Texts

atha brāhmaṇasya varṇānukrameṇa catasro bhāryā bhavanti // (1.1) Par.?

tisraḥ kṣatriyasya // (2.1) Par.?

dve vaiśyasya // (3.1) Par.?

ekā śūdrasya // (4.1) Par.?

tāsāṃ savarṇāvedane pāṇir grāhyaḥ // (5.1) Par.?

asavarṇāvedane śaraḥ kṣatriyakanyayā // (6.1) Par.?

pratodo vaiśyakanyayā // (7.1) Par.?

vasanadaśāntaḥ śūdrakanyayā // (8.1) Par.?

na sagotrāṃ na samānārṣapravarāṃ bhāryāṃ vindeta // (9.1) Par.?

mātṛtas tv ā pañcamāt puruṣāt pitṛtaś cā saptamāt // (10.1) Par.?

nākulīnām // (11.1) Par.?

na ca vyādhitām // (12.1) Par.?

nādhikāṅgīm // (13.1) Par.?

na hīnāṅgīm // (14.1) Par.?

nātikapilām // (15.1) Par.?

na vācāṭām // (16.1) Par.?

athāṣṭau vivāhā bhavanti // (17.1) Par.?

brāhmo daiva ārṣaḥ prājāpatyo gāndharva āsuro rākṣasaḥ paiśācaś ceti // (18.1) Par.?

āhūya guṇavate kanyādānaṃ brāhmaḥ // (19.1) Par.?

yajñasthartvije daivaḥ // (20.1) Par.?

gomithunagrahaṇenārṣaḥ // (21.1) Par.?

prārthitapradānena prājāpatyaḥ // (22.1) Par.?

dvayoḥ sakāmayor mātāpitṛrahito yogo gāndharvaḥ // (23.1) Par.?

krayeṇāsuraḥ // (24.1) Par.?

yuddhaharaṇena rākṣasaḥ // (25.1) Par.?

suptapramattābhigamanāt paiśācaḥ // (26.1) Par.?

eteṣvādyāścatvāro dharmyāḥ // (27.1) Par.?

gāndharvo 'pi rājanyānām // (28.1) Par.?

brāhmīputraḥ puruṣān ekaviṃśatiṃ punīte // (29.1) Par.?

daivīputraś caturdaśa // (30.1) Par.?

ārṣīputraś ca sapta // (31.1) Par.?

prājāpatyaś caturaḥ // (32.1) Par.?

brāhmeṇa vivāhena kanyāṃ dadat brahmalokaṃ gamayati // (33.1) Par.?

daivena svargam // (34.1) Par.?

ārṣeṇa vaiṣṇavam // (35.1) Par.?

prājāpatyena devalokam // (36.1) Par.?

gāndharveṇa gandharvalokaṃ gacchati // (37.1) Par.?

pitā pitāmaho bhrātā sakulyo mātāmaho mātā ceti kanyāpradāḥ // (38.1) Par.?

pūrvābhāve prakṛtisthaḥ paraḥ para iti // (39.1) Par.?

ṛtutrayam upāsyaiva kanyā kuryāt svayaṃvaram / (40.1) Par.?

ṛtutraye vyatīte tu prabhavatyātmanaḥ sadā // (40.2) Par.?

pitṛveśmani yā kanyā rajaḥ paśyatyasaṃskṛtā / (41.1) Par.?

sā kanyā vṛṣalī jñeyā haraṃs tāṃ na viduṣyati // (41.2) Par.?