Texts

hariruvāca / (1.1) Par.?

sapta medhātitheḥ putrāḥ plakṣadvīpeśvarasya ca / (1.2) Par.?

jyeṣṭhaḥ śāntabhavo nāma śiśirastadantaraḥ // (1.3) Par.?

sukhodayastathā nandaḥ śivaḥ kṣemaka eva ca / (2.1) Par.?

dhruvaśca saptamasteṣāṃ plakṣadvīpeśvarā hi te // (2.2) Par.?

gomedaścaiva candraśca nārado dundubhistathā / (3.1) Par.?

somakaḥ sumanāḥ śailo vaibhrājaścātra saptamaḥ // (3.2) Par.?

anutaptā śikhī caiva vipāśā tridivā kramuḥ / (4.1) Par.?

amṛtā sukṛtā caiva saptaitāstatra nimnagāḥ // (4.2) Par.?

vapuṣmāñchālmalasyeśastatsutā varṣanāmakāḥ / (5.1) Par.?

śveto 'tha haritaścaiva jīmūto rohitastathā // (5.2) Par.?

vaidyuto mānasaścaiva saprabhaścāpi saptamaḥ / (6.1) Par.?

kumudaśconnato droṇo mahiṣo 'tha balāhakaḥ // (6.2) Par.?

krauñcaḥ kakudmānhyete vai girayaḥ saritastvimāḥ / (7.1) Par.?

yonitoyā vitṛṣṇā ca candrā śuklā vimocanī // (7.2) Par.?

vidhṛtiḥ saptamī tāsāṃ smṛtāḥ pāpapraśāntidāḥ / (8.1) Par.?

jyotiṣmataḥ kuśadvīpe sapta putrāḥ śṛṇuṣvatān // (8.2) Par.?

udbhido veṇumāṃścaiva dvairatho lambano dhṛtiḥ / (9.1) Par.?

prabhākaro 'tha kapilastannāmā varṣapaddhatiḥ // (9.2) Par.?

vidrumo hemaśailaśca dyutimānpuṣpavāṃstathā / (10.1) Par.?

kuśeśayo hariścaiva saptamo mandarācalaḥ // (10.2) Par.?

dhūtapāpā śivā caiva pavitrā saṃmatistathā / (11.1) Par.?

vidyudabhrā mahī cānyā sarvapāpaharāstvimāḥ // (11.2) Par.?

krauñcadvīpe dyutimataḥ putrāḥ sapta mahātmanaḥ / (12.1) Par.?

kuśalo mandagaścoṣṇaḥ pīvaro 'tho 'ndhakārakaḥ // (12.2) Par.?

muniśca dundubhiścaiva saptaite tatsutā hara / (13.1) Par.?

krauñcaśca vāmanaścaiva tṛtīyaścāndhakārakaḥ // (13.2) Par.?

divāvṛtpañcamaścānyo dundubhiḥ puṇḍarīkavān / (14.1) Par.?

gaurī kumudvatī caiva sandhyā rātrirmanojavā // (14.2) Par.?

khyātiśca puṇḍarīkā ca saptaitā varṣanimnagāḥ / (15.1) Par.?

śākadvīpeśvarādbhavyātsapta putrāḥ prajajñire // (15.2) Par.?

jaladaśca kumāraśca sukumāroruṇī bakaḥ / (16.1) Par.?

kusumodaḥ samodārkiḥ saptamaśca mahādrumaḥ // (16.2) Par.?

sukumārī kumārī ca nalinī dhenukā ca yā / (17.1) Par.?

ikṣuśca veṇukā caiva gabhastī saptamī tathā // (17.2) Par.?

śabalātpuṣkareśācca mahāvīraśca dhātakiḥ / (18.1) Par.?

abhūdvarṣadvayaṃ caiva mānasottaraparvataḥ // (18.2) Par.?

yojanānāṃ sahasrāṇi ūrdhvaṃ pañcāśaducchritaḥ / (19.1) Par.?

tāvaccaiva ca vistīrṇaḥ sarvataḥ parimaṇḍalaḥ // (19.2) Par.?

svādūdakenodadhinā puṣkaraḥ pariveṣṭitaḥ / (20.1) Par.?

svādūdakasya purato dṛśyate lokasaṃsthitiḥ // (20.2) Par.?

dviguṇā kāñcanī bhūmiḥ sarvajantuvivarjitā / (21.1) Par.?

lokālokastataḥ śailo yojanāyutāvistṛtaḥ / (21.2) Par.?

tamasā parvato vyāptastamo 'pyaṇḍakaṭāhataḥ // (21.3) Par.?

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe bhuvanakośavarṇanaṃ nāma ṣaṭpañcāśattamo 'dhyāyaḥ // (22.1) Par.?