Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 4680

Click on a sentence to show its analysis
Keep the mouse pointer over a lemma to show its meanings.

śrīmārkaṇḍeya uvāca / (1.1) Par.?

tato gacchettu rājendra tīrthamāṅgirasasya tu / (1.2) Par.?

uttare narmadākūle sarvapāpavināśanam // (1.3) Par.?

purāsīdaṅgirānāma brāhmaṇo vedapāragaḥ / (2.1) Par.?

putrahetor yugasyādau cacāra vipulaṃ tapaḥ // (2.2) Par.?

nityaṃ triṣavaṇasnāyī japandevaṃ sanātanam / (3.1) Par.?

pūjayaṃśca mahādevaṃ kṛcchracāndrāyaṇādibhiḥ // (3.2) Par.?

dvādaśābde tataḥ pūrṇe tutoṣa parameśvaraḥ / (4.1) Par.?

vareṇa chandayāmāsa dvijam āṅgirasaṃ varam // (4.2) Par.?

vavre sa tu mahādevaṃ putraṃ putravatāṃ varam / (5.1) Par.?

vedavidyāvratasnātaṃ sarvaśāstraviśāradam // (5.2) Par.?

devānāṃ mantriṇaṃ rājan sarvalokeṣu pūjitam / (6.1) Par.?

brahmalakṣmyāḥ sadāvāsam akṣayaṃ cāvyayaṃ sutam // (6.2) Par.?

tathābhilaṣitaḥ putraḥ sarvavidyāviśāradaḥ / (7.1) Par.?

bhaviṣyati na sandehaścaivamuktvā yayau haraḥ // (7.2) Par.?

varair aṅgirasaścāpi bṛhaspatirajāyata / (8.1) Par.?

yathābhilaṣitaḥ putro vedavedāṅgapāragaḥ // (8.2) Par.?

jāte putre'ṅgirās tatra sthāpayāmāsa śaṅkaram / (9.1) Par.?

hṛṣṭatuṣṭamanā bhūtvā jagāmottaraparvatam // (9.2) Par.?

tatra cāṅgirase tīrthe yaḥ snātvā pūjayecchivam / (10.1) Par.?

sarvapāpavinirmukto rudralokaṃ sa gacchati // (10.2) Par.?

aputro labhate putramadhano dhanamāpnuyāt / (11.1) Par.?

icchate yaśca yaṃ kāmaṃ sa taṃ labhati mānavaḥ // (11.2) Par.?

iti śrīskānde mahāpurāṇa ekāśītisāhasryāṃ saṃhitāyāṃ pañcama āvantyakhaṇḍe revākhaṇḍe 'gnirasatīrthamāhātmyavarṇanaṃ nāma dvādaśādhikaśatatamo 'dhyāyaḥ // (12.1) Par.?

Duration=0.068424940109253 secs.