Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Show parallels Show headlines
Use dependency labeler
Chapter id: 17579
- Click on a sentence to show its analysis
- Keep the mouse pointer over a lemma to show its meanings.
yajñasya vai sṛṣṭasyolbam anvalambata // (1) Par.?
tad vāsaḥ kṣaumam abhavat // (2) Par.?
tasmāt kṣaumeṇa dīkṣayanti yajñasya sayonitvāya // (3) Par.?
prācīnamātrā patnī dīkṣayanti // (4) Par.?
indrasya vai prācīnamātrā // (5) Par.?
indriyaṃ striyāḥ prajā // (6) Par.?
yat prācīnamātrā patnī dīkṣayanti // (7) Par.?
indriyam asyāṃ dadhāti // (8) Par.?
yonir vai dīkṣitasya dīkṣitavimitam // (9) Par.?
jarāyu kṛṣṇājinam // (10) Par.?
ulbaṃ dīkṣitavāsaḥ // (11) Par.?
nābhir mekhalā // (12) Par.?
garbho dīkṣitaḥ // (13) Par.?
svaṃ vā etad yoniṃ dīkṣita āśayet // (14) Par.?
tasmād dīkṣitena dīkṣitavimitān nānṛtubhiḥ kramyam // (15) Par.?
eṣa hy etasya yoniḥ // (16) Par.?
ato hy eṣo 'dhi prajāyate garbho dīkṣitaḥ // (17) Par.?
yad ṛta āviḥkurvīta datvanto garbhā jāyeran // (18) Par.?
yad anṛtu smayeta tejo 'sya parāpātukaṃ syāt // (19) Par.?
tasmān nānṛtu smetavyaṃ tejaso 'parāpātāya // (20) Par.?
ajāto vai puruṣaḥ // (21) Par.?
sa vai yajñenaiva jāyate // (22) Par.?
sa vai tarhy eva jāyate yarhy adaḥ some krīte prorṇute // (23) Par.?
ito 'gre prorṇute // (24) Par.?
atho hy agre puruṣo jāyate // (25) Par.?
sa vai tarhy eva sarvo jāyate yarhy ado 'po 'vabhṛtham abhyavaiti // (26) Par.?
tarhi sa tasmāt sarvo nirmucyate // (27) Par.?
trivṛtā vai stomena prajāpatiḥ prajā asṛjata // (28) Par.?
yat trivṛn mekhalā bhavati prajananāya // (29) Par.?
trivṛd vai vajra udaraṃ vṛtraḥ pāpmā kṣud bhrātṛvyaḥ puruṣasya // (30) Par.?
yan mekhalāṃ paryasyate vajram eva sapatnāya bhrātṛvyāya praharati // (31) Par.?
yaṃ dviṣyāt taṃ tarhi manasā dhyāyet // (32) Par.?
vajram evāsmai praharati // (33) Par.?
stṛṇuta eva // (34) Par.?
aṅgiraso vai svaryanto yatra mekhalāḥ saṃnyāsyaṃs tataḥ śaro 'jāyata // (35) Par.?
tasmāñ śaramayī // (36) Par.?
ūrg vā oṣadhayaḥ // (37) Par.?
ūrjaṃ vā etan madhyata ātmano dhatte prajānāṃ ca // (38) Par.?
yoktreṇa patnī saṃnahyate mekhalayā dīkṣitaḥ // (39) Par.?
atho mithunatvāya // (40) Par.?
ūrdhvaṃ vai puruṣasya nābher medhyam avācīnam amedhyam // (41) Par.?
yan mekhalāṃ paryasyate medhyasya cāmedhyasya ca vidhṛtyai // (42) Par.?
devatābhyo vā eṣa medhāyātmānam ālabhate yo dīkṣate // (43) Par.?
badhnīta iva vā etad ātmānaṃ yan mekhalāṃ paryasyate // (44) Par.?
tasmād vā etasyānnam annādyam // (45) Par.?
ārta iva hy eṣa baddhaḥ // (46) Par.?
tasmād u baddhasyānnam annādyam // (47) Par.?
yathā vā iha garagīr evaṃ vā eṣo 'muṣmiṃl loke yo dīkṣitasyānnam atti // (48) Par.?
yajñena tv evāsya tatā unmuktiḥ // (49) Par.?
havir vai dīkṣitaḥ // (50) Par.?
yad asya juhuyāt tam eva juhuyāt // (51) Par.?
pramāyukaḥ syāt // (52) Par.?
sarvābhyo vā eṣa devatābhyā āpyāyate yo dīkṣate // (53) Par.?
yad asya juhuyād yajñam asya viduhyāt // (54) Par.?
upadhīto 'sya yajñaḥ syāt // (55) Par.?
taṃ vā etad āgate kāle sarvaṃ saṃsphītaṃ yajñaṃ devatābhyo duhet // (56) Par.?
tredhā vā etasya pāpmānaṃ vibhajante yo dīkṣate // (57) Par.?
yo 'syānnam atti sa tṛtīyam // (58) Par.?
yo 'syāślīlaṃ kīrtayati sa tṛtīyam // (59) Par.?
yā enaṃ pipīlikā daśanti tās tṛtīyam // (60) Par.?
tasmād vā etasyānnam annādyam // (61) Par.?
tasmād asyāślīlaṃ na kīrtayitavyam // (62) Par.?
tasmād dīkṣitavāso 'bhartavyam // (63) Par.?
atra hi tāḥ pipīlikā yā enaṃ daśanti // (64) Par.?
Duration=0.61378502845764 secs.