Texts

agnīn ādhāsyamānaḥ savān vā dāsyan saṃvatsaraṃ brāhmaudanikam agniṃ dīpayati // (1) Par.?

ahorātrau vā // (2) Par.?

yāthākāmī vā // (3) Par.?

saṃvatsaraṃ tu praśastam // (4) Par.?

savāgnisenāgnī tādarthikau nirmathyau vā bhavataḥ // (5) Par.?

aupāsanau cobhau hi vijñāyete // (6) Par.?

tasmin devaheḍanenājyaṃ juhuyāt // (7) Par.?

samidho 'bhyādadhyāt // (8) Par.?

śakalān vā // (9) Par.?

tasmin yathākāmaṃ savān dadātyekaṃ dvau sarvān vā // (10) Par.?

api vaikaikam ātmāśiṣo dātāraṃ vācayati // (11) Par.?

parāśiṣo 'numantraṇam anirdiṣṭāśiṣaś ca // (12) Par.?

dātārau karmāṇi kurutaḥ // (13) Par.?

tau yathāliṅgam anumantrayate // (14) Par.?

ubhayaliṅgair ubhau puṃliṅgair dātāraṃ strīliṅgaiḥ patnīm // (15) Par.?

udahṛtsaṃpraiṣavarjam // (16) Par.?

atha devayajanam // (17) Par.?

tad yat samaṃ samūlam avidagdhaṃ pratiṣṭhitaṃ prāgudakpravaṇam ākṛtiloṣṭavalmīkenāstīrya darbhaiś ca lomabhiḥ paśūnām // (18) Par.?

agne jāyasveti manthantāv anumantrayate // (19) Par.?

patnī mantraṃ saṃnamayati // (20) Par.?

yajamānaś ca // (21) Par.?

kṛṇuta dhūmam iti dhūmam // (22) Par.?

agne 'janiṣṭhā iti jātam // (23) Par.?

samiddho agna iti samidhyamānam // (24) Par.?

parehi nārīty udahṛtaṃ saṃpreṣyatyanuguptām alaṃkṛtām // (25) Par.?

emā agur ity āyatīm anumantrayate // (26) Par.?

uttiṣṭha nārīti patnīṃ saṃpreṣyati // (27) Par.?

prati kumbhaṃ gṛbhāyeti pratigṛhṇāti // (28) Par.?

ūrjo bhāga iti nidadhāti // (29) Par.?

iyaṃ mahīti carmāstṛṇāti prāggrīvam uttaraloma // (30) Par.?

pumān puṃsa iti carmārohayati // (31) Par.?

patnī hvayamānam // (32) Par.?

tṛtīyasyām apatyam anvāhvayati // (33) Par.?

ṛṣipraśiṣṭety udapātraṃ carmaṇi nidadhāti // (34) Par.?

tad āpas putrāsa iti sāpatyāv anunipadyete // (35) Par.?