Texts

brāhmaṇakṣatriyavaiśyā evaṃ tu prapadyeran tair eva sambhāṣeta // (1) Par.?

yady enaṃ śūdreṇa saha saṃvāda upapadyetaiteṣām anyatamam ittham ācakṣvetyāha // (2) Par.?

na striyā sambhāṣeta // (3) Par.?

kṛṣṇājinānna vyavacchidyeta daṇḍād vā // (4) Par.?

anyatra kṛṣṇājinānnāsīta śayīta vā // (5) Par.?

yady anyatrāsīta devāñ janam agan yajña ity enad abhimantrayate // (6) Par.?

na purā somasya krayād aporṇvīta // (7) Par.?

dīkṣitāgāre viharati // (8) Par.?

yena kenacit sahāste 'tho vā na kaṃcanābhivādayate pratyuttiṣṭhati vā // (9) Par.?

sarva enam abhivādayanti // (10) Par.?

na juhoty anyatra somāṅgebhyaḥ // (11) Par.?

na dadāti // (12) Par.?

na pacati // (13) Par.?

karśayaty ātmānam // (14) Par.?

yadāsya kṛṣṇaṃ cakṣuṣor naśyaty antaś ca naiṣpurīṣyaṃ yad aṅgam asya mīyate taj juhotīty āhuḥ // (15) Par.?

yadi parāvartate viśve devā abhi mām āvavṛtrann ity abhyāvartate // (16) Par.?

na pratīcyena dvāreṇa nirgacchati // (17) Par.?

nainaṃ spṛśati // (18) Par.?

nāsya nāma gṛhṇāti // (19) Par.?

nāsya pāpaṃ kīrtayati // (20) Par.?

athaitāni patnyāś ca mantravarjam // (21) Par.?

sā svāyatane saṃviśati // (22) Par.?

atha nityavṛttau // (23) Par.?

adhivṛkṣasūrye purā vā nakṣatrāṇām udayād vrataprado 'gnīñ jyotiṣmataḥ kuruta dīkṣita vācaṃ yaccha patni vācaṃ yacchety uttareṇāhavanīyaṃ tiṣṭhan saṃpreṣyati // (24) Par.?

atha pūrveṇa dvāreṇa nirgatya vatsārthe stanam ekam avaśiṣyetarān vrataṃ dohayati // (25) Par.?

gārhapatye 'gnihotravidhinā vrataṃ śrapayitvā surakṣitaṃ nidadhāti // (26) Par.?

uditeṣu nakṣatreṣu yāḥ paśūnām iti japitvā bhūr bhuvaḥ suvar iti ca vrataṃ kṛṇuteti trir vācaṃ visṛjate // (27) Par.?

eṣṭrīḥ stheti catasro 'ṅgulīr utsṛjati kaniṣṭhike anāmike ca // (28) Par.?

tābhir yatheṣṭaṃ ceṣṭate // (29) Par.?

madhyarātre vratayati // (30) Par.?

apararātra ity eke // (31) Par.?