Texts

avaśiṣṭā uttaravedyāṃ nivapanty āpūryā sthā mā pūrayateti // (1) Par.?

trīṃs trīñ śakalān agnau prāsyanti devakṛtasyainaso 'vayajanam asīty etair mantraiḥ // (2) Par.?

ekadhanapariśeṣeṣu hariṇī dūrvā avadhāya saṃplomnāya tīvrīkṛtya yathācamasaṃ vyānīyāpareṇa cātvālaṃ prāñco 'vajighranty apsu dhautasya soma deva ta iti // (3) Par.?

avaśiṣṭā antarvedi ninayati cātvāla ity eke / (4.1) Par.?

samudraṃ vaḥ prahiṇomi svāṃ yonim apigacchata / (4.2) Par.?

ariṣṭā asmākaṃ vīrā utte bhavantu mā parāseci naḥ svam / (4.3) Par.?

iti // (4.4) Par.?

ninītā anumantrayate / (5.1) Par.?

acchāyaṃ vo marutaḥ śloka etvā viṣṇuṃ niṣiktapām avobhiḥ / (5.2) Par.?

uta prajāyai gṛṇate vayodhā yūyaṃ pāta svastibhiḥ sadā naḥ / (5.3) Par.?

iti // (5.4) Par.?

āgnīdhrīyaṃ praviśya dadhidrapsān bhakṣayanti dadhikrāvṇo akāriṣam ity etayā // (6) Par.?

tataḥ sakhyāni visṛjante ye tānūnaptraṃ samavamṛśanti ubhā kavī yuvānā satyā tā dharmaṇaspatī / (7.1) Par.?

satyasya dharmaṇaspate vi sakhyāni sṛjāmahe / (7.2) Par.?

iti // (7.3) Par.?

tataḥ patnīḥ saṃyājayanti // (8) Par.?

samānam ā samiṣṭayajuṣaḥ // (9) Par.?

juhvāṃ navagṛhītam ājyaṃ gṛhītvā nava samiṣṭayajūṃṣi juhoti / (10.1) Par.?

dhātā rātiḥ savitedaṃ juṣantām ity etasyānuvākasya ṣaḍṛgmiyāṇi trīṇi yajūṃṣi / (10.2) Par.?

samānatra juhoti // (10.3) Par.?

saṃtataṃ juhotīti vijñāyate // (11) Par.?

viṣṇukramāṇāṃ sthāne viṣṇvatikramān japaty agninā devena pṛtanā jayāmīty etān // (12) Par.?

idaṃ tṛtīyaṃ savanaṃ kavīnām ity āhutiṃ hutvā saṃpreṣyati praśāstaḥ prasuhīti // (13) Par.?

sarpatety āha praśāstā // (14) Par.?

saṃtiṣṭhate tṛtīyasavanam // (15) Par.?