UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 7269
- Click on a sentence to show its analysis
- Keep the mouse pointer over a lemma to show its meanings.
parabalaghātaprayoga
cāturvarṇyarakṣārtham aupaniṣadikam adharmiṣṭheṣu prayuñjīta // (1.1)
Par.?
kālakūṭādir viṣavargaḥ śraddheyadeśaveṣaśilpabhāṣābhijanāpadeśaiḥ kubjavāmanakirātamūkabadhirajaḍāndhacchadmabhir mlecchajātīyair abhipretaiḥ strībhiḥ puṃbhiśca paraśarīropabhogeṣvavadhātavyaḥ // (2.1)
Par.?
rājakrīḍābhāṇḍanidhānadravyopabhogeṣu gūḍhāḥ śastranidhānaṃ kuryuḥ sattrājīvinaśca rātricāriṇo 'gnijīvinaścāgninidhānam // (3.1)
Par.?
citrabhekakauṇḍinyakakṛkaṇapañcakuṣṭhaśatapadīcūrṇam uccidiṅgakaṃ valīśatakandedhmakṛkalāsacūrṇaṃ gṛhagolikāndhāhikakrakaṇṭhakapūtikīṭagomārikācūrṇaṃ
bhallātakāvalgujarasaṃyuktaṃ sadyaḥprāṇaharam eteṣāṃ vā dhūmaḥ // (4.1)
Par.?
kīṭo vānyatamastaptaḥ kṛṣṇasarpapriyaṅgubhiḥ / (5.1)
Par.?
śoṣayed eṣa saṃyogaḥ sadyaḥprāṇaharo mataḥ // (5.2)
Par.?
dhāmārgavayātudhānamūlaṃ bhallātakapuṣpacūrṇayuktam ārdhamāsikaḥ // (6.1)
Par.?
vyāghātakamūlaṃ bhallātakapuṣpacūrṇayuktaṃ kīṭayogo māsikaḥ // (7.1)
Par.?
kalāmātraṃ puruṣāṇām dviguṇaṃ kharāśvānām caturguṇaṃ hastyuṣṭrāṇām // (8.1)
Par.?
śatakardamoccidiṅgakaravīrakaṭutumbīmatsyadhūmo madanakodravapalālena hastikarṇapalāśapalālena vā pravātānuvāte praṇīto yāvaccarati tāvan mārayati // (9.1)
Par.?
pūtikīṭamatsyakaṭutumbīśatakardamedhmendragopacūrṇaṃ pūtikīṭakṣudrārālāhemavidārīcūrṇaṃ vā bastaśṛṅgakhuracūrṇayuktam andhīkaro dhūmaḥ // (10.1)
Par.?
pūtikarañjapattraharitālamanaḥśilāguñjāraktakārpāsapalālānyāsphoṭakācagośakṛdrasapiṣṭam andhīkaro dhūmaḥ // (11.1)
Par.?
sarpanirmokaṃ go'śvapurīṣam andhāhikaśiraścāndhīkaro dhūmaḥ // (12.1)
Par.?
pārāvataplavakakravyādānāṃ hastinaravarāhāṇāṃ ca mūtrapurīṣaṃ kāsīsahiṅguyavatuṣakaṇataṇḍulāḥ kārpāsakuṭajakośātakīnāṃ ca bījāni gomūtrikābhāṇḍīmūlaṃ
nimbaśigruphaṇirjakākṣīvapīlukabhaṅgaḥ sarpaśapharīcarma hastinakhaśṛṅgacūrṇam ityeṣa dhūmo madanakodravapalālena hastikarṇapalāśapalālena vā praṇītaḥ pratyekaśo yāvaccarati tāvan mārayati // (13.1)
Par.?
kālīkuṣṭhanaḍaśatāvarīmūlaṃ sarpapracalākakṛkaṇapañcakuṣṭhacūrṇaṃ vā dhūmaḥ pūrvakalpenārdraśuṣkapalālena vā praṇītaḥ saṃgrāmāvataraṇāvaskandanasaṃkuleṣu kṛtanejanodakākṣipratīkāraiḥ praṇītaḥ sarvaprāṇināṃ netraghnaḥ // (14.1)
Par.?
śārikākapotabakabalākāleṇḍam arkākṣipīlukasnuhikṣīrapiṣṭam andhīkaraṇam añjanam udakadūṣaṇaṃ ca // (15.1)
Par.?
yavakaśālimūlamadanaphalajātīpattranaramūtrayogaḥ plakṣavidārīmūlayukto mūkodumbaramadanakodravakvāthayukto hastikarṇapalāśakvāthayukto vā madanayogaḥ // (16.1)
Par.?
śṛṅgigautamavṛkakaṇṭakāramayūrapadīyogo guñjālāṅgalīviṣamūlikeṅgudīyogaḥ
karavīrākṣipīlukārkamṛgamāraṇīyogo madanakodravakvāthayukto hastikarṇapalāśakvāthayukto vā madanayogaḥ // (17.1)
Par.?
samastā vā yavasendhanodakadūṣaṇāḥ // (18.1)
Par.?
kṛtakaṇḍakakṛkalāsagṛhagolikāndhāhikadhūmo netravadham unmādaṃ ca karoti // (19.1)
Par.?
kṛkalāsagṛhagolikāyogaḥ kuṣṭhakaraḥ // (20.1)
Par.?
sa eva citrabhekāntramadhuyuktaḥ prameham āpādayati manuṣyalohitayuktaḥ śoṣam // (21.1)
Par.?
dūṣīviṣaṃ madanakodravacūrṇam apajihvikāyogaḥ // (22.1) Par.?
mātṛvāhakāñjalikārapracalākabhekākṣipīlukayogo viṣūcikākaraḥ // (23.1)
Par.?
pañcakuṣṭhakakauṇḍinyakarājavṛkṣapuṣpamadhuyogo jvarakaraḥ // (24.1)
Par.?
bhāsanakulajihvāgranthikāyogaḥ kharīkṣīrapiṣṭo mūkabadhirakaro māsārdhamāsikaḥ // (25.1)
Par.?
kalāmātraṃ puruṣāṇām iti samānaṃ pūrveṇa // (26.1)
Par.?
bhaṅgakvāthopanayanam auṣadhānām cūrṇaṃ prāṇabhṛtām sarveṣāṃ vā kvāthopanayanam evaṃ vīryavattaraṃ bhavati // (27.1)
Par.?
iti yogasampat // (28.1)
Par.?
śālmalīvidārīdhānyasiddho mūlavatsanābhasaṃyuktaś cucchundarīśoṇitapralepena digdho bāṇo yaṃ vidhyati sa viddho 'nyān daśapuruṣān daśati te daṣṭā daśānyān daśanti puruṣān // (29.1)
Par.?
bhallātakayātudhānāvānudhāmārgavabāṇānāṃ puṣpair elakākṣigugguluhālāhalānāṃ ca kaṣāyaṃ bastanaraśoṇitayuktaṃ daṃśayogaḥ // (30.1)
Par.?
tato 'rdhadharaṇiko yogaḥ saktupiṇyākābhyām udake praṇīto dhanuḥśatāyāmam udakāśayaṃ dūṣayati // (31.1)
Par.?
matsyaparamparā hyetena daṣṭābhimṛṣṭā vā viṣībhavati yaścaitad udakaṃ pibati spṛśati vā // (32.1)
Par.?
raktaśvetasarṣapair godhātripakṣamuṣṭikāyāṃ bhūmau nikhātāyāṃ nihitā vadhyenoddhṛtā yāvat paśyati tāvan mārayati kṛṣṇasarpo vā // (33.1)
Par.?
vidyutpradagdho 'ṅgāro jvālo vā vidyutpradagdhaiḥ kāṣṭhair gṛhītaścānuvāsitaḥ kṛttikāsu bharaṇīṣu vā raudreṇa karmaṇābhihuto 'gniḥ praṇītaśca niṣpratīkāro dahati // (34.1)
Par.?
karmārād agnim āhṛtya kṣaudreṇa juhuyāt pṛthak / (35.1)
Par.?
surayā śauṇḍikād agniṃ mārgato 'gniṃ ghṛtena ca // (35.2)
Par.?
mālyena caikapatnyagniṃ puṃścalyagniṃ ca sarṣapaiḥ / (36.1)
Par.?
dadhnā ca sūtikāsvagnim āhitāgniṃ ca taṇḍulaiḥ // (36.2)
Par.?
caṇḍālāgniṃ ca māṃsena citāgniṃ mānuṣeṇa ca // (37.1)
Par.?
samastān bastavasayā mānuṣeṇa dhruveṇa ca // (38.1)
Par.?
juhuyād agnimantreṇa rājavṛkṣasya dārubhiḥ / (39.1)
Par.?
eṣa niṣpratikāro 'gnir dviṣatāṃ netramohanaḥ // (39.2)
Par.?
adite namaste anumate namaste sarasvati namaste deva savitar namaste // (40.1)
Par.?
agnaye svāhā somāya svāhā bhūḥ svāhā bhuvaḥ svāhā // (41.1)
Par.?
Duration=0.099384784698486 secs.