Texts

abhiyuñjāno yoṣitaḥ pravṛttiṃ parīkṣeta / (1.1) Par.?

tayā bhāvaḥ parīkṣito bhavati / (1.2) Par.?

abhiyogāṃśca pratigṛhṇīyāt // (1.3) Par.?

mantram avṛṇvānāṃ dūtyaināṃ sādhayet // (2.1) Par.?

apratigṛhyābhiyogaṃ punar api saṃsṛjyamānāṃ dvidhā bhūtamānasāṃ vidyāt / (3.1) Par.?

tāṃ krameṇa sādhayet // (3.2) Par.?

apratigṛhyābhiyogaṃ saviśeṣam alaṃkṛtā ca punar dṛśyeta tathaiva tam abhigacchecca vivikte balād grahaṇīyāṃ vidyāt // (4.1) Par.?

bahūn api viṣahate abhiyogān na ca cireṇāpi prayacchatyātmānaṃ sā śuṣkapratigrāhiṇī paricayavighaṭanasādhyā // (5.1) Par.?

manuṣyajāteścittānityatvāt // (6.1) Par.?

abhiyuktāpi pariharati / (7.1) Par.?

na ca saṃsṛjyate / (7.2) Par.?

na ca pratyācaṣṭe / (7.3) Par.?

tasminn ātmani ca gauravābhimānāt / (7.4) Par.?

sātiparicayāt kṛcchrasādhyā / (7.5) Par.?

marmajñayā dūtyā tāṃ sādhayet // (7.6) Par.?

sā ced abhiyujyamānā pāruṣyeṇa pratyādiśatyupekṣyā // (8.1) Par.?

paruṣayitvāpi tu prītiyojinīṃ sādhayet // (9.1) Par.?

kāraṇāt saṃsparśanaṃ sahate nāvabudhyate nāma dvidhābhūtamānasā sātatyena kṣāntyā vā sādhyā / (10.1) Par.?

samīpe śayānāyāḥ supto nāma karam upari vinyaset / (10.2) Par.?

sāpi suptevopekṣate / (10.3) Par.?

jāgratī tvapanuded bhūyo 'bhiyogākāṅkṣiṇī // (10.4) Par.?

etena pādasyopari pādanyāso vyākhyātaḥ / (11.1) Par.?

tasmin prasṛte bhūyaḥ suptasaṃśleṣaṇam upakramet / (11.2) Par.?

tadasahamānām utthitāṃ dvitīye ahani prakṛtivartinīm abhiyogārthinīṃ vidyāt / (11.3) Par.?

adṛśyamānāṃ tu dūtīsādhyām // (11.4) Par.?

ciram adṛṣṭāpi prakṛtisthaiva saṃsṛjyate kṛtalakṣaṇāṃ tāṃ darśitākārām upakramet // (12.1) Par.?

anabhiyuktāpyākārayati / (13.1) Par.?

vivikte cātmānaṃ darśayati / (13.2) Par.?

savepathugadgadaṃ vadati / (13.3) Par.?

svinnakaracaraṇāṅguliḥ svinnamukhī ca bhavati / (13.4) Par.?

śiraḥpīḍane saṃvāhane corvor ātmānaṃ nāyake niyojayati / (13.5) Par.?

āturā saṃvāhikā caikena hastena saṃvāhayantī dvitīyena bāhunā sparśam āvedayati śleṣayati ca / (13.6) Par.?

vismitabhāvā / (13.7) Par.?

nidrāndhā vā parispṛśyorubhyāṃ bāhubhyām api tiṣṭhati / (13.8) Par.?

alikaikadeśam ūrvor upari pātayati / (13.9) Par.?

ūrūmūlasaṃvāhane niyuktā na pratilomayati / (13.10) Par.?

tatraiva hastam ekam avicalaṃ nyasyati / (13.11) Par.?

aṅgasaṃdaṃśena ca pīḍitaṃ cirād apanayati / (13.12) Par.?

pratigṛhyaivaṃ nāyakābhiyogān punar dvitīye ahani saṃvāhanāyopagacchati / (13.13) Par.?

nātyarthaṃ saṃsṛjyate / (13.14) Par.?

na ca pariharati / (13.15) Par.?

vivikte bhāvaṃ darśayati niṣkāraṇaṃ cāgūḍham anyatra pracchannapradeśāt / (13.16) Par.?

saṃnikṛṣṭaparicārakopabhogyā sā ced ākāritāpi tathaiva syāt sā marmajñayā dūtyā sādhyā / (13.17) Par.?

vyāvartamānā tu tarkaṇīyeti bhāvaparīkṣā // (13.18) Par.?

bhavanti cātra ślokāḥ / (14.1) Par.?

ādau paricayaṃ kuryāt tataśca paribhāṣaṇam / (14.2) Par.?

paribhāṣaṇasaṃmiśraṃ mithaścākāravedanam // (14.3) Par.?

pratyuttareṇa paśyecced ākārasya parigraham / (15.1) Par.?

tato 'bhiyuñjīta naraḥ striyaṃ vigatasādhvasaḥ // (15.2) Par.?

ākāreṇātmano bhāvaṃ yā nārī prāk prayojayet / (16.1) Par.?

kṣipram evābhiyojyā sā prathame tv eva darśane // (16.2) Par.?

ślakṣṇam ākāritā yā tu darśayet sphuṭam uttaram / (17.1) Par.?

sāpi tatkṣaṇasiddheti vijñeyā ratilālasā // (17.2) Par.?

dhīrāyām apragalbhāyāṃ parīkṣiṇyāṃ ca yoṣiti / (18.1) Par.?

eṣa sūkṣmo vidhiḥ proktaḥ siddhā eva sphuṭaṃ striyaḥ // (18.2) Par.?