Texts

taddhiraṇyam abhavat // (1) Par.?

tasmād adbhyo hiraṇyam punanti // (2) Par.?

brahmavādino vadanti kasmāt satyād anasthikena prajāḥ pravīyante 'sthanvatīr jāyanta iti // (3) Par.?

yaddhiraṇyaṃ ghṛte 'vadhāya juhoti tasmād anasthikena prajāḥ pravīyante 'sthanvatīr jāyante // (4) Par.?

etad vā agneḥ priyaṃ dhāma yad ghṛtam // (5) Par.?

tejo hiraṇyam // (6) Par.?

iyaṃ te śukra tanūr idaṃ varca ity āha // (7) Par.?

satejasam evainaṃ satanuṃ karoti // (8) Par.?

atho saṃbharaty evainam // (9) Par.?

yad abaddham avadadhyād garbhāḥ prajānām parāpātukāḥ syuḥ // (10) Par.?

baddham avadadhāti garbhāṇāṃ dhṛtyai // (11) Par.?

niṣṭarkyam badhnāti prajānām prajananāya // (12) Par.?

vāg vā eṣā yat somakrayaṇī // (13) Par.?

jūr asīty āha // (14) Par.?

yaddhi manasā javate tad vācā vadati // (15) Par.?

dhṛtā manasety āha // (16) Par.?

manasā hi vāg dhṛtā // (17) Par.?

juṣṭā viṣṇava ity āha // (18) Par.?

yajño vai viṣṇuḥ // (19) Par.?

yajñāyaivaināṃ juṣṭāṃ karoti // (20) Par.?

tasyās te satyasavasaḥ prasava ity āha // (21) Par.?

savitṛprasūtām eva vācam avarunddhe // (22) Par.?

kāṇḍe kāṇḍe vai kriyamāṇe yajñaṃ rakṣāṃsi jighāṃsanti // (23) Par.?

eṣa khalu vā arakṣohataḥ panthā yo 'gneś ca sūryasya ca // (24) Par.?

sūryasya cakṣur āruham agner akṣṇaḥ kanīnikām ity āha // (25) Par.?

ya evārakṣohataḥ panthās taṃ samārohati // (26) Par.?

vāg vā eṣā yat somakrayaṇī // (27) Par.?

cid asi // (28) Par.?

manāsīty āha // (29) Par.?

śāsty evainām etat // (30) Par.?

tasmācchiṣṭāḥ prajā jāyante // (31) Par.?

cid asīty āha // (32) Par.?

yaddhi manasā cetayate tad vācā vadati // (33) Par.?

manāsīty āha // (34) Par.?

yaddhi manasābhigacchati tat karoti // (35) Par.?

dhīr asīty āha // (36) Par.?

yaddhi manasā dhyāyati tad vācā vadati // (37) Par.?

dakṣiṇāsīty āha // (38) Par.?

dakṣiṇā hy eṣā // (39) Par.?

yajñiyāsīty āha // (40) Par.?

yajñiyām evaināṃ karoti // (41) Par.?

kṣatriyāsīty āha // (42) Par.?

kṣatriyā hy eṣā // (43) Par.?

aditir asy ubhayataḥśīrṣṇīty āha // (44) Par.?

yad evādityaḥ prāyaṇīyo yajñānām āditya udayanīyaḥ // (45) Par.?

tasmād evam āha // (46) Par.?

yad abaddhā syād ayatā syāt // (47) Par.?

yat padibaddhānustaraṇī syāt pramāyuko yajamānaḥ syāt // (48) Par.?

yat karṇagṛhītā vārtraghnī syāt sa vānyaṃ jinīyāt taṃ vānyo jinīyāt // (49) Par.?

mitras tvā padi badhnātv ity āha // (50) Par.?

mitro vai śivo devānām // (51) Par.?

tenaivainām padi badhnāti // (52) Par.?

pūṣādhvanaḥ pātv ity āha // (53) Par.?

iyaṃ vai pūṣā // (54) Par.?

imām evāsyā adhipām akaḥ samaṣṭyai // (55) Par.?

indrāyādhyakṣāyety āha // (56) Par.?

indram evāsyā adhyakṣaṃ karoti // (57) Par.?

anu tvā mātā manyatām anu pitety āha // (58) Par.?

anumatayaivainayā krīṇāti // (59) Par.?

sā devi devam acchehīty āha // (60) Par.?

devī hy eṣā devaḥ somaḥ // (61) Par.?

indrāya somam ity āha // (62) Par.?

indrāya hi soma āhriyate // (63) Par.?

yad etad yajur na brūyāt parācy eva somakrayaṇīyāt // (64) Par.?

rudras tvā vartayatv ity āha // (65) Par.?

rudro vai krūro devānām // (66) Par.?

tam evāsyai parastād dadhāty āvṛttyai // (67) Par.?

krūram iva vā etat karoti yad rudrasya kīrtayati // (68) Par.?

mitrasya pathety āha śāntyai // (69) Par.?

vācā vā eṣa vikrīṇīte yaḥ somakrayaṇyā // (70) Par.?

svasti somasakhā punar ehi saha rayyety āha // (71) Par.?

vācaiva vikrīya punar ātman vācaṃ dhatte // (72) Par.?

anupadāsukāsya vāg bhavati ya evaṃ veda // (73) Par.?