Texts

somo vai sahasram avindat / (1.1) Par.?

tam indro 'nv avindat / (1.2) Par.?

tau yamo nyāgacchat / (1.3) Par.?

tāv abravīt / (1.4) Par.?

astu me 'trāpīti / (1.5) Par.?

astu hī3 ity abrūtām / (1.6) Par.?

sa yama ekasyāṃ vīryam paryapaśyat / (1.7) Par.?

iyaṃ vā asya sahasrasya vīryam bibhartīti tāv abravīd iyam mamāstv etad yuvayor iti / (1.8) Par.?

tāv abrūtām / (1.9) Par.?

sarve vā etad etasyāṃ vīryam // (1.10) Par.?

paripaśyāmo 'ṃśam āharāmahā iti / (2.1) Par.?

tasyām aṃśam āharanta / (2.2) Par.?

tām apsu prāveśayan / (2.3) Par.?

somāyodehīti / (2.4) Par.?

sā rohiṇī piṅgalaikahāyanī rūpaṃ kṛtvā trayastriṃśatā ca tribhiś ca śataiḥ sahodait / (2.5) Par.?

tasmād rohiṇyā piṅgalayaikahāyanyā somaṃ krīṇīyāt / (2.6) Par.?

ya evaṃ vidvān rohiṇyā piṅgalayaikahāyanyā somaṃ krīṇāti trayastriṃśatā caivāsya tribhiś ca // (2.7) Par.?

śataiḥ somaḥ krīto bhavati / (3.1) Par.?

sukrītena yajate / (3.2) Par.?

tām apsu prāveśayan / (3.3) Par.?

indrāyodehīti / (3.4) Par.?

sā rohiṇī lakṣmaṇā paṣṭhauhī vārtraghnī rūpaṃ kṛtvā trayastriṃśatā ca tribhiś ca śataiḥ sahodait / (3.5) Par.?

tasmād rohiṇīṃ lakṣmaṇām paṣṭhauhīṃ vārtraghnīṃ dadyāt / (3.6) Par.?

ya evaṃ vidvān rohiṇīṃ lakṣmaṇām paṣṭhauhīṃ vārtraghnīṃ dadāti trayastriṃśac caivāsya trīṇi ca śatāni sā dattā // (3.7) Par.?

bhavati / (4.1) Par.?

tām apsu prāveśayan / (4.2) Par.?

yamāyodehīti / (4.3) Par.?

sā jaratī mūrkhā tajjaghanyā rūpaṃ kṛtvā trayastriṃśatā ca tribhiś ca śataiḥ sahodait / (4.4) Par.?

tasmāj jaratīm mūrkhāṃ tajjaghanyām anustaraṇīṃ kurvīta / (4.5) Par.?

ya evaṃ vidvāñ jaratīm mūrkhāṃ tajjaghanyām anustaraṇīṃ kurute trayastriṃśac caivāsya trīṇi ca śatāni sāmuṣmiṃlloke bhavati / (4.6) Par.?

vāg eva sahasratamī / (4.7) Par.?

tasmāt // (4.8) Par.?

varo deyaḥ / (5.1) Par.?

sā hi varaḥ / (5.2) Par.?

sahasram asya sā dattā bhavati / (5.3) Par.?

tasmād varo na pratigṛhyaḥ / (5.4) Par.?

sā hi varaḥ / (5.5) Par.?

sahasram asya pratigṛhītam bhavati / (5.6) Par.?

iyaṃ vara iti brūyāt / (5.7) Par.?

athānyām brūyāt / (5.8) Par.?

iyam mameti / (5.9) Par.?

tathāsya tat sahasram apratigṛhītam bhavati / (5.10) Par.?

ubhayata enī syāt / (5.11) Par.?

tad āhuḥ / (5.12) Par.?

anyata enī syāt sahasram parastād etam iti / (5.13) Par.?

yaiva varaḥ // (5.14) Par.?

kalyāṇī rūpasamṛddhā sā syāt / (6.1) Par.?

sā hi varaḥ / (6.2) Par.?

samṛddhyai / (6.3) Par.?

tām uttareṇāgnīdhram paryāṇīyāhavanīyasyānte droṇakalaśam avaghrāpayet / (6.4) Par.?

ājighra kalaśam mahy urudhārā payasvaty ā tvā viśantv indavaḥ samudram iva sindhavaḥ / (6.5) Par.?

sā mā sahasra ābhaja prajayā paśubhiḥ saha punar mā viśatād rayir iti / (6.6) Par.?

prajayaivainam paśubhī rayyā sam // (6.7) Par.?

ardhayati / (7.1) Par.?

prajāvān paśumān rayimān bhavati ya evaṃ veda / (7.2) Par.?

tayā sahāgnīdhram paretya purastāt pratīcyāṃ tiṣṭhantyāṃ juhuyāt / (7.3) Par.?

ubhā jigyathur na parājayethe na parājigye kataraś canainoḥ // (7.4) Par.?

indraś ca viṣṇo yad apaspṛdhethāṃ tredhā sahasraṃ vi tad airayethām iti / (8.1) Par.?

tredhāvibhaktaṃ vai trirātre sahasram / (8.2) Par.?

sāhasrīm evaināṃ karoti / (8.3) Par.?

sahasrasyaivainām mātrāṃ // (8.4) Par.?

karoti / (9.1) Par.?

rūpāṇi juhoti / (9.2) Par.?

rūpair evaināṃ samardhayati / (9.3) Par.?

tasyā upotthāya karṇam ājapet / (9.4) Par.?

iḍe rante 'dite sarasvati priye preyasi mahi viśruty etāni te aghniye nāmāni / (9.5) Par.?

sukṛtam mā deveṣu brūtād iti / (9.6) Par.?

devebhya evainam āvedayati / (9.7) Par.?

anv enaṃ devā budhyante // (9.8) Par.?