Texts

kṛṣṇājinaṃ bhavati madhu karīrāṇi śyāvasyāśvasya dāma // (1) Par.?

tāni pūrvasyāgner ante nidhāya kṛṣṇaṃ vāso yajamānaṃ paridhāpayitvānvārambhayitvaitāni juhoti // (2) Par.?

vātanāmāni vā etāni // (3) Par.?

eṣa vai varṣasyeśe // (4) Par.?

yadā hy eṣa āpyāyayati yadā samīrayati yadā pradāpayaty atha varṣati // (5) Par.?

tam eva bhāgadheyenopadhāvati // (6) Par.?

so 'smai prīto vṛṣṭiṃ ninayati // (7) Par.?

aṣṭā etāni juhoti // (8) Par.?

catasro diśaś catasra upadiśāḥ // (9) Par.?

yathādiśam eva digbhyo vṛṣṭiṃ sampracyāvayati // (10) Par.?

kṛṣṇājine saṃyauti // (11) Par.?

havir eva karoti // (12) Par.?

madhunā saṃyauti // (13) Par.?

apāṃ vā eṣa oṣadhīnāṃ raso yan madhu // (14) Par.?

adbhya eṣa oṣadhibhyo varṣati // (15) Par.?

yarhi varṣaty adbhya evauṣadhibhyo vṛṣṭiṃ ninayati // (16) Par.?

māndā vaśā iti // (17) Par.?

etāni vā apāṃ nāmadheyāni // (18) Par.?

yathāda āha // (19) Par.?

asā ehy asā ehīti // (20) Par.?

evam evainā etan nāmagrāhaṃ divaś cyāvayati // (21) Par.?

na vā anyayeti // (22) Par.?

āhuḥ // (23) Par.?

saumyā āhutyā divo vṛṣṭiṃ cyāvayitum arhatīti // (24) Par.?

yatīn vai sālāvṛkeyā ādan // (25) Par.?

teṣāṃ śīrṣāṇi parāpatan // (26) Par.?

te kharjūrā abhavan // (27) Par.?

yas somapīthas sa ūrdhvo 'patat // (28) Par.?

tāni karīrāṇi // (29) Par.?

yat karīrāṇi bhavanti // (30) Par.?

saumyaivāhutyā divo vṛṣṭiṃ ninayati // (31) Par.?

tasmāt karīrāṇi na striyai dadyāt // (32) Par.?

na śūdrāya // (33) Par.?

asomapītha iva hy eṣa // (34) Par.?

vṛṣṇas saṃdānam asi // (35) Par.?

vṛṣṭyai tvopanahyāmīti // (36) Par.?

vṛṣā hy aśvaḥ // (37) Par.?

vṛṣā parjanyaḥ // (38) Par.?

samṛddhyai // (39) Par.?

śyāvasyāśvasya dāma bhavati // (40) Par.?

śyāva iva hy eṣa varṣiṣyan bhavati // (41) Par.?

devā vasavyāḥ // (42) Par.?

devāś śarmaṇyāḥ // (43) Par.?

devās sapītaya iti // (44) Par.?

etā vai devatā varṣasyeśate // (45) Par.?

tābhir evāsmā anvahaṃ vṛṣṭim icchati // (46) Par.?

kṛṣṇājina upanahyati // (47) Par.?

ṛksāmayor vā etad rūpaṃ yat kṛṣṇājinam // (48) Par.?

ṛksāmābhyām evāsmai vṛṣṭim icchati // (49) Par.?

yadi varṣet tadaiveṣṭiṃ nirvapet // (50) Par.?

yadi na varṣet tathaiva vaseyuḥ // (51) Par.?

ahorātre vai mitrāvaruṇau // (52) Par.?

ahorātre parjanyo 'nuvarṣati // (53) Par.?

naktaṃ vā hi divā vā varṣati // (54) Par.?

etau varṣasyeśāte // (55) Par.?

tā eva bhāgadheyenopadhāvati // (56) Par.?

tā asmai prītau vṛṣṭiṃ ninayataḥ // (57) Par.?

agnaye dhāmacchade śvo 'ṣṭākapālaṃ nirvapen mārutaṃ caruṃ sauryam ekakapālam // (58) Par.?

agnir vā ito vṛṣṭim udīrayati // (59) Par.?

dhāmacchad iva bhūtvā varṣati // (60) Par.?

marutas sṛṣṭāṃ vṛṣṭiṃ nayanti // (61) Par.?

yadāsā ādityo 'rvāṅ raśmibhiḥ paryāvartate 'tha varṣati // (62) Par.?

etā vai devatā varṣasyeśate // (63) Par.?

tā eva bhāgadheyenopadhāvati // (64) Par.?

tā asmai prītā vṛṣṭiṃ ninayanti // (65) Par.?

apy avarṣiṣyan varṣaty eva ṣaḍ etāni havīṃṣi // (66) Par.?

ṣaḍ vā ṛtavaḥ // (67) Par.?

ṛtubhya eva vṛṣṭiṃ sampracyāvayati // (68) Par.?

yat saptamam // (69) Par.?

saṃvatsarād eva tena vṛṣṭiṃ cyāvayati // (70) Par.?

athaitā mārutīś catasraḥ pitryās tāsāṃ tisṛbhiḥ pracaranti ny ekāṃ dadhaty ṛco 'nuvākyā yajūṃṣi yājyāḥ // (71) Par.?

maruto vai varṣasyeśate // (72) Par.?

tebhya eva bhūyo bhāgadheyaṃ karoti // (73) Par.?

yā caturthī tāṃ saṃsthite 'psu juhoti // (74) Par.?

sṛjā vṛṣṭiṃ divaḥ // (75) Par.?

ādbhis samudraṃ pṛṇeti // (76) Par.?

ābhir evāmūr acchaiti // (77) Par.?

atho imāś caivāmūś ca saṃsṛjati // (78) Par.?

ye devā divibhāgā iti // (79) Par.?

kṛṣṇājinam avadhūnoti // (80) Par.?

diśaś caiva devatāś ca tarpayati // (81) Par.?

atho ima evāsya lokā abhīṣṭāḥ prītā bhavanti // (82) Par.?

saiṣā kārīrī nāmeṣṭiḥ // (83) Par.?

saṃvatsaraṃ karīrāṇāṃ nāśnīyād ya etayā yajetātho yo 'nubruvīta // (84) Par.?

tad asyā vratam // (85) Par.?