Texts

athātas tṛtīye varṣe cūḍākaraṇam // (1) Par.?

purastācchālāyā upalipte 'gnir upasamāhito bhavati // (2) Par.?

tatraitāny upakﾱptāni bhavanti // (3) Par.?

ekaviṃśatir darbhapiñjūlya uṣṇodakakaṃsa audumbaraḥ kṣura ādarśo vā kṣurapāṇir nāpita iti dakṣiṇataḥ // (4) Par.?

ānaḍuho gomayaḥ kṛsaraḥ sthālīpāko vṛthāpakva ity uttarataḥ // (5) Par.?

vrīhiyavais tilamāṣair iti pṛthak pātrāṇi pūrayitvā purastād upanidadhyuḥ // (6) Par.?

kṛsaro nāpitāya sarvabījāni ceti // (7) Par.?

atha mātā śucinā vasanena kumāram ācchādya paścād agner udagagreṣu darbheṣu prācy upaviśati // (8) Par.?

atha yas tat kariṣyan bhavati paścāt prāṅ avatiṣṭhate // (9) Par.?

atha japaty āyam agāt savitā kṣureṇeti savitāraṃ manasā dhyāyan nāpitaṃ prekṣamāṇaḥ // (10) Par.?

uṣṇena vāya udakenaidhīti vāyuṃ manasā dhyāyann uṣṇodakakaṃsaṃ prekṣamāṇaḥ // (11) Par.?

dakṣiṇena pāṇināpa ādāya dakṣiṇāṃ kapuṣṇikām undaty āpa undantu jīvasa iti // (12) Par.?

viṣṇor daṃṣṭro 'sīty audumbaraṃ kṣuraṃ prekṣata ādarśaṃ vā // (13) Par.?

oṣadhe trāyasvainam iti sapta darbhapiñjūlīr dakṣiṇāyāṃ kapuṣṇikāyām abhiśiro'grā nidadhāti // (14) Par.?

tā vāmena pāṇinā nigṛhya dakṣiṇena pāṇinaudumbaraṃ kṣuraṃ gṛhītvādarśaṃ vābhinidadhāti svadhite mainaṃ hiṃsīr iti // (15) Par.?

yena pūṣā bṛhaspater iti triḥ prāñcaṃ prohaty apracchindan sakṛd yajuṣā dvis tūṣṇīm // (16) Par.?

athāyasena pracchidyānaḍuhe gomaye nidadhāti // (17) Par.?

etayaivāvṛtā kapucchalam // (18) Par.?

etayottarāṃ kapuṣṇikām // (19) Par.?

undanaprabhṛti tvevābhinivartayet // (20) Par.?

ubhābhyāṃ pāṇibhyāṃ mūrdhānaṃ parigṛhya japet tryāyuṣaṃ jamadagner iti // (21) Par.?

etayaivāvṛtā striyāḥ // (22) Par.?

tūṣṇīm // (23) Par.?

mantreṇa tu homaḥ // (24) Par.?

udaṅṅ agner utsṛpya kuśalīkārayanti yathāgotrakulakalpam // (25) Par.?

ānaḍuhe gomaye keśān kṛtvāraṇyaṃ hṛtvā nikhananti // (26) Par.?

stambe haike nidadhati // (27) Par.?

yathārtham // (28) Par.?

gaur dakṣiṇā // (29) Par.?