Texts

ṛksāme vai devebhyo yajñāyātiṣṭhamāne kṛṣṇo rūpaṃ kṛtvāpakramyātiṣṭhatām / (1.1) Par.?

te 'manyanta / (1.2) Par.?

yaṃ vā ime upāvartsyataḥ sa idaṃ bhaviṣyatīti te upāmantrayant te ahorātrayor mahimānam apanidhāya devān upāvartetām / (1.3) Par.?

eṣa vā ṛco varṇo yacchuklaṃ kṛṣṇājinasya / (1.4) Par.?

eṣa sāmno yatkṛṣṇam / (1.5) Par.?

ṛksāmayoḥ śilpe stha ity āha / (1.6) Par.?

ṛksāme evāvarunddhe / (1.7) Par.?

eṣaḥ // (1.8) Par.?

vā ahno varṇo yacchuklaṃ kṛṣṇājinasyaiṣa rātriyā yat kṛṣṇaṃ yad evainayos tatra nyaktaṃ tad evāvarunddhe / (2.1) Par.?

kṛṣṇājinena dīkṣayati brahmaṇo vā etad rūpaṃ yat kṛṣṇājinam brahmaṇaivainaṃ dīkṣayati / (2.2) Par.?

imāṃ dhiyaṃ śikṣamāṇasya devety āha yathāyajur evaitat / (2.3) Par.?

garbho vā eṣa yad dīkṣita ulbaṃ vāsaḥ prorṇute tasmāt // (2.4) Par.?

garbhāḥ prāvṛtā jāyante / (3.1) Par.?

na purā somasya krayād aporṇvīta yat purā somasya krayād aporṇvīta garbhāḥ prajānām parāpātukāḥ syuḥ / (3.2) Par.?

krīte some 'porṇute jāyata eva tad atho yathā vasīyāṃsam pratyaporṇute tādṛg eva tat / (3.3) Par.?

aṅgirasaḥ suvargaṃ lokaṃ yanta ūrjaṃ vyabhajanta tato yad atyaśiṣyata te śarā abhavann ūrg vai śarā yaccharamayī // (3.4) Par.?

mekhalā bhavaty ūrjam evāvarunddhe / (4.1) Par.?

madhyataḥ saṃnahyati madhyata evāsmā ūrjaṃ dadhāti tasmān madhyata ūrjā bhuñjate / (4.2) Par.?

ūrdhvaṃ vai puruṣasya nābhyai medhyam avācīnam amedhyaṃ yan madhyataḥ saṃnahyati medhyaṃ caivāsyāmedhyaṃ ca vyāvartayati / (4.3) Par.?

indro vṛtrāya vajram prāharat sa tredhā vyabhavat sphyas tṛtīyaṃ rathas tṛtīyaṃ yūpas tṛtīyam // (4.4) Par.?

ye 'ntaḥśarā aśīryanta te śarā abhavan tac charāṇāṃ śaratvam / (5.1) Par.?

vajro vai śarāḥ kṣut khalu vai manuṣyasya bhrātṛvyo yac charamayī mekhalā bhavati vajreṇaiva sākṣāt kṣudham bhrātṛvyam madhyato 'pahate / (5.2) Par.?

trivṛd bhavati trivṛd vai prāṇas trivṛtam eva prāṇam madhyato yajamāne dadhāti / (5.3) Par.?

pṛthvī bhavati rajjūnāṃ vyāvṛttyai / (5.4) Par.?

mekhalayā yajamānaṃ dīkṣayati yoktreṇa patnīm mithunatvāya // (5.5) Par.?

yajño dakṣiṇām abhyadhyāyat / (6.1) Par.?

tāṃ samabhavat / (6.2) Par.?

tad indro 'cāyat / (6.3) Par.?

so 'manyata yo vā ito janiṣyate sa idam bhaviṣyatīti / (6.4) Par.?

tām prāviśat / (6.5) Par.?

tasyā indra evājāyata / (6.6) Par.?

so 'manyata / (6.7) Par.?

yo vai mad ito 'paro janiṣyate sa idam bhaviṣyatīti / (6.8) Par.?

tasyā anumṛśya yonim ācchinat / (6.9) Par.?

sā sūtavaśābhavat / (6.10) Par.?

tat sūtavaśāyai janma // (6.11) Par.?

tāṃ haste nyaveṣṭayata / (7.1) Par.?

tām mṛgeṣu nyadadhāt / (7.2) Par.?

sā kṛṣṇaviṣāṇābhavat / (7.3) Par.?

indrasya yonir asi mā mā hiṃsīr iti kṛṣṇaviṣāṇām prayacchati / (7.4) Par.?

sayonim eva yajñaṃ karoti sayoniṃ dakṣiṇāṃ sayonim indraṃ sayonitvāya / (7.5) Par.?

kṛṣyai tvā susasyāyā ity āha tasmād akṛṣṭapacyā oṣadhayaḥ pacyante / (7.6) Par.?

supippalābhyas tvauṣadhībhya ity āha tasmād oṣadhayaḥ phalaṃ gṛhṇanti / (7.7) Par.?

yaddhastena // (7.8) Par.?

kaṇḍūyeta pāmanambhāvukāḥ prajāḥ syur yat smayeta nagnambhāvukāḥ / (8.1) Par.?

kṛṣṇaviṣāṇayā kaṇḍūyate 'pigṛhya smayate prajānāṃ gopīthāya / (8.2) Par.?

na purā dakṣiṇābhyo netoḥ kṛṣṇaviṣāṇām avacṛted yat purā dakṣiṇābhyo netoḥ kṛṣṇaviṣāṇām avacṛted yoniḥ prajānām parāpātukā syāt / (8.3) Par.?

nītāsu dakṣiṇāsu cātvāle kṛṣṇaviṣāṇām prāsyati yonir vai yajñasya cātvālaṃ yoniḥ kṛṣṇaviṣāṇā yonāv eva yoniṃ dadhāti yajñasya sayonitvāya // (8.4) Par.?