UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 14089
- Click on a sentence to show its analysis
- Keep the mouse pointer over a lemma to show its meanings.
yās te agne sūrye ruco divam ātanvanti raśmibhiḥ / (1.1)
Par.?
tābhir no adya sarvābhī ruce janāya nas kṛdhi // (1.2)
Par.?
yā vo devāḥ sūrye ruco goṣv aśveṣu yā rucaḥ / (2.1)
Par.?
indrāgnī tābhiḥ sarvābhī rucaṃ no dhehi bṛhaspate // (2.2)
Par.?
virāḍ jyotir adhārayat / (3.1)
Par.?
svarāḍ jyotir adhārayat / (3.2)
Par.?
samrāḍ jyotir adhārayat / (3.3)
Par.?
bhūr asi bhuvanasya retā iṣṭakā svargo lokaḥ / (3.4)
Par.?
manasā tvānvārohāmi / (3.5)
Par.?
agnir jyotir jyotir agniḥ / (3.6)
Par.?
tayā devatayāṅgirasvad dhruvā sīda / (3.7) Par.?
sūr asi suvanasya retā iṣṭakā svargo lokaḥ / (3.8)
Par.?
vācā tvānvārohāmi / (3.9)
Par.?
sūryo jyotir jyotiḥ sūryaḥ / (3.10)
Par.?
tayā devatayāṅgirasvad dhruvā sīda / (3.11)
Par.?
bṛhaspatiṣ ṭvā sādayatu pṛthivyāḥ pṛṣṭhe jyotiṣmatīṃ viśvasmai prāṇāyāpānāya vyānāyodānāya pratiṣṭhāyai caritrāya / (3.12)
Par.?
viśvaṃ jyotir yaccha / (3.13)
Par.?
agniṣ ṭe 'dhipatiḥ / (3.14)
Par.?
tayā devatayāṅgirasvad dhruvā sīda / (3.15)
Par.?
viśvakarmā tvā sādayatv antarikṣasya pṛṣṭhe jyotiṣmatīṃ viśvasmai prāṇāyāpānāya vyānāyodānāya pratiṣṭhāyai caritrāya / (3.16)
Par.?
viśvaṃ jyotir yaccha / (3.17)
Par.?
vāyuṣ ṭe 'dhipatiḥ / (3.18)
Par.?
tayā devatayāṅgirasvad dhruvā sīda / (3.19)
Par.?
parameṣṭhī tvā sādayatu divaḥ pṛṣṭhe jyotiṣmatīṃ viśvasmai prāṇāyāpānāya vyānāyodānāya pratiṣṭhāyai caritrāya / (3.20)
Par.?
viśvaṃ jyotir yaccha / (3.21)
Par.?
sūryas te 'dhipatiḥ / (3.22)
Par.?
tayā devatayāṅgirasvad dhruvā sīda / (3.23)
Par.?
aṣāḍhāsi sahamānā sahasvārātiṃ sahasva pṛtanāyataḥ / (3.24)
Par.?
sahasravīryāsi sā mā jinva // (3.25)
Par.?
madhu vātā ṛtāyate madhu kṣaranti sindhavaḥ / (4.1)
Par.?
mādhvīr naḥ santv oṣadhīḥ // (4.2)
Par.?
madhu naktam utoṣaso madhumat pārthivaṃ rajaḥ / (5.1)
Par.?
madhu dyaur astu naḥ pitā // (5.2)
Par.?
madhumān no vanaspatir madhumaṃ astu sūryaḥ / (6.1)
Par.?
mādhvīr gāvo bhavantu naḥ // (6.2)
Par.?
apāṃ tvā gahmant sādayāmi samudrasyodmann avataś chāyāyām / (7.1)
Par.?
namaḥ samudrāya / (7.2)
Par.?
namaḥ samudrasya cakṣase / (7.3)
Par.?
anu tvā divyā vṛṣṭiḥ sacatām / (7.4)
Par.?
mā tvā sūryo 'bhitāpsīn māgnir vaiśvānaraḥ / (7.5)
Par.?
acchinnapatraḥ prajā anuvīkṣasva / (7.6)
Par.?
trīnt samudrānt samasṛpat svargo 'pāṃ patir vṛṣabha iṣṭakānām / (7.7)
Par.?
tatra gaccha yatra pūrve paretāḥ purīṣaṃ vasānaḥ sukṛtasya lokam // (7.8)
Par.?
mahī dyauḥ pṛthivī ca na imaṃ yajñaṃ mimikṣatām / (8.1)
Par.?
pipṛtāṃ no bharīmabhiḥ // (8.2)
Par.?
idaṃ viṣṇuḥ / (9.1)
Par.?
adha smā te vanaspate vāto vivāty agram it / (9.2)
Par.?
uto nv indrāya pātave sunu somam ulūkhala // (9.3)
Par.?
syūtā devebhir amṛtenāgād ukhā svasāram adhi vedim asthāt / (10.2)
Par.?
satyaṃ pūrvair ṛṣibhiḥ saṃvidāno agniḥ pravidvaṃ iha tat kṛṇotu / (10.3)
Par.?
pṛthivi pṛthivyāṃ sīda mātur mātari mātā / (10.4)
Par.?
syonāsi suṣadā / (10.5)
Par.?
syonām āsīda / (10.6)
Par.?
suṣadām āsīda / (10.7)
Par.?
niṣasāda dhṛtavrato varuṇaḥ pastyāsv ā / (10.8)
Par.?
sāmrājyāya sukratuḥ // (10.9)
Par.?
kratuṃ devānāṃ mahimānam īmahe agniṃ sadhasthe sadaneṣv adbhutam / (11.1)
Par.?
vaiśvānaraṃ brahmaṇā viśvavyacasaṃ stomasya dhāman nidadhe purīṣyam // (11.2)
Par.?
samidhyamānaṃ samidhā samindhate agniṃ sadhasthe sadaneṣu sukratum / (12.1)
Par.?
vaiśvānaraṃ brahmaṇā viśvavyacasaṃ stomasya dhāman pavamānam ābhṛtam // (12.2)
Par.?
Duration=0.2781138420105 secs.