Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16236
  • Click on a sentence to show its analysis
  • Keep the mouse pointer over a lemma to show its meanings.
atha bṛhatī // (1) Par.?
atha triṣṭup // (2) Par.?
tad etad brahmaṇā ca kṣatreṇa cobhayato 'nnādyaṃ parigṛhītam // (3) Par.?
brahmaṇā ca ha vā enaṃ kṣatreṇa cobhayato 'nnādyaṃ parigṛhītam upatiṣṭhate ya evaṃ veda // (4) Par.?
tasmād brāhmaṇena kṣatriyāya na drogdhavyaṃ na kṣatriyeṇa brāhmaṇāya // (5) Par.?
samānaṃ hy enayor annādyam // (6) Par.?
tasmād yad brāhmaṇo mahad iva gacchati kṣatriyam eva sa tasyānnādyasya dvitīyaṃ goptāram icchate // (7) Par.?
yat kṣatriyo brāhmaṇam u eva // (8) Par.?
vindate kṣatriyaṃ bhartāraṃ ya evaṃ veda // (9) Par.?
caturakṣarāṇi ha vā agre chandāṃsy āsur ayajñavāhāni // (10) Par.?
atha hendrasya tridive soma āsa // (11) Par.?
taṃ hāgnayo gandharvā jugupur eta eva dhiṣṇyāḥ // (12) Par.?
ta u evāśīviṣāḥ // (13) Par.?
sa hiraṇmayyoḥ kuśyor āsa // (14) Par.?
te ha sma nimeṣamātram abhisaṃpatataḥ // (15) Par.?
tānīmāni chandāṃsy abruvan somam āharāma yajñaṃ tanavāmahā iti // (16) Par.?
sā jagatī prathamodapatad ojiṣṭhā baliṣṭhā bhūyiṣṭhā vīryavattamā manyamānā // (17) Par.?
tasyai paretāyai somapālās trīṇy akṣarāṇy avindanta // (18) Par.?
saikākṣarā punar āgacchad dīkṣāṃ ca paśūṃś cāharantī // (19) Par.?
tasmād ya eva paśumān bhavati taṃ dīkṣopanāmukā // (20) Par.?
atha triṣṭub udapatat // (21) Par.?
tasyai paretāyai somapālā ekam akṣaram avindanta // (22) Par.?
sā tryakṣarā punar āgacchat tapaś ca dakṣiṇāś cāharantī // (23) Par.?
tasmāt triṣṭubho loke dakṣiṇā nīyante // (24) Par.?
tasmād u tam eva tapas tepānaṃ manyante yo dadat // (25) Par.?
Duration=0.092245101928711 secs.