UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3898
- Click on a sentence to show its analysis
- Keep the mouse pointer over a lemma to show its meanings.
śrīmārkaṇḍeya uvāca / (1.1)
Par.?
evaṃ saṃstūyamānastu brahmādyair munipuṃgavaiḥ / (1.2)
Par.?
brahmalokagataistatra saṃjahāra jagatprabhuḥ // (1.3)
Par.?
sa tadbhīmaṃ mahāraudraṃ dakṣiṇaṃ vaktramavyayam / (2.1)
Par.?
mahādaṃṣṭrotkaṭārāvaṃ pātālatalasaṃnibham // (2.2)
Par.?
vidyujjvalanapiṅgākṣaṃ bhairavaṃ lomaharṣaṇam / (3.1)
Par.?
mahājihvaṃ mahādaṃṣṭraṃ mahāsarpaśirodharam // (3.2)
Par.?
mahāsuraśiromālaṃ mahāpralayakāraṇam / (4.1)
Par.?
grasatsamudranihitavātavārimayaṃ haviḥ // (4.2)
Par.?
vaḍavāmukhasaṅkāśaṃ mahādevasya tanmukham / (5.1)
Par.?
jihvāgreṇa jagatsarvaṃ lelihānamapaśyata // (5.2)
Par.?
yojanānāṃ sahasrāṇi sahasrāṇāṃ śatāni ca / (6.1)
Par.?
diśo daśa mahāghorā māṃsamedovasotkaṭāḥ // (6.2)
Par.?
tasya daṃṣṭrā vyavardhata śataśo 'tha sahasraśaḥ / (7.1)
Par.?
sāsurānsuragandharvān sayakṣoragarākṣasān // (7.2)
Par.?
tasya daṃṣṭrāgrasaṃlagnānsa dadarśa pitāmahaḥ / (8.1)
Par.?
dantayantrāntasaṃviṣṭaṃ vicūrṇitaśirodharam // (8.2)
Par.?
jagat paśyāmi rājendra viśantaṃ vyādite mukhe / (9.1)
Par.?
nānātaraṅgabhaṅgāṅgā mahāphenaughasaṃkulāḥ / (9.2)
Par.?
yathā nadyo layaṃ yānti samudraṃ prāpya sasvanāḥ // (9.3)
Par.?
tathā tataṃ viśvamidaṃ samastamanekajīvārṇavadurvigāhyam / (10.1)
Par.?
viveśa rudrasya mukhaṃ viśālaṃ jvalattadugraṃ ghananādaghoram // (10.2)
Par.?
jvālāstatastasya mukhātsughorāḥ savisphuliṅgā bahulāḥ sadhūmāḥ / (11.1)
Par.?
anekarūpā jvalanaprakāśāḥ pradīpayantīva diśo 'khilāśca // (11.2)
Par.?
tato ravijvālasahasramāli babhūva vaktraṃ calajihvadaṃṣṭram / (12.1)
Par.?
maheśvarasyādbhutarūpiṇas tadā sa dvādaśātmā prababhūva ekaḥ // (12.2)
Par.?
tataste dvādaśādityā rudravaktrādvinirgatāḥ / (13.1)
Par.?
āśritya dakṣiṇāmāśāṃ nirdahanto vasuṃdharām // (13.2)
Par.?
bhaumaṃ yajjīvanaṃ kiṃcinnānāvṛkṣatṛṇālayam / (14.1)
Par.?
śuṣkaṃ pūrvamanāvṛṣṭyā sakalākulabhūtalam // (14.2)
Par.?
taddīpyamānaṃ sahasā sūryais tai rudrasambhavaiḥ / (15.1)
Par.?
dhūmākulamabhūtsarvaṃ praṇaṣṭagrahatārakam // (15.2)
Par.?
jajvāla sahasā dīptaṃ bhūmaṇḍalam aśeṣataḥ / (16.1)
Par.?
jvālāmālākulaṃ sarvamabhūdetaccarācaram // (16.2)
Par.?
saptadvīpasamudreṣu saritsu ca sarassu ca agniratti jagatsarvamājyāhutimivādhvare // (17.1)
Par.?
viśālatejasā dīptā mahājvālāsamākulāḥ / (18.1)
Par.?
dadahur vai jagatsarvamādityā rudrasambhavāḥ // (18.2)
Par.?
ādityānāṃ raśmayaśca saṃspṛṣṭā vai parasparam / (19.1)
Par.?
evaṃ dadāha bhagavāṃstrailokyaṃ sacarācaram // (19.2)
Par.?
saptadvīpapramāṇastu so 'gnirbhūtvā maheśvaraḥ / (20.1) Par.?
saptadvīpasamudrāntāṃ nirdadāha vasuṃdharām // (20.2)
Par.?
sumerumandarāntāṃ ca nirdahur vasudhāṃ tadā / (21.1)
Par.?
bhittvā tu saptapātālaṃ nāgalokaṃ tato 'dahat // (21.2)
Par.?
bhūmyadhaḥ saptapātālānnirdahaṃstārakaiḥ saha / (22.1)
Par.?
cacārāgniḥ samantāttu nirdahanvai yudhiṣṭhira // (22.2)
Par.?
dhamyamāna ivāṅgārair loharātrir iva jvalan / (23.1)
Par.?
tathā tatprājvalatsarvaṃ saṃvartāgnipradīpitam // (23.2)
Par.?
nirvṛkṣā nistṛṇā bhūmir
nirnirjharasaraḥ sarit / (24.1)
Par.?
viśīrṇaśailaśṛṅgaughā kūrmapṛṣṭhopamābhavat // (24.2)
Par.?
jvālāmālākulaṃ kṛtvā jagatsarvaṃ
cidāmakam / (25.1)
Par.?
mahārūpadharo rudro vyatiṣṭhata maheśvaraḥ // (25.2)
Par.?
samātṛgaṇabhūyiṣṭhā sayakṣoragarākṣasā / (26.1)
Par.?
tato devī mahādevaṃ viveśa harilocanā // (26.2)
Par.?
nirvāṇaṃ paramāpannā śānteva śikhinaḥ śikhā / (27.1)
Par.?
jagatsarvaṃ hi nirdagdhaṃ tribhirlokaiḥ sahānagha // (27.2)
Par.?
rudraprasādānmuktvā māṃ narmadāṃ cāpyayonijām / (28.1)
Par.?
yugānāmayutaṃ devo mayā cādya
bubhakṣaṇāt // (28.2)
Par.?
purā hyārādhitaḥ śūlī tenāhamajarāmaraḥ / (29.1)
Par.?
aghamarṣaṇaghoraṃ ca vāmadevaṃ ca tryambakam // (29.2)
Par.?
ṛṣabhaṃ trisuparṇaṃ ca durgāṃ sāvitrameva ca / (30.1)
Par.?
bṛhadāraṇyakaṃ caiva bṛhatsāma tathottaram // (30.2)
Par.?
raudrīṃ paramagāyatrīṃ śivopaniṣadaṃ tathā / (31.1)
Par.?
yathā pratirathaṃ sūktaṃ japtvā mṛtyuṃjayaṃ tathā // (31.2)
Par.?
saritsāgaraparyantā vasudhā bhasmasātkṛtā / (32.1)
Par.?
varjayitvā mahābhāgāṃ narmadāmamṛtopamām // (32.2)
Par.?
mahendro malayaḥ sahyo hemakūṭo 'tha mālyavān / (33.1)
Par.?
vindhyaśca pāriyātraśca saptaite kulaparvatāḥ // (33.2)
Par.?
dvādaśādityanirdagdhāḥ śailāḥ śīrṇaśilāḥ pṛthak / (34.1)
Par.?
bhasmībhūtāstu dṛśyante na naṣṭā narmadā tadā // (34.2)
Par.?
himavānhemakūṭaśca niṣadho gandhamādanaḥ / (35.1)
Par.?
mālyavāṃśca giriśreṣṭho nīlaḥ śveto 'tha śṛṅgavān // (35.2)
Par.?
ete
parvatarā jāno devagandharvasevitāḥ / (36.1)
Par.?
yugāntāgnivinirdagdhāḥ sarve śīrṇamahāśilāḥ // (36.2)
Par.?
evaṃ mayā purā dṛṣṭo yugānte sarvasaṃkṣayaḥ / (37.1)
Par.?
varjayitvā mahāpuṇyāṃ narmadāṃ nṛpasattama // (37.2)
Par.?
iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe śrīnarmadāmāhātmye dvādaśādityarūpeṇa jagatsaṃharaṇavarṇanaṃ nāma saptadaśo 'dhyāyaḥ // (38.1)
Par.?
Duration=0.22440004348755 secs.