Texts

Help

Select a text:
Bibliography
Select a chapter:
 (no revisions)
Associated topic(s): images of gods move, laugh, meteor, ulkā, omina, presigns, nimittas, adbhuta, omen

Show parallels  Show headlines
Use dependency labeler
Chapter id: 17580
  • Click on a sentence to show its analysis
  • Keep the mouse pointer over a lemma to show its meanings.
oṃ puruṣaḥ putradāraṃ vā dhanadhānyam athāpi vā / (1.1) Par.?
nimittair yair vinaśyeta śāntiṃ tatra nibodhata // (1.2) Par.?
indrāyudhaṃ bhavet rātrau dṛśyate yasya kasya cit / (2.1) Par.?
darvī kare vā bhidyeta maṇiḥ kumbhas tathaiva ca // (2.2) Par.?
chattraṃ śayyāsanaṃ caivānyat vāpi svayaṃ kva cit / (3.1) Par.?
strī hanyāc ca striyaṃ vāpi gaur avaghret ulūkhalam // (3.2) Par.?
śvā pibet gām anaḍvāhaṃ kaliḥ saṃpadyate kule / (4.1) Par.?
gajavājino mriyante vivādo rājakīyakaḥ // (4.2) Par.?
kuṭumbam aśubhaṃ sarvam aindrāṇy etāni nirdiśet / (5.1) Par.?
śāmyanti yena sarvāṇi nirvapet pāyasaṃ carum // (5.2) Par.?
samāvapya ghṛtaṃ tatrāhutiṃ juhuyād imām / (6.1) Par.?
indram id devatātaye sthālīpākasya homayet // (6.2) Par.?
indraḥ śacīpatiḥ śakro vajrapāṇiḥ sureśvaraḥ / (7.1) Par.?
sarvādbhutānāṃ śamano mahāvyāhṛtayas tathā // (7.2) Par.?
hutvā sviṣṭakṛtaṃ caiva carutantraṃ samāpayet / (8.1) Par.?
vimuktotpātadoṣas tu jīvet tu śaradaḥ śatam // (8.2) Par.?
uddīpikā gṛhe yasya valmīkā madhujālakam / (9.1) Par.?
abjānāṃ maṇike śabde tailaṃ sthīyata eva vā // (9.2) Par.?
aśubhā vikṛtir dadhnāṃ dugdhānāṃ vā yadā bhavet / (10.1) Par.?
akasmāt ca praroheyur bījāni kṛmayas tathā // (10.2) Par.?
kāryo varuṇayāgas tu vāruṇīvidhipūrvakaḥ / (11.1) Par.?
ud uttamaṃ pradhānaṃ syāt pañcājyāhutayas tathā // (11.2) Par.?
varuṇaḥ pāśapāṇiś ca yādasāṃ patir eva ca / (12.1) Par.?
śeṣaṃ tu pūrvavac caiva carutantraṃ samāpayet // (12.2) Par.?
vimuktotpātadoṣas tu jīvet tu śaradaḥ śatam // (13.1) Par.?
gṛhe yasya pated gṛdhra ulūko vā kathaṃcana / (14.1) Par.?
kapotaḥ praviśet caiva jīvā vāraṇyasaṃbhavāḥ // (14.2) Par.?
dhuryau ca patato yuktau gostrījanma ca vaikṛtam / (15.1) Par.?
jāyante yamalāny eva ghoraḥ svapnaś ca dṛśyate // (15.2) Par.?
abhidravanti rakṣāṃsi yatra caiva kumārakān / (16.1) Par.?
unnidrako 'tinidro vātyalpam atibhojanam // (16.2) Par.?
ālasyaṃ caivam eteṣāṃ devatā yama ucyate / (17.1) Par.?
nāke suparṇam iti etat sthālīpākasya homayet // (17.2) Par.?
yamaḥ pretapatiś caiva daṇḍapāṇis tatheśvaraḥ / (18.1) Par.?
śamanaḥ sarvādbhutānām ... // (18.2) Par.?
anagnir utthito yasya dhūmo vāpi gṛhe kvacit / (19.1) Par.?
āmaṃ vā jvalate māṃsaṃ bhaveyur visphuliṅgakāḥ // (19.2) Par.?
chattradhvajapatākāś ca jvalante toraṇāni ca / (20.1) Par.?
āsanaṃ caiva śayyā ca vastrāṇi kusumāni ca // (20.2) Par.?
hastyaśvānāṃ ca pucchāni varṣaty aṅgāravarṣaṇam / (21.1) Par.?
akāle ca diśāṃ dāha oṣadhīnāṃ ca pācanam // (21.2) Par.?
hastinyaś caiva madyante agnirūpaṃ tad adbhutam / (22.1) Par.?
agniṃ dūtaṃ vṛṇīmahe sthālīpākasya homayet // (22.2) Par.?
agnir hiraṇyapatiś ca arciṣpāṇis tatheśvaraḥ / (23.1) Par.?
śamanaḥ sarvādbhutānām ... // (23.2) Par.?
suvarṇaṃ rajataṃ vajraṃ vaiḍūryaṃ mauktikāni ca / (24.1) Par.?
pravālavastranāśaś ca mitrāṇāṃ ca viparyayaḥ // (24.2) Par.?
ārambhāś ca vipadyante na siddhiḥ karmaṇām api / (25.1) Par.?
carur vaiśravaṇas tatra abhi tyaṃ devam ṛk smṛtā // (25.2) Par.?
vaiśravaṇo yakṣapatir arthapāṇis tatheśvaraḥ / (26.1) Par.?
śamanaḥ sarvādbhutānām ... // (26.2) Par.?
atha yasya svanakṣatra ulkā nirghāta eva vā / (27.1) Par.?
rāhur grasati candrārkau kabandhaṃ darpaṇe bhavet // (27.2) Par.?
patet svayaṃ vā musalaṃ devatā vā kathaṃcana / (28.1) Par.?
unmīlate caiva yadā tathā cāpi nimīlate // (28.2) Par.?
pracchidyate ca yadi vā tathā vāpi prakampate / (29.1) Par.?
prayāto vāpi dṛśyeta pratisroto nadī vahet // (29.2) Par.?
vimale naiva arkachāyā pratīpā vāpi tu sāyakāḥ / (30.1) Par.?
pariveṣas tv anabhreṣu dṛśyate candrasūryayoḥ // (30.2) Par.?
kośāt khaḍgā nirgirante tūṇāc caiva tu sāyakāḥ / (31.1) Par.?
anāhatāni vādyante nadante śabdam āturam // (31.2) Par.?
caruṇā vaiṣṇavenaiṣāṃ yāgaḥ kartavya eva tu / (32.1) Par.?
idaṃ viṣṇuḥ pradhānaṃ syāt pañcājyāhutayas tathā // (32.2) Par.?
sarvabhūtapatir viṣṇuś cakrapāṇis tatheśvaraḥ / (33.1) Par.?
śamanaḥ sarvādbhutānām ... // (33.2) Par.?
ativāto yatra bhavet rūpaṃ vā yatra vaikṛtam / (34.1) Par.?
kharakarabhamahiṣā varāhā vyāghrasiṃhakāḥ // (34.2) Par.?
gṛdhrāś ca tathā gomāyuḥ kṛkalāsā vadanti ca / (35.1) Par.?
māṃsapeśaṃ ca rudhiraṃ pāṃsuvṛṣṭis tathaiva ca // (35.2) Par.?
vāyurūpam idaṃ sarvam adbhutaṃ parikīrtitam / (36.1) Par.?
vāta ā vātu bheṣajaṃ vāyav ā yāhi darśata iti sthālīpākasya homayet // (36.2) Par.?
vāyur mahān nabhapatir vajrapāṇis tatheśvaraḥ / (37.1) Par.?
śamanaḥ sarvādbhutānāṃ mahāvyāhṛtayas tathā // (37.2) Par.?
hutvā sviṣṭakṛtaṃ caiva carutantraṃ samāpayet / (38.1) Par.?
vimuktotpātadoṣas tu jīvet tu śaradaḥ śatam // (38.2) Par.?
atha ced anyaśākhāsu kartā bhavati vedavit / (39.1) Par.?
japtvā sa ṛgyajuḥsāmnāṃ śatamātraṃ samāhitaḥ // (39.2) Par.?
gāyatryaṣṭaśataṃ japtvā yajamānaḥ samāhitaḥ / (40.1) Par.?
vācayet tam upādhyāyaṃ vastreṇa kanakena vā // (40.2) Par.?
dṛṣṭaṃ caivādbhutaṃ yasmiṃs tac cāpi pratipādayet / (41.1) Par.?
etās tu dakṣiṇāḥ sarvāḥ śaktiyukto na hāpayet // (41.2) Par.?
yajamānas tatsuto vā yaḥ svayaṃ kartum arhati / (42.1) Par.?
brāhmaṇāya viśeṣeṇa dadyāt tāṃ dakṣiṇāṃ śubhām // (42.2) Par.?
japtvātharvaśiraś caiva kuryād vipreṣu pūjanam / (43.1) Par.?
śaktyātha bhojanaṃ caiva kuryād vipreṣu pūjanam // (43.2) Par.?
etad evaṃ samākhyātam adbhutānāṃ viśodhanam / (44.1) Par.?
caturṇām api varṇānāṃ yaḥ kuryāt śraddhayānvitaḥ // (44.2) Par.?
maraṇaṃ na bhavet tasya na duḥkhaṃ na daridratā / (45.1) Par.?
sidhyanti sarvakāryāṇi dharme cāsya matir bhavet // (45.2) Par.?
etat puṇyaṃ pavitraṃ ca devatāyāgapūjanam / (46.1) Par.?
sarvaśāntikaṃ caiva pratipuruṣaṃ nibodhata // (46.2) Par.?
Duration=0.17580485343933 secs.