Texts

prajāpatiḥ prajā asṛjata // (1) Par.?

sa riricāno 'manyata // (2) Par.?

sa etām ekādaśinīm apaśyat // (3) Par.?

tayā vai sa āyur indriyaṃ vīryam ātmann adhatta // (4) Par.?

prajā iva khalu vā eṣa sṛjate yo yajate // (5) Par.?

sa etarhi riricāna iva // (6) Par.?

yad eṣaikādaśinī bhavaty āyur eva tayendriyaṃ vīryaṃ yajamāna ātman dhatte // (7) Par.?

praivāgneyena vāpayati // (8) Par.?

mithunaṃ sārasvatyā karoti // (9) Par.?

retaḥ saumyena dadhāti // (10) Par.?

prajanayati pauṣṇena // (11) Par.?

bārhaspatyo bhavati // (12) Par.?

brahma vai devānām bṛhaspatiḥ // (13) Par.?

brahmaṇaivāsmai prajāḥ prajanayati // (14) Par.?

vaiśvadevo bhavati // (15) Par.?

vaiśvadevyo vai prajāḥ // (16) Par.?

prajā evāsmai prajanayati // (17) Par.?

indriyam evaindreṇāvarunddhe viśam mārutenaujo balam aindrāgnena // (18) Par.?

prasavāya sāvitraḥ // (19) Par.?

nirvaruṇatvāya vāruṇaḥ // (20) Par.?

madhyata aindram ālabhate // (21) Par.?

madhyata evendriyaṃ yajamāne dadhāti // (22) Par.?

purastād aindrasya vaiśvadevam ālabhate // (23) Par.?

vaiśvadevaṃ vā annam // (24) Par.?

annam eva purastād dhatte // (25) Par.?

tasmāt purastād annam adyate // (26) Par.?

aindram ālabhya mārutam ālabhate // (27) Par.?

viḍ vai marutaḥ // (28) Par.?

viśam evāsmā anubadhnāti // (29) Par.?

yadi kāmayeta yo 'vagataḥ so 'parudhyatāṃ yo 'paruddhaḥ so 'vagacchatv ity aindrasya loke vāruṇam ālabheta vāruṇasya loka aindram // (30) Par.?

ya evāvagataḥ so 'parudhyate // (31) Par.?

yo 'paruddhaḥ so 'vagacchati // (32) Par.?

yadi kāmayeta prajā muhyeyur iti paśūn vyatiṣajet // (33) Par.?

prajā eva mohayati // (34) Par.?

yad abhivāhato 'pāṃ vāruṇam ālabheta prajā varuṇo gṛhṇīyāt // (35) Par.?

dakṣiṇata udañcam ālabhate // (36) Par.?

apavāhato 'pām prajānām avaruṇagrāhāya // (37) Par.?