Texts

ṛṣaya ūcuḥ / (1.1) Par.?

kathaṃ kavyāni deyāni havyāni ca janairiha / (1.2) Par.?

gacchanti pitṛlokasthānprāpakaḥ ko 'tra gadyate // (1.3) Par.?

yadi martyo dvijo bhuṅkte hūyate yadi vānale / (2.1) Par.?

śubhāśubhātmakaiḥ pretairdattaṃ tadbhujyate katham // (2.2) Par.?

sūta uvāca / (3.1) Par.?

vasūnvadanti ca pitṝn rudrāṃścaiva pitāmahān / (3.2) Par.?

prapitāmahāṃstathādityānityevaṃ vaidikī śrutiḥ // (3.3) Par.?

nāma gotraṃ pitṝṇāṃ tu prāpakaṃ havyakavyayoḥ / (4.1) Par.?

śrāddhasya mantrāḥ śraddhā ca upayojyātibhaktitaḥ // (4.2) Par.?

agniṣvāttādayasteṣāmādhipatye vyavasthitāḥ / (5.1) Par.?

nāmagotrakāladeśā bhavāntaragatānapi // (5.2) Par.?

prāṇinaḥ prīṇayantyete tadāhāratvamāgatān / (6.1) Par.?

devo yadi pitā jātaḥ śubhakarmānuyogataḥ // (6.2) Par.?

tasyānnamamṛtaṃ bhūtvā divyatve 'pyanugacchati / (7.1) Par.?

daityatve bhogarūpeṇa paśutve ca tṛṇaṃ bhavet // (7.2) Par.?

śrāddhānnaṃ vāyurūpeṇa sarpatve 'pyupatiṣṭhati / (8.1) Par.?

pānaṃ bhavati yakṣatve rākṣasatve tathāmiṣam // (8.2) Par.?

danujatve tathā māyā pretatve rudhirodakam / (9.1) Par.?

manuṣyatve 'nnapānāni nānābhogarasaṃ bhavet // (9.2) Par.?

ratiśaktiḥ striyaḥ kāntā bhojyaṃ bhojanaśaktitā / (10.1) Par.?

dānaśaktiḥ savibhavā rūpamārogyameva ca // (10.2) Par.?

śraddhā puṣpamidaṃ proktaṃ phalaṃ brahmasamāgamaḥ / (11.1) Par.?

āyuḥ putrān dhanaṃ vidyāṃ svargaṃ mokṣaṃ sukhāni ca // (11.2) Par.?

rājyaṃ caiva prayacchanti prītāḥ pitṛgaṇā nṛṇām / (12.1) Par.?

śrūyate ca purā mokṣaṃ prāptāḥ kauśikasūnavaḥ / (12.2) Par.?

pañcabhirjanmasambandhairgatā viṣṇoḥ paraṃ padam // (12.3) Par.?