Texts

uttarato garta udakprasravaṇe 'śmānaṃ nidadhāty antaśchinnam // (1.1) Par.?

tiro mṛtyum ity aśmānam atikrāmati // (2.1) Par.?

tā adharād udīcīr ity anumantrayate // (3.1) Par.?

nissālām iti śālāniveśanaṃ samprokṣya // (4.1) Par.?

ūrjaṃ bibhrad iti prapādayati // (5.1) Par.?

vaiśvadevīm iti vatsatarīm ālambhayati // (6.1) Par.?

imam indram iti vṛṣam // (7.1) Par.?

anaḍvāham ahorātre iti talpam ālambhayati // (8.1) Par.?

ā rohatāyur ity ārohati // (9.1) Par.?

āsīnā ity āsīnām anumantrayate // (10.1) Par.?

piñjūlīr āñjanaṃ sarpiṣi paryasyemā nārīr iti strībhyaḥ prayacchati // (11.1) Par.?

ime jīvā avidhavāḥ sujāmaya iti puṃbhya ekaikasmai tisras tisras tā adhy adhy udadhānaṃ paricṛtya prayacchati // (12.1) Par.?

paraṃ mṛtyo vyākaromy ā rohatāntardhiḥ pratyañcam arkaṃ ye agnayo namo devavadhebhyo 'gne 'bhyāvartinn agne jātavedaḥ saha rayyā punar ūrjeti // (13.1) Par.?

agne 'bhyāvartinn abhi na ā vavṛtsva / (14.1) Par.?

āyuṣā varcasā sanyā medhayā prajayā dhanena / (14.2) Par.?

agne jātavedaḥ śataṃ te sahasraṃ ta upāvṛtaḥ / (14.3) Par.?

adhā puṣṭasyeśānaḥ punar no rayim ā kṛdhi / (14.4) Par.?

saha rayyā ni vartasvāgne pinvasva dhārayā / (14.5) Par.?

viśvapsnyā viśvatas pari / (14.6) Par.?

punar ūrjā vavṛtsva punar agna iṣāyuṣā / (14.7) Par.?

punar naḥ pāhy aṃhasaḥ // (14.8) Par.?

śarkarān svayamātṛṇṇāñ śaṇarajjubhyāṃ vibadhya dhārayati // (15.1) Par.?

samayā khena juhoti // (16.1) Par.?

imaṃ jīvebhya iti dvāre nidadhāti // (17.1) Par.?

juhotyetayarcā / (18.1) Par.?

āyurdāvā dhanadāvā baladāvā paśudāvā puṣṭidāvā prajāpataye svāheti // (18.2) Par.?

ṣaṭsaṃpātaṃ mātā putrān āśayate // (19.1) Par.?

ucchiṣṭaṃ jāyām // (20.1) Par.?

saṃvatsaram agniṃ nodvāyānna harennāhareyuḥ // (21.1) Par.?

dvādaśarātra ity eke // (22.1) Par.?

daśa dakṣiṇā // (23.1) Par.?

paścād agner vāgyataḥ saṃviśati // (24.1) Par.?

aparedyur agniṃ cendrāgnī ca yajeta // (25.1) Par.?

sthālīpākābhyām agniṃ cāgniṣomau ca paurṇamāsyām // (26.1) Par.?

sāyaṃ prātar vrīhīn āvaped yavān vāgnaye svāhā prajāpataye svāheti sāyam // (27.1) Par.?

sūryāya svāhā prajāpataye svāheti prātaḥ // (28.1) Par.?

dvādaśarātre 'gniṃ paśunā yajeta // (29.1) Par.?

sthālīpākena vobhayor viriṣyati // (30.1) Par.?

saṃvatsaratamyāṃ śāntyudakaṃ kṛtvā // (31.1) Par.?

ghṛtāhutir no bhavāgne akravyāhutir ghṛtāhutiṃ tvā vayam akravyāhutim upaniṣadema jātaveda iti catura udapātre saṃpātān ānīya // (32.1) Par.?

tān ullapya // (33.1) Par.?

purastād agneḥ pratyaṅ āsīno juhoti / (34.1) Par.?

hute rabhasva hutabhāga edhi mṛḍāsmabhyaṃ mota hiṃsīḥ paśūn na iti // (34.2) Par.?

yady udvāyād bhasmanāraṇiṃ saṃspṛśya tūṣṇīṃ mathitvoddīpya // (35.1) Par.?

pūrṇahomaṃ hutvā // (36.1) Par.?

saṃnatibhir ājyaṃ juhuyād vyāhṛtibhir vā // (37.1) Par.?

saṃsṛṣṭe caivaṃ juhuyāt // (38.1) Par.?

agnāvanugate jāyamāne // (39.1) Par.?

ānaḍuhena śakṛtpiṇḍenāgnyāyatanāni parilipya // (40.1) Par.?

homyam upasādya // (41.1) Par.?

prāṇāpānābhyāṃ svāhā samānavyānābhyāṃ svāhodānarūpābhyāṃ svāhety ātmany eva juhuyāt // (42.1) Par.?

atha prātar utthāyāgniṃ nirmathya yathāsthānaṃ praṇīya yathāpuram agnihotraṃ juhuyāt // (43.1) Par.?

sāyamāśaprātarāśau yajñāv ṛtvijau // (44.1) Par.?