par.?

puṣye tu kanakaṃ dattvā kṛtaṃ cākṛtam eva ca / (10.1) Par.?

anālokeṣu lokeṣu somavat sa virājate // (10.2) Par.?

āśleṣāyāṃ tu yo rūpyam ṛṣabhaṃ vā prayacchati / (11.1) Par.?

sa sarvabhayanirmuktaḥ śātravān adhitiṣṭhati // (11.2) Par.?

maghāsu tilapūrṇāni vardhamānāni mānavaḥ / (12.1) Par.?

pradāya putrapaśumān iha pretya ca modate // (12.2) Par.?

phalgunīpūrvasamaye brāhmaṇānām upoṣitaḥ / (13.1) Par.?

bhakṣān phāṇitasaṃyuktān dattvā saubhāgyam ṛcchati // (13.2) Par.?

ghṛtakṣīrasamāyuktaṃ vidhivat ṣaṣṭikaudanam / (14.1) Par.?

uttarāviṣaye dattvā svargaloke mahīyate // (14.2) Par.?

yad yat pradīyate dānam uttarāviṣaye naraiḥ / (15.1) Par.?

mahāphalam anantaṃ ca bhavatīti viniścayaḥ // (15.2) Par.?

haste hastirathaṃ dattvā caturyuktam upoṣitaḥ / (16.1) Par.?

prāpnoti paramāṃl lokān puṇyakāmasamanvitān // (16.2) Par.?

citrāyām ṛṣabhaṃ dattvā puṇyān gandhāṃśca bhārata / (17.1) Par.?

caratyapsarasāṃ loke ramate nandane tathā // (17.2) Par.?

svātāvatha dhanaṃ dattvā yad iṣṭatamam ātmanaḥ / (18.1) Par.?

prāpnoti lokān sa śubhān iha caiva mahad yaśaḥ // (18.2) Par.?

viśākhāyām anaḍvāhaṃ dhenuṃ dattvā ca dugdhadām / (19.1) Par.?

saprāsaṅgaṃ ca śakaṭaṃ sadhānyaṃ vastrasaṃyutam // (19.2) Par.?

pitṝn devāṃśca prīṇāti pretya cānantyam aśnute / (20.1) Par.?

na ca durgāṇyavāpnoti svargalokaṃ ca gacchati // (20.2) Par.?

dattvā yathoktaṃ viprebhyo vṛttim iṣṭāṃ sa vindati / (21.1) Par.?

narakādīṃśca saṃkleśānnāpnotīti viniścayaḥ // (21.2) Par.?

anurādhāsu prāvāraṃ vastrāntaram upoṣitaḥ / (22.1) Par.?

dattvā yugaśataṃ cāpi naraḥ svarge mahīyate // (22.2) Par.?

kālaśākaṃ tu viprebhyo dattvā martyaḥ samūlakam / (23.1) Par.?

jyeṣṭhāyām ṛddhim iṣṭāṃ vai gatim iṣṭāṃ ca vindati // (23.2) Par.?

mūle mūlaphalaṃ dattvā brāhmaṇebhyaḥ samāhitaḥ / (24.1) Par.?

pitṝn prīṇayate cāpi gatim iṣṭāṃ ca gacchati // (24.2) Par.?

atha pūrvāsvaṣāḍhāsu dadhipātrāṇyupoṣitaḥ / (25.1) Par.?

kulavṛttopasaṃpanne brāhmaṇe vedapārage / (25.2) Par.?

pradāya jāyate pretya kule subahugokule // (25.3) Par.?

udamanthaṃ sasarpiṣkaṃ prabhūtamadhuphāṇitam / (26.1) Par.?

dattvottarāsvaṣāḍhāsu sarvakāmān avāpnuyāt // (26.2) Par.?

dugdhaṃ tvabhijite yoge dattvā madhughṛtāplutam / (27.1) Par.?

dharmanityo manīṣibhyaḥ svargaloke mahīyate // (27.2) Par.?

śravaṇe kambalaṃ dattvā vastrāntaritam eva ca / (28.1) Par.?

śvetena yāti yānena sarvalokān asaṃvṛtān // (28.2) Par.?

goprayuktaṃ dhaniṣṭhāsu yānaṃ dattvā samāhitaḥ / (29.1) Par.?

vastraraśmidharaṃ sadyaḥ pretya rājyaṃ prapadyate // (29.2) Par.?

gandhāñ śatabhiṣagyoge dattvā sāgurucandanān / (30.1) Par.?

prāpnotyapsarasāṃ lokān pretya gandhāṃśca śāśvatān // (30.2) Par.?

pūrvabhādrapadāyoge rājamāṣān pradāya tu / (31.1) Par.?

sarvabhakṣaphalopetaḥ sa vai pretya sukhī bhavet // (31.2) Par.?

aurabhram uttarāyoge yastu māṃsaṃ prayacchati / (32.1) Par.?

sa pitṝn prīṇayati vai pretya cānantyam aśnute // (32.2) Par.?

kāṃsyopadohanāṃ dhenuṃ revatyāṃ yaḥ prayacchati / (33.1) Par.?

sā pretya kāmān ādāya dātāram upatiṣṭhati // (33.2) Par.?

ratham aśvasamāyuktaṃ dattvāśvinyāṃ narottamaḥ / (34.1) Par.?

hastyaśvarathasampanne varcasvī jāyate kule // (34.2) Par.?

bharaṇīṣu dvijātibhyastiladhenuṃ pradāya vai / (35.1) Par.?

gāḥ suprabhūtāḥ prāpnoti naraḥ pretya yaśastathā // (35.2) Par.?

bhīṣma uvāca / (36.1) Par.?

ityeṣa lakṣaṇoddeśaḥ prokto nakṣatrayogataḥ / (36.2) Par.?

devakyā nāradeneha sā snuṣābhyo 'bravīd idam // (36.3) Par.?

Duration=0.11794114112854 secs.