Texts

prāyaścittāni vakṣyāmo nānārthāni pṛthakpṛthak / (1.1) Par.?

teṣu teṣu ca doṣeṣu garīyāṃsi laghūni ca // (1.2) Par.?

yady atra hi bhaved yuktaṃ taddhi tatraiva nirdiśet / (2.1) Par.?

bhūyo bhūyo garīyaḥsu laghuṣv alpīyasas tathā // (2.2) Par.?

vidhinā śāstradṛṣṭena prāṇāyāmān samācaret / (3.1) Par.?

yad upasthakṛtaṃ pāpaṃ padbhyāṃ vā yat kṛtaṃ bhavet / (3.2) Par.?

bāhubhyāṃ manasā vācā śrotratvagghrāṇacakṣuṣā // (3.3) Par.?

api vā cakṣuḥśrotratvagghrāṇamanovyatikrameṣu tribhiḥ prāṇāyāmaiḥ śudhyati // (4.1) Par.?

śūdrānnastrīgamanabhojaneṣu kevaleṣu pṛthakpṛthak saptāhaṃ sapta sapta prāṇāyāmān dhārayet // (5.1) Par.?

abhakṣyābhojyāpeyānādyaprāśaneṣu tathāpaṇyavikrayeṣu madhumāṃsaghṛtatailakṣāralavaṇāvarānnavarjeṣu yac cānyad apy evaṃ yuktaṃ dvādaśāhaṃ dvādaśa dvādaśa prāṇāyāmān dhārayet // (6.1) Par.?

pātakapatanīyopapātakavarjeṣu yac cānyad apy evaṃ yuktam ardhamāsaṃ dvādaśa dvādaśa prāṇāyāmān dhārayet // (7.1) Par.?

pātakapatanīyavarjeṣu yac cānyad apy evaṃ yuktaṃ dvādaśa dvādaśāhān dvādaśa dvādaśa prāṇāyāmān dhārayet // (8.1) Par.?

pātakavarjeṣu yac cānyad apy evaṃ yuktaṃ dvādaśārdhamāsān dvādaśa dvādaśa prāṇāyāmān dhārayet // (9.1) Par.?

atha pātakeṣu saṃvatsaraṃ dvādaśa dvādaśa prāṇāyāmān dhārayet // (10.1) Par.?

dadyād guṇavate kanyāṃ nagnikāṃ brahmacāriṇe / (11.1) Par.?

api vā guṇahīnāya noparundhyād rajasvalām // (11.2) Par.?

trīṇi varṣāṇy ṛtumatīṃ yaḥ kanyāṃ na prayacchati / (12.1) Par.?

sa tulyaṃ bhrūṇahatyāyai doṣam ṛcchaty asaṃśayam // (12.2) Par.?

na yācate ced evaṃ syād yācate cet pṛthakpṛthak / (13.1) Par.?

ekaikasminn ṛtau doṣaṃ pātakaṃ manur abravīt // (13.2) Par.?

trīṇi varṣāṇy ṛtumatī kāṅkṣeta pitṛśāsanam / (14.1) Par.?

tataś caturthe varṣe tu vindeta sadṛśaṃ patim / (14.2) Par.?

avidyamāne sadṛśe guṇahīnam api śrayet // (14.3) Par.?

balāc cet prahṛtā kanyā mantrair yadi na saṃskṛtā / (15.1) Par.?

anyasmai vidhivad deyā yathā kanyā tathaiva sā // (15.2) Par.?

nisṛṣṭāyāṃ hute vāpi yasyai bhartā mriyeta saḥ / (16.1) Par.?

sā ced akṣatayoniḥ syād gatapratyāgatā satī / (16.2) Par.?

paunarbhavena vidhinā punaḥsaṃskāram arhati // (16.3) Par.?

trīṇi varṣāṇy ṛtumatīṃ yo bhāryāṃ nādhigacchati / (17.1) Par.?

sa tulyaṃ bhrūṇahatyāyai doṣam ṛcchaty asaṃśayam // (17.2) Par.?

ṛtusnātāṃ tu yo bhāryāṃ saṃnidhau nopagacchati / (18.1) Par.?

pitaras tasya taṃ māsaṃ tasmin rajasi śerate // (18.2) Par.?

ṛtau nopaiti yo bhāryām anṛtau yaś ca gacchati / (19.1) Par.?

tulyam āhus tayor doṣam ayonau yaś ca siñcati // (19.2) Par.?

bhartuḥ pratiniveśena yā bhāryā skandayed ṛtum / (20.1) Par.?

tāṃ grāmamadhye vikhyāpya bhrūṇaghnīṃ nirdhamed gṛhāt // (20.2) Par.?

ṛtusnātāṃ na ced gacchen niyatāṃ dharmacāriṇīm / (21.1) Par.?

niyamātikrame tasya prāṇāyāmaśataṃ smṛtam // (21.2) Par.?

prāṇāyāmān pavitrāṇi vyāhṛtīḥ praṇavaṃ tathā / (22.1) Par.?

pavitrapāṇir āsīno brahma naityakam abhyaset // (22.2) Par.?

āvartayet sadā yuktaḥ prāṇāyāmān punaḥpunaḥ / (23.1) Par.?

ā keśāntān nakhāgrāc ca tapas tapyata uttamam // (23.2) Par.?

nirodhāj jāyate vāyur vāyor agniś ca jāyate / (24.1) Par.?

tāpenāpo 'dhijāyante tato 'ntaḥ śudhyate tribhiḥ // (24.2) Par.?

yogenāvāpyate jñānaṃ yogo dharmasya lakṣaṇam / (25.1) Par.?

yogamūlā guṇāḥ sarve tasmād yuktaḥ sadā bhavet // (25.2) Par.?

praṇavādyās trayo vedāḥ praṇave paryavasthitāḥ / (26.1) Par.?

praṇavo vyāhṛtayaś caiva nityaṃ brahma sanātanam // (26.2) Par.?

praṇave nityayuktasya vyāhṛtīṣu ca saptasu / (27.1) Par.?

tripadāyāṃ ca gāyatryāṃ na bhayaṃ vidyate kvacit // (27.2) Par.?

savyāhṛtikāṃ sapraṇavāṃ gāyatrīṃ śirasā saha / (28.1) Par.?

triḥ paṭhed āyataprāṇaḥ prāṇāyāmaḥ sa ucyate // (28.2) Par.?

savyāhṛtikāḥ sapraṇavāḥ prāṇāyāmās tu ṣoḍaśa / (29.1) Par.?

api bhrūṇahanaṃ māsāt punanty aharahardhṛtāḥ // (29.2) Par.?

etadādyaṃ tapaḥ śreṣṭham etad dharmasya lakṣaṇam / (30.1) Par.?

sarvadoṣopaghātārtham etad eva viśiṣyate // (30.2) Par.?

etad eva viśiṣyata iti // (31.1) Par.?