Texts

ṛṣaya ūcuḥ / (1.1) Par.?

jīvacchrāddhavidhiḥ proktastvayā sūta mahāmate / (1.2) Par.?

mūrkhāṇām api mokṣārthamasmākaṃ romaharṣaṇa // (1.3) Par.?

rudrādityavasūnāṃ ca śakrādīnāṃ ca suvrata / (2.1) Par.?

pratiṣṭhā kīdṛśī śaṃbhor liṅgamūrteśca śobhanā // (2.2) Par.?

viṣṇoḥ śakrasya devasya brahmaṇaśca mahātmanaḥ / (3.1) Par.?

agner yasya nirṛter varuṇasya mahādyuteḥ // (3.2) Par.?

vāyoḥ somasya yakṣasya kuberasyāmitātmanaḥ / (4.1) Par.?

īśānasya dharāyāśca śrīpratiṣṭhātha vā katham // (4.2) Par.?

durgāśivāpratiṣṭhā ca haimavatyāśca śobhanā / (5.1) Par.?

skandasya gaṇarājasya nandinaśca viśeṣataḥ // (5.2) Par.?

tathānyeṣāṃ ca devānāṃ gaṇānāmapi vā punaḥ / (6.1) Par.?

pratiṣṭhālakṣaṇaṃ sarvaṃ vistārād vaktumarhasi // (6.2) Par.?

bhavānsarvārthatattvajño rudrabhaktaśca suvrata / (7.1) Par.?

kṛṣṇadvaipāyanasyāsi sākṣāttvamaparā tanuḥ // (7.2) Par.?

sumanturjaiminiścaiva pailaśca paramarṣayaḥ / (8.1) Par.?

gurubhaktiṃ tathā kartuṃ samartho romaharṣaṇaḥ // (8.2) Par.?

iti vyāsasya vipulā gāthā bhāgīrathītaṭe / (9.1) Par.?

ekaḥ samo vā bhinno vā śiṣyastasya mahādyuteḥ // (9.2) Par.?

vaiśaṃpāyanatulyo 'si vyāsaśiṣyeṣu bhūtale / (10.1) Par.?

tasmādasmākamakhilaṃ vaktumarhasi sāṃpratam // (10.2) Par.?

evamuktvā sthiteṣveva teṣu sarveṣu tatra ca / (11.1) Par.?

babhūva vismayo 'tīva munīnāṃ tasya cāgrataḥ // (11.2) Par.?

athāntarikṣe vipulā sākṣāddevī sarasvatī / (12.1) Par.?

alaṃ munīnāṃ praśno 'yamiti vācā babhūva ha // (12.2) Par.?

sarvaṃ liṅgamayaṃ lokaṃ sarvaṃ liṅge pratiṣṭhitam / (13.1) Par.?

tasmātsarvaṃ parityajya sthāpayetpūjayecca tat // (13.2) Par.?

liṅgasthāpanasanmārganihitasvāyatāsinā / (14.1) Par.?

āśu brahmāṇḍamudbhidya nirgacchedaviśaṅkayā // (14.2) Par.?

upendrāmbhojagarbhendrayamāmbudhanadeśvarāḥ / (15.1) Par.?

tathānye ca śivaṃ sthāpya liṅgamūrtiṃ maheśvaram // (15.2) Par.?

sveṣu sveṣu ca pakṣeṣu pradhānāste yathā dvijāḥ / (16.1) Par.?

brahmā haraśca bhagavānviṣṇurdevī ramā dharā // (16.2) Par.?

lakṣmīrdhṛtiḥ smṛtiḥ prajñā dharā durgā śacī tathā / (17.1) Par.?

rudrāśca vasavaḥ skando viśākhaḥ śākha eva ca // (17.2) Par.?

naigameśaśca bhagavāṃllokapālā grahāstathā / (18.1) Par.?

sarve nandipurogāśca gaṇā gaṇapatiḥ prabhuḥ // (18.2) Par.?

pitaro munayaḥ sarve kuberādyāśca suprabhāḥ / (19.1) Par.?

ādityā vasavaḥ sāṃkhyā aśvinau ca bhiṣagvarau // (19.2) Par.?

viśvedevāśca sādhyāśca paśavaḥ pakṣiṇo mṛgāḥ / (20.1) Par.?

brahmādisthāvarāntaṃ ca sarvaṃ liṅge pratiṣṭhitam // (20.2) Par.?

tasmātsarvaṃ parityajya sthāpayelliṅgamavyayam / (21.1) Par.?

yatnena sthāpitaṃ sarvaṃ pūjitaṃ pūjayedyadi // (21.2) Par.?

iti śrīliṅgamahāpurāṇe uttarabhāge ṣaṭcatvāriṃśo 'dhyāyaḥ // (22.1) Par.?