Texts

atha vaiśvadevaṃ hutvātithim ākāṅkṣed ā gor dohakālam // (1.1) Par.?

agraṃ voddhṛtya dadyāt // (2.1) Par.?

vijñāyate yajño vā eṣa pañcamo yad atithiḥ // (3.1) Par.?

jaghanena gārhapatyasyopaviśyaupāsanasya vā adhīhi bho iti gārhapatyam uktvā prāṇāyāmais trir āyamya sāvitrīṃ sahasrakṛtva āvartayecchatakṛtvo 'parimitakṛtvo vā daśāvaram // (4.1) Par.?

vedādayaś chandāṃsi kūśmāṇḍāni cādhīyīta agnim īḍe purohitam iti ṛgvedasya iṣe tvorje tvā iti yajurvedasya agna āyāhi vītaye iti sāmavedasya śaṃ no devīr abhiṣṭaye ity atharvavedasya agnir mūrdhā bhuvaḥ iti chandāṃsi yad devā devaheḍanam iti kūśmāṇḍyaḥ // (5.1) Par.?

yad adhīte sa brahmayajño yaj juhoti sa devayajño yat pitṛbhyaḥ svadhākaroti sa pitṛyajño yad bhūtebhyo baliṃ harati sa bhūtayajño yad brāhmaṇebhyo 'nnaṃ dadāti sa manuṣyayajña iti // (6.1) Par.?

ete pañca mahāyajñāḥ / (7.1) Par.?

satataṃ suprayuktā nayanti paramāṃ gatim // (7.2) Par.?

etebhyo yasya pañcabhyo yajña eko 'pi hīyate / (8.1) Par.?

manasvaty āhutis tatra prāyaścittaṃ vidhīyate // (8.2) Par.?

dvyahaṃ tryahaṃ vāpi pramādād akṛteṣu tu / (9.1) Par.?

tisras tantumatīr hutvā catasro vāruṇīr japet // (9.2) Par.?

daśāhaṃ dvādaśāhaṃ vā vicchinneṣu tu sarvaśaḥ / (10.1) Par.?

catasro 'bhyāvartinīr hutvā kāryas tāntumataś caruḥ // (10.2) Par.?

yasya strī vānupeto vā gṛheṣv etān balīn haret / (11.1) Par.?

kūśmāṇḍyas tatra hotavyo hutvā yajñasamṛddhaye // (11.2) Par.?

pravāsaṃ gacchato yasya gṛhe kartā na vidyate / (12.1) Par.?

pañcānāṃ mahatām eṣāṃ sa yajñaiḥ saha gacchati // (12.2) Par.?

pravāse kurute cainān yad annam upapadyate / (13.1) Par.?

na ced utpadyate cānnam adbhir enān samāpayet // (13.2) Par.?

adbhir eva vrataṃ kuryād yathālābham anuvratam / (14.1) Par.?

devānāṃ devayajñena dvijā gacchanti sāmyatām // (14.2) Par.?

pitṝṇāṃ pitṛyajñena bhūtayajñena bhūtinaḥ / (15.1) Par.?

manor manuṣyayajñena brahmayajñena brahmaṇaḥ // (15.2) Par.?

etāsāṃ sāmyatāṃ gatvā devatānāṃ śataṃ samāḥ / (16.1) Par.?

ānandaṃ brahma gacchanti dhruvaṃ śāśvatam avyayam iti // (16.2) Par.?

athāsmā atithir bhavati guroḥ samānavṛttir vaikhānaso vā gṛhastho vānaprasthaḥ / (17.1) Par.?

parivrājako gataśrīḥ snātako rājā vā dharmayuktaḥ // (17.2) Par.?

teṣām abhyutthāyāsanaṃ pādyam arhaṇam arghyaṃ vā prayuñjīta // (18.1) Par.?

yās tatrauṣadhayaḥ santi tā deyāḥ // (19.1) Par.?

anyāṃ vā prakriyāṃ prakurvīta // (20.1) Par.?

sarvebhyo 'bhyāgatebhya ā śvacāṇḍālebhyaḥ svāgataṃ kāryam // (21.1) Par.?

oṣadhivibhāgas tu vibhavavatā kāryo 'bhāve bhūmir udakaṃ tṛṇāni kalyāṇī vāg iti // (22.1) Par.?

etāni vai sato 'gāre na kṣīyante kadācana iti tān etān paraṃ brahmety ācakṣate // (23.1) Par.?

teṣāṃ grahaṇe tu dvādaśarātram akṣāralavaṇabhojanam adhaḥśayanaṃ brahmacaryam / (24.1) Par.?

trirātropoṣita utkṣepaṇau parau gṛhṇīyāt // (24.2) Par.?

baliharaṇaṃ vyākhyātam // (25.1) Par.?