Texts

anyasmindine prabhāvatī śukaṃ papraccha kīra punastanmatsyahāsyakāraṇaṃ rājñā jñātaṃ śrutaṃ na vā / (1.1) Par.?

śukaḥ prāha prātaḥ punarbālapaṇḍitām ākārayitvā rājā prāha kiṃ tanmatsyahāsyakāraṇam brūhi śīghraṃ bālike sā cāha / (1.2) Par.?

devāgraho na kartavyaḥ paścāttāpo bhaviṣyati / (1.3) Par.?

sthagikāsaktacittasya viprasyābhūtpurā yathā // (1.4) Par.?

asti dharaṇītale vatsonanāma paṭṭanam / (2.1) Par.?

tatra vīrākhyo rājā tatra ca keśavo nāma brāhmaṇaḥ / (2.2) Par.?

tena kadāciditi cintitaṃ yadahaṃ pitṛdhanaṃ na bhokṣye / (2.3) Par.?

uktaṃ ca / (2.4) Par.?

uttamāḥ svaguṇaiḥ khyātā madhyamāśca piturguṇaiḥ / (2.5) Par.?

adhamā mātulaiḥ khyātāḥ śvaśuraiścādhamādhamāḥ // (2.6) Par.?

kiñca / (3.1) Par.?

piara viḍhattai davvḍai caḍḍiri ko ṇa karei / (3.2) Par.?

saiṃ biḍhavai saiṃ bhojaai viralā jaṇaṇi jaṇei // (3.3) Par.?

pitrarjitaṃ dravyaṃ bhoginaṃ kaṃ na karoti / (4.1) Par.?

svayamarjayati svayaṃ bhuṅkte viralā jananī janayati // (4.2) Par.?

ityavadhārya sa medinyāṃ babhrāma devatīrthaśmaśānanagareṣu dhanārtham / (5.1) Par.?

anyadā sa nirjane pradeśe prasiddhe śivacatvare karālāyāḥ śmaśāne ca paribhramya pariśrāntaḥ kapilakamaṭham apaśyat / (5.2) Par.?

tatra ca paryaṅkāsanasthaṃ tāpasaṃ dadarśa sa ca viprastasyāgre kṛtāñjalipuṭastasthau / (5.3) Par.?

tāpaso dhyānaṃ śanairmuktvā evamuktavān / (5.4) Par.?

kiṃ kasmai dīyate loke trāyate ko bhavārṇavāt / (5.5) Par.?

asādhyaṃ sādhyate kasya kāle 'smin atitheraho // (5.6) Par.?

tataḥ sa brāhmaṇa ūrdhvabāhurjagāda tavāham atithirdhanārthī / (6.1) Par.?

tāpaso 'pi taṃ vipram alpayācakaṃ dṛṣṭvā manasi duḥkhībabhūva / (6.2) Par.?

uktaṃ ca / (6.3) Par.?

stokārthaprārthanāndīnāndṛṣṭvodārānhi yācakān / (6.4) Par.?

khidyante 'tīva manasi api prāṇapradāyinaḥ // (6.5) Par.?

kiñca / (7.1) Par.?

ahihūo vi a vivaā karei suaṇo parassa upaāraṃ / (7.2) Par.?

oṇei aṇṇadādhaṃ candaṇataruo sakhaṇḍo vi // (7.3) Par.?

abhibhūto 'pi vipadā karoti sujanaḥ parasya upakāram / (8.1) Par.?

apanayatyanyatāpaṃ candanatarukaḥ sahasrakaṇḍo 'pi // (8.2) Par.?

tato yogīndro yadā tvametatsparśanaṃ kariṣyasi tadā hemnaḥ pañcaśatāni nityaṃ dāsyatītyuktvā viprāya paryaṅkīkṛtaṃ sindūramarpayāmāsa / (9.1) Par.?

uktaśca etattvayānyasmai na dātavyaṃ na kathanīyaṃ ca / (9.2) Par.?

anyathā mama samīpe vyāvṛtya sameṣyati / (9.3) Par.?

tadarpitaṃ yadā sa dvijaḥ prātaḥ spṛśati tadā suvarṇaśatapañcakaṃ dadāti / (9.4) Par.?

sa ca ratnāvatīṃ purīṃ gataḥ / (9.5) Par.?

tatra sthagikāṃ nāma veśyāṃ nityaṃ kāmayate / (9.6) Par.?

sā ca taddravyāgamanaṃ na jānāti / (9.7) Par.?

kuṭṭinī pṛcchati hale eṣa vipraḥ kimapi vyavasāyādikaṃ na vidhatte / (9.8) Par.?

paraṃ dravyaṃ kuto 'smākaṃ vitarati kasmādvilasatīti / (9.9) Par.?

tato veśyā taṃ pṛcchati / (9.10) Par.?

sa vipraḥ sarvathā na kathayati / (9.11) Par.?

tato veśyayā svakalayā bhaktyā cārādhitaḥ / (9.12) Par.?

tataḥ pṛṣṭaḥ sankathayāmāsa yatsindūrāddravyāgamaḥ / (9.13) Par.?

tayā ca suptasya sindūraṃ gṛhītam / (9.14) Par.?

tato dravyābhāve kuṭṭinyā gṛhānniṣkāsitaḥ / (9.15) Par.?

uktaṃ ca / (9.16) Par.?

viśvāsapratipannānāṃ vañcane kā vidagdhatā / (9.17) Par.?

aṅkamāruhya suptaṃ hi hantuṃ kiṃ nāma pauruṣam // (9.18) Par.?

sa viprastatsindūramapaśyanphūtkurvanrājadvāraṃ yayau muṣito 'hamiti vadan / (10.1) Par.?

tato vivādaḥ saṃjātaḥ / (10.2) Par.?

kuṭṭinyāha / (10.3) Par.?

dhūrto 'sau matsutālubdho dhanahīno bhavatyasau / (10.4) Par.?

manobhavagrahagrasto 'samañjasamīdṛśam // (10.5) Par.?

janairguṇair asaṃbhāvyaṃ rājñā kathaṃ saṃbhāvyate / (11.1) Par.?

paraṃ satyamidaṃ jātaṃ sindūraṃ dhanadaṃ yataḥ // (11.2) Par.?

sa ca janairvaideśiko 'yamiti jñātvā nirvāsitaḥ / (12.1) Par.?

tacca sindūraṃ yogīndrameva yayau / (12.2) Par.?

tato rājanvikramāditya sthagikāprītinibandhanāttenākhyāte ca sindūre sthagikā naiva viprasya babhūva na ca sindūram / (12.3) Par.?

evaṃ tavāpi rājan ratiḥ prītiśca na bhaviṣyati / (12.4) Par.?

evamuktvā bālapaṇḍitā gṛhaṃ jagāma / (12.5) Par.?

iti kathāṃ śrutvā prabhāvatī suptā // (12.6) Par.?