Texts

yad ekena saṃsthāpayati yajñasya saṃtatyā avicchedāya // (1) Par.?

aindrāḥ paśavo ye muṣkarāḥ // (2) Par.?

yad aindrāḥ santo 'gnibhya ālabhyante devatābhyaḥ samadaṃ dadhāti // (3) Par.?

āgneyīs triṣṭubho yājyānuvākyāḥ kuryāt // (4) Par.?

yad āgneyīs tenāgneyāḥ // (5) Par.?

yat triṣṭubhas tenaindrāḥ samṛddhyai // (6) Par.?

na devatābhyaḥ samadaṃ dadhāti // (7) Par.?

vāyave niyutvate tūparam ālabhate // (8) Par.?

tejo 'gner vāyuḥ // (9) Par.?

tejasa eṣa ālabhyate // (10) Par.?

tasmād yadriyaṅ vāyur vāti tadriyaṅṅ agnir dahati // (11) Par.?

svam eva tat tejo 'nveti // (12) Par.?

yan na niyutvate syād unmādyed yajamānaḥ // (13) Par.?

niyutvate bhavati yajamānasyānunmādāya // (14) Par.?

vāyumatī śvetavatī yājyānuvākye bhavataḥ satejastvāya // (15) Par.?

hiraṇyagarbhaḥ samavartatāgra ity āghāram āghārayati // (16) Par.?

prajāpatir vai hiraṇyagarbhaḥ prajāpater anurūpatvāya // (17) Par.?

sarvāṇi vā eṣa rūpāṇi paśūnām pratyālabhyate // (18) Par.?

yacchmaśruṇas tat puruṣāṇāṃ rūpam // (19) Par.?

yat tūparas tad aśvānām // (20) Par.?

yad anyatodan tad gavām // (21) Par.?

yad avyā iva śaphās tad avīnām // (22) Par.?

yad ajas tad ajānām // (23) Par.?

vāyur vai paśūnām priyaṃ dhāma // (24) Par.?

yad vāyavyo bhavaty etam evainam abhisaṃjānānāḥ paśava upatiṣṭhante // (25) Par.?

vāyavyaḥ kāryā3ḥ prājāpatyā3 ity āhuḥ // (26) Par.?

yad vāyavyaṃ kuryāt prajāpater iyāt // (27) Par.?

yat prājāpatyaṃ kuryād vāyor iyāt // (28) Par.?

yad vāyavyaḥ paśur bhavati tena vāyor naiti // (29) Par.?

yat prājāpatyaḥ puroḍāśo bhavati tena prajāpater naiti // (30) Par.?

yad dvādaśakapālas tena vaiśvānarān naiti // (31) Par.?

āgnāvaiṣṇavam ekādaśakapālaṃ nirvapati dīkṣiṣyamāṇaḥ // (32) Par.?

agniḥ sarvā devatāḥ // (33) Par.?

viṣṇur yajñaḥ // (34) Par.?

devatāś caiva yajñaṃ cārabhate // (35) Par.?

agnir avamo devatānāṃ viṣṇuḥ paramaḥ // (36) Par.?

yad āgnāvaiṣṇavam ekādaśakapālaṃ nirvapati devatā evobhayataḥ parigṛhya yajamāno 'varunddhe // (37) Par.?

puroḍāśena vai devā amuṣmiṃ loka ārdhnuvañcaruṇāsmin // (38) Par.?

yaḥ kāmayetāmuṣmiṃ loka ṛdhnuyām iti sa puroḍāśaṃ kurvīta // (39) Par.?

amuṣminn eva loka ṛdhnoti // (40) Par.?

yad aṣṭākapālas tenāgneyaḥ // (41) Par.?

yat trikapālas tena vaiṣṇavaḥ samṛddhyai // (42) Par.?

yaḥ kāmayetāsmiṃ loka ṛdhnuyām iti sa caruṃ kurvītāgner ghṛtaṃ viṣṇos taṇḍulāḥ // (43) Par.?

tasmāc caruḥ kāryaḥ // (44) Par.?

asminn eva loka ṛdhnoti // (45) Par.?

ādityo bhavati // (46) Par.?

iyaṃ vā aditiḥ // (47) Par.?

asyām eva pratitiṣṭhati // (48) Par.?

atho asyām evādhi yajñaṃ tanute // (49) Par.?

yo vai saṃvatsaram ukhyam abhṛtvāgniṃ cinute yathā sāmi garbho 'vapadyate tādṛg eva tad ārtim ārchet // (50) Par.?

vaiśvānaraṃ dvādaśakapālam purastān nirvapet // (51) Par.?

saṃvatsaro vā agnir vaiśvānaraḥ // (52) Par.?

yathā saṃvatsaram āptvā kāla āgate vijāyata evam eva saṃvatsaram āptvā kāla āgate 'gniṃ cinute // (53) Par.?

nārtim ārcchati // (54) Par.?

eṣā vā agneḥ priyā tanūr yad vaiśvānaraḥ // (55) Par.?

priyām evāsya tanuvam avarunddhe // (56) Par.?

trīṇy etāni havīṃṣi bhavanti // (57) Par.?

traya ime lokā eṣāṃ lokānāṃ rohāya // (58) Par.?