UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 3528
- Click on a sentence to show its analysis
- Keep the mouse pointer over a lemma to show its meanings.
athātaḥ puṣpitakamindriyaṃ vyākhyāsyāmaḥ // (1)
Par.?
iti ha smāha bhagavānātreyaḥ // (2)
Par.?
puṣpita
puṣpaṃ yathā pūrvarūpaṃ phalasyeha bhaviṣyataḥ / (3.1)
Par.?
tathā liṅgam ariṣṭākhyaṃ pūrvarūpaṃ mariṣyataḥ // (3.2)
Par.?
apyevaṃ tu bhavet puṣpaṃ phalenānanubandhi yat / (4.1)
Par.?
phalaṃ cāpi bhavet kiṃcid yasya puṣpaṃ na pūrvajam // (4.2)
Par.?
na tvariṣṭasya jātasya nāśo'sti maraṇādṛte / (5.1)
Par.?
maraṇaṃ cāpi tannāsti yannāriṣṭapuraḥsaram // (5.2)
Par.?
mithyādṛṣṭam ariṣṭābham anariṣṭam ajānatā / (6.1)
Par.?
ariṣṭaṃ vāpyasaṃbuddham etat prajñāparādhajam // (6.2)
Par.?
jñānasambodhanārthaṃ tu liṅgairmaraṇapūrvajaiḥ / (7.1) Par.?
puṣpitān upadekṣyāmo narān bahuvidhair bahūn // (7.2)
Par.?
nānāpuṣpopamo gandho yasya bhāti divāniśam / (8.1)
Par.?
puṣpitasya vanasyeva nānādrumalatāvataḥ // (8.2)
Par.?
tamāhuḥ puṣpitaṃ dhīrā naraṃ maraṇalakṣaṇaiḥ / (9.1)
Par.?
sa nā saṃvatsarāddehaṃ jahātīti viniścayaḥ // (9.2)
Par.?
evam ekaikaśaḥ puṣpairyasya gandhaḥ samo bhavet / (10.1)
Par.?
iṣṭairvā yadi vāniṣṭaiḥ sa ca puṣpita ucyate // (10.2)
Par.?
samāsenāśubhān gandhānekatvenāthavā punaḥ / (11.1)
Par.?
ājighredyasya gātreṣu taṃ vidyātpuṣpitaṃ bhiṣak // (11.2)
Par.?
āplutānāplute kāye yasya gandhāḥ śubhāśubhāḥ / (12.1)
Par.?
vyatyāsenānimittāḥ syuḥ sa ca puṣpita ucyate // (12.2)
Par.?
tadyathā candanaṃ kuṣṭhaṃ tagarāguruṇī madhu / (13.1)
Par.?
mālyaṃ mūtrapurīṣe ca mṛtāni kuṇapāni ca // (13.2)
Par.?
ye cānye vividhātmāno gandhā vividhayonayaḥ / (14.1)
Par.?
te'pyanenānumānena vijñeyā vikṛtiṃ gatāḥ // (14.2)
Par.?
idaṃ cāpyatideśārthaṃ lakṣaṇaṃ gandhasaṃśrayam / (15.1)
Par.?
vakṣyāmo yad abhijñāya bhiṣaṅmaraṇamādiśet // (15.2)
Par.?
viyonir viduro gandho yasya gātreṣu jāyate / (16.1)
Par.?
iṣṭo vā yadi vāniṣṭo na sa jīvati tāṃ samām // (16.2)
Par.?
etāvadgandhavijñānaṃ rasajñānamataḥ param / (17)
Par.?
āturāṇāṃ śarīreṣu vakṣyate vidhipūrvakam // (17.1)
Par.?
yo rasaḥ prakṛtisthānāṃ narāṇāṃ dehasaṃbhavaḥ / (18.1)
Par.?
sa eṣāṃ carame kāle vikāraṃ bhajate dvayam // (18.2)
Par.?
kaścid evāsyavairasyam atyartham upapadyate / (19.1)
Par.?
svādutvam aparaścāpi vipulaṃ bhajate rasaḥ // (19.2)
Par.?
tam anenānumānena vidyād vikṛtimāgatam / (20.1)
Par.?
manuṣyo hi manuṣyasya kathaṃ rasamavāpnuyāt // (20.2)
Par.?
makṣikāścaiva yūkāśca daṃśāśca maśakaiḥ saha / (21.1)
Par.?
virasād apasarpanti jantoḥ kāyānmumūrṣataḥ // (21.2)
Par.?
atyartharasikaṃ kāyaṃ kālapakvasya makṣikāḥ / (22.1)
Par.?
api snātānuliptasya bhṛśamāyānti sarvaśaḥ // (22.2)
Par.?
tatra ślokaḥ / (23.1)
Par.?
sāmānyena mayoktāni liṅgāni rasagandhayoḥ / (23.2)
Par.?
puṣpitasya narasyaitat maraṇamādiśet // (23.3)
Par.?
Duration=0.22567391395569 secs.