Texts

athāparedyuḥ prabhāvatī śukaṃ pṛcchati / (1.1) Par.?

śuka uttaraṃ dadau devi bālapaṇḍitā dvitīye 'hni saṃyāte rājānaṃ prāha deva nāgrahaḥ kartuṃ yujyate / (1.2) Par.?

yataḥ / (1.3) Par.?

rājñā naivāgrahaḥ kāryaḥ śubhe vāśubhakarmaṇi / (1.4) Par.?

tadaṅgāni hi bhūtāni rājñāṃ hi mahatī tanuḥ // (1.5) Par.?

ākhyāte ca tava mayā vaṇikputryā yathābhavat / (2.1) Par.?

na bahirna gṛhaṃ rājaṃstathā te 'pi bhaviṣyati // (2.2) Par.?

rājā pṛcchati kathametat bālapaṇḍitā prāha asti pṛthvītale tripuraṃ nāma sthānam / (3.1) Par.?

tasmintrivikramo nāma rāja / (3.2) Par.?

tatra sundarābhidhāno vaṇik / (3.3) Par.?

tadbhāryā subhagā nāmātīva kulaṭā / (3.4) Par.?

sā ca bhartrā gṛhānniryāntī prayatnena niyantritā / (3.5) Par.?

tāṃ ca niyantraṇāt pūrvameko vaṇigyakṣagṛhe sthitaḥ sakāmāmabhajat / (3.6) Par.?

yadā ca bahirnirgacchantī patinā nivāritā tadā sakhīṃ prāha sakhi adya tvayā sa mānavo yakṣāyatana ākāraṇīyaḥ yathāhaṃ tatra gatvā taṃ rame / (3.7) Par.?

tvayā ca mayi gatāyāṃ paścādasmadgṛhaṃ jvālanīyaṃ yathā gṛhakāryāsakto jano māṃ gatāṃ na jānāti / (3.8) Par.?

atrāntare 'haṃ taṃ svecchayā bhuktvā samupāgacchāmi / (3.9) Par.?

tataḥ sakhīvacanātsa pumāṃstatrāyātaḥ / (3.10) Par.?

sāpyāgatā / (3.11) Par.?

tadā ca gatāyāṃ tasyāṃ sā sakhī tadgṛhaṃ prajvālitavatī / (3.12) Par.?

sa pumānprajvalane kutūhalī yakṣāyatanaṃ muktvā tatrāvalokanāya gataḥ / (3.13) Par.?

sā ca tatra sthitā samāptātmaprayojanā yāvatā gṛhamāgatā tāvatā gṛhaṃ dagdham / (3.14) Par.?

na gṛhaṃ na bahirbhūpa vaṇigvadhvā yathābhavat / (3.15) Par.?

tathā tava mahārāja bhaviṣyati suniścayam // (3.16) Par.?

atha cet jñātena ślokārthena prayojanaṃ tadā kalye svayameva jñāpayiṣyāmi / (4.1) Par.?

ityuktvā sā gṛhaṃ yayau / (4.2) Par.?

iti kathāṃ śrutvā prabhāvatī suptā // (4.3) Par.?