Texts

agnir uvāca / (1.1) Par.?

avatāraṃ varāhasya vakṣye 'haṃ pāpanāśanam / (1.2) Par.?

hiraṇyākṣo 'sureśo 'bhūt devān jitvā divi sthitaḥ // (1.3) Par.?

devair gatvā stuto viṣṇur yajñarūpo varāhakaḥ / (2.1) Par.?

abhūt taṃ dānavaṃ hatvā daityaiḥ sākaṃ ca kaṇṭakam // (2.2) Par.?

dharmadevādirakṣākṛt tataḥ so 'ntardadhe hariḥ / (3.1) Par.?

hiraṇyākṣasya vai bhrātā hiraṇyakaśipus tathā // (3.2) Par.?

jitadevayajñabhāgaḥ sarvadevādhikārakṛt / (4.1) Par.?

nārasiṃhavapuḥ kṛtvā taṃ jaghāna suraiḥ saha // (4.2) Par.?

svapadasthān surāṃś cakre nārasiṃhaḥ suraiḥ stutaḥ / (5.1) Par.?

devāsure purā yuddhe baliprabhṛtibhiḥ surāḥ // (5.2) Par.?

jitāḥ svargātparibhraṣṭā hariṃ vai śaraṇaṃ gatāḥ / (6.1) Par.?

surāṇāmabhayaṃ dattvā adityā kaśyapena ca // (6.2) Par.?

stuto 'sau vāmano bhūtvā hy adityāṃ sa kratuṃ yayau / (7.1) Par.?

baleḥ śrīyajamānasya rājadvāre 'gṛṇāt śrutiṃ // (7.2) Par.?

devān paṭhantaṃ taṃ śrutvā vāmanaṃ varado 'bravīt / (8.1) Par.?

nivārito 'pi śukreṇa balir brūhi yad icchasi // (8.2) Par.?

tatte 'haṃ sampradāsyāmi vāmano balimabravīt / (9.1) Par.?

padatrayaṃ hi gurvarthaṃ dehi dāsye tamabravīt // (9.2) Par.?

toye tu patite haste vāmano 'bhūdavāmanaḥ / (10.1) Par.?

bhūrlokaṃ sa bhuvarlokaṃ svarlokaṃ ca padatrayaṃ // (10.2) Par.?

cakre baliṃ ca sūtalaṃ tacchakrāya dadau hariḥ / (11.1) Par.?

śakro devair hariṃ stutvā bhuvaneśaḥ sukhī tvabhūt // (11.2) Par.?

vakṣye paraśurāmasya cāvatāraṃ śṛṇu dvija / (12.1) Par.?

uddhatān kṣatriyān matvā bhūbhāraharaṇāya saḥ // (12.2) Par.?

avatīrṇo hariḥ śāntyai devaviprādipālakaḥ / (13.1) Par.?

jamadagne reṇukāyāṃ bhārgavaḥ śastrapāragaḥ // (13.2) Par.?

dattātreyaprasādena kārttavīryo nṛpastvabhṛt / (14.1) Par.?

sahasrabāhuḥ sarvorvīpatiḥ sa mṛgayāṃ gataḥ // (14.2) Par.?

śrānto nimantrito 'raṇye muninā jamadagninā / (15.1) Par.?

kāmadhenuprabhāveṇa bhojitaḥ sabalo nṛpaḥ // (15.2) Par.?

aprārthayat kāmadhenuṃ yadā sa na dadau tadā / (16.1) Par.?

hṛtavānatha rāmeṇa śiraśchittvā nipātitaḥ // (16.2) Par.?

yuddhe paraśunā rājā dhenuḥ svāśramamāyayau / (17.1) Par.?

kārttavīryasya putraistu jamadagnirnipātitaḥ // (17.2) Par.?

rāme vanaṃ gate vairād atha rāmaḥ samāgataḥ / (18.1) Par.?

pitaraṃ nihataṃ dṛṣṭvā pitṛnāśābhimarṣitaḥ // (18.2) Par.?

triḥsaptakṛtvaḥ pṛthivīṃ niḥkṣatrāmakarodvibhuḥ / (19.1) Par.?

kurukṣetre pañca kuṇḍān kṛtvā saṃtarpya vai pitṝn // (19.2) Par.?

kāśyapāya mahīṃ dattvā mahendre parvate sthitaḥ / (20.1) Par.?

kūrmasya ca varāhasya nṛsiṃhasya ca vāmanaṃ / (20.2) Par.?

avatāraṃ ca rāmasya śrutvā yāti divaṃ naraḥ // (20.3) Par.?

ity ādimahāpurāṇe āgneye varāhanṛsiṃhādyavatāro nāma caturtho 'dhyāyaḥ // (21.1) Par.?