Texts

grahān vā anu prajāḥ paśavaḥ prajāyante // (1) Par.?

upāṃśvantaryāmāv ajāvayaḥ // (2) Par.?

śukrāmanthinau puruṣāḥ // (3) Par.?

ṛtugrahān ekaśaphāḥ // (4) Par.?

ādityagrahaṃ gāvaḥ // (5) Par.?

ādityagraho bhūyiṣṭhābhir ṛgbhir gṛhyate // (6) Par.?

tasmād gāvaḥ paśūnām bhūyiṣṭhāḥ // (7) Par.?

yat trir upāṃśuṃ hastena vigṛhṇāti tasmād dvau trīn ajā janayaty athāvayo bhūyasīḥ // (8) Par.?

pitā vā eṣa yad āgrayaṇaḥ // (9) Par.?

putraḥ kalaśaḥ // (10) Par.?

yad āgrayaṇa upadasyet kalaśād gṛhṇīyād yathā pitā putraṃ kṣita upadhāvati tādṛg eva tat // (11) Par.?

yat kalaśa upadasyed āgrayaṇād gṛhṇīyāt // (12) Par.?

yathā putraḥ pitaraṃ kṣita upadhāvati tādṛg eva tat // (13) Par.?

ātmā vā eṣa yajñasya yad āgrayaṇaḥ // (14) Par.?

yad graho vā kalaśo vopadasyed āgrayaṇād gṛhṇīyāt // (15) Par.?

ātmana evādhi yajñaṃ niṣkaroti // (16) Par.?

avijñāto vā eṣa gṛhyate yad āgrayaṇaḥ // (17) Par.?

sthālyā gṛhṇāti vāyavyena juhoti // (18) Par.?

tasmād garbheṇāvijñātena brahmahā // (19) Par.?

avabhṛtham avayanti // (20) Par.?

parā sthālīr asyanty udvāyavyāni haranti // (21) Par.?

tasmāt striyaṃ jātām parāsyanty ut pumāṃsaṃ haranti // (22) Par.?

yat purorucam āha yathā vasyasa āharati tādṛg eva tat // (23) Par.?

yad grahaṃ gṛhṇāti yathā vasyasa āhṛtya prāha tādṛg eva tat // (24) Par.?

yat sādayati yathā vasyasa upanidhāyāpakrāmati tādṛg eva tat // (25) Par.?

yad vai yajñasya sāmnā yajuṣā kriyate śithilaṃ tat // (26) Par.?

yad ṛcā tad dṛḍham // (27) Par.?

purastādupayāmā yajuṣā gṛhyante // (28) Par.?

upariṣṭādupayāmā ṛcā // (29) Par.?

yajñasya dhṛtyai // (30) Par.?