Texts

Help

Select a text:
Bibliography
Select a chapter:
 (no revisions)
Associated topic(s): agnicayana

Show parallels  Show headlines
Use dependency labeler
Chapter id: 15760
  • Click on a sentence to show its analysis
  • Keep the mouse pointer over a lemma to show its meanings.
vasor dhārāṃ juhoti // (1.1) Par.?
samudrād ūrmir iti sūktena ghṛtam abhimantryaudumbaryā mahatyā srucā paścāc camasaḥ srukpātreṇa saṃchāditasya mṛdāhitāyām ādyaṃ camasa āsiñcati // (2.1) Par.?
vaiśvānarīye dhārāṃ pātayaty agnāviṣṇū sajoṣaseti japitvā vicchinnām // (3.1) Par.?
vājaś ca ma iti pañcānuvākān yajamānaṃ vācayati // (4.1) Par.?
ekā ca tisraś cā trayastriṃśataś catasraś cāṣṭau ceti caturabhyāsenāṣṭācatvāriṃśataḥ / (5.1) Par.?
dhenuś cānaḍvāṃś cety uktvāyuryajñena kalpata itiprabhṛtinā svar mūrdhā svāhā vaiyaśanaḥ svāhā vyaśanāntyaḥ svāhāntyo bhauvanaḥ svāhā bhuvanasya pataye 'dhipataye svāheti svar devā agāmāmṛtā abhūma prajāpateḥ prajā abhūma svāhety antena dhārā // (5.2) Par.?
agnau srucam anupraharati // (6.1) Par.?
yad ājyam ucchiṣyate tasmiṃś catuḥśarāvam odanaṃ paktvā madhyataḥkāribhyo dadāti catasraś ca dhenūḥ // (7.1) Par.?
vājaprasavyaṃ juhoti vājāya svāheti trayodaśāhutīḥ // (8.1) Par.?
sarvāṇi grāmyāṇy āraṇyāny ājyena prayutyaudumbareṇa sruveṇa juhoty agne acchā vadeha na ity aṣṭau viśve no adyeti ṣaṭ // (9.1) Par.?
hutvā hutvā pātryāṃ saṃpātān avanayaty abhiṣekāya // (10.1) Par.?
agreṇābhiṣiñcaty āsandyāṃ kṛṣṇājine brahmavarcasakāmaṃ bastājine paśukāmam // (11.1) Par.?
devasya tveti bṛhaspatim iti brāhmaṇam indram iti rājanyaṃ bhavam iti vaiśyam // (12.1) Par.?
dvādaśagṛhītena rāṣṭrabhṛto juhoty ṛtāṣāḍ iti ṣaḍbhiḥ paryāyair dve paryāyeṇa / (13.1) Par.?
sa na idaṃ brahma kṣatraṃ pātv ity anuṣajet // (13.2) Par.?
amṛḍaya iti rājanyasyottamāṃ kuryāt prajāpatiḥ parameṣṭhīti vaiśyasya // (14.1) Par.?
sa no bhuvanasya pata iti rathamukhe daśa // (15.1) Par.?
prakṣālitaśirasaṃ ratham adhy agniṃ dhārayanti // (16.1) Par.?
pratyaṅmukhe prathamaṃ dve dve dikṣv anuparihāraṃ paścātprāṅmukhe dvitīyam // (17.1) Par.?
tato hutvādhvaryor āvasathaṃ haranti // (18.1) Par.?
taṃ dakṣiṇāyāḥ kāle yajamāno 'nudiśati // (19.1) Par.?
trīn vātahomān añjalinā parigrāhaṃ juhoti samudro 'si nabhasvān iti paryāyaiḥ // (20.1) Par.?
pṛṣṭhyābarhiḥprabhṛti samānam ā dhiṣṇyān nivapati // (21.1) Par.?
upeṣviṣṭakā dadhāti vaihavīr āvartayan // (22.1) Par.?
aśmanavamā āgnīdhra ekaviṃśatiṃ hotriya ekādaśa brāhmaṇācchaṃsye ṣaṇ mārjālīye 'ṣṭāṣṭāv itareṣu // (23.1) Par.?
agnīṣomīyasya paśupuroḍāśam agnaye gṛhapataya ity aṣṭau devasvāṃ havīṃṣy anunirvapati sarvapṛṣṭhyāṃ cāgnaye gāyatrāyeti daśahaviṣam // (24.1) Par.?
Duration=0.069555044174194 secs.