Texts

atha dhātuśodhanam // (1) Par.?

svarṇādidhātūnāṃ patrāṇi tailādau tridhā trivāram agnau pratāpayet taptvā taptvā niṣiñcayet nirvāpayet // (2) Par.?

evaṃ svarṇādilohānāṃ śuddhiḥ samprajāyate // (3) Par.?

nāgavaṅgayor viśeṣeṇa śodhanamāha tadā viśuddhiḥ syāt // (4) Par.?

nanu pittalaḥ kṛtrimastatkathaṃ sapta ucyante eke yaśadena saha sapta āhuḥ // (5) Par.?

tathā ca svarṇaṃ rūpyaṃ ca tāmraṃ ca raṅgaṃ yaśadameva ca / (6.1) Par.?

sīsaṃ lohaṃ ca saptaite dhātavo girisambhavāḥ / (6.2) Par.?

iti // (6.3) Par.?

atha svarṇādidhātumāraṇaṃ tatrādau śārṅgadharānuktamapi svarṇotpattibhedaśuddhāśuddhalakṣaṇamāha athotpattiḥ / (7.1) Par.?

purā nijāśramasthānāṃ saptarṣīṇāṃ jitātmanām / (7.2) Par.?

patnyo vilokya lāvaṇyaṃ lakṣmīsampannayauvanāḥ // (7.3) Par.?

kandarpadarpavidhvastacetaso jātavedasaḥ / (8.1) Par.?

patitaṃ yaddharāpṛṣṭhe retaḥ sauvarṇatām agāt // (8.2) Par.?

atha bhedāḥ prākṛtaṃ sahajaṃ vahnisambhūtaṃ khanijaṃ tathā / (9.1) Par.?

rasendravedhasaṃjātaṃ svarṇaṃ pañcavidhaṃ matam // (9.2) Par.?

brahmāṇḍaṃ saṃvṛtaṃ yena durlabhaṃ prākṛtaṃ hi tat / (10.1) Par.?

brahmavrataṃ tu sahajaṃ vahnijaṃ parikīrtitam // (10.2) Par.?

etatsvarṇatrayaṃ divyaṃ varṇair yaccāśubhiryutam / (11.1) Par.?

dhāraṇādeva tatkuryāccharīramajarāmaram // (11.2) Par.?

khanijaṃ khananājjātaṃ vedhajaṃ rasavedhataḥ / (12.1) Par.?

taccaturdaśavarṇāḍhyaṃ bhakṣitaṃ sarvarogajit // (12.2) Par.?

athāśuddhasvarṇaparīkṣā / (13.1) Par.?

śvetāṅgaṃ kaṭhinaṃ rūkṣaṃ vivarṇaṃ ca samardalam / (13.2) Par.?

dāhe chede sitaṃ śvetaṃ gharṣe cāpi malaṃ tyajet // (13.3) Par.?