Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17643
  • Click on a sentence to show its analysis
  • Keep the mouse pointer over a lemma to show its meanings.
caturgṛhītam ājyaṃ bhavati // (1) Par.?
catuṣpādo vai paśavaḥ // (2) Par.?
paśūn evāvarunddhe // (3) Par.?
hiraṇyam avadhāya juhoti // (4) Par.?
āgneyaṃ ghṛtam // (5) Par.?
agnijaṃ hiraṇyam // (6) Par.?
satanūr eva satejā hūyate // (7) Par.?
eṣā vā agneḥ priyā tanūr yad ghṛtam // (8) Par.?
tejo hiraṇyam // (9) Par.?
yaddhiraṇyam avadhāya juhoti // (10) Par.?
agner vā etat priyāṃ tanvaṃ tejasā samardhayati // (11) Par.?
atho rūpāṇy eva grāhayati // (12) Par.?
paśavo vai ghṛtam // (13) Par.?
reto hiraṇyam // (14) Par.?
yaddhiraṇyam avadhāya juhoti // (15) Par.?
paśuṣu vā etad reto dadhāti // (16) Par.?
tasmād anasthakād retaso 'sthanvantaḥ paśavaḥ prajāyante // (17) Par.?
baddhena juhoti // (18) Par.?
tasmāt paśūnāṃ garbhā aprapādukāḥ // (19) Par.?
prapādukāḥ paśūnāṃ garbhāḥ syur yad abaddhena juhuyāt // (20) Par.?
jūr asīti // (21) Par.?
yad vāva javate // (22) Par.?
ittham asā3d ittham asā3d iti // (23) Par.?
tad asyā jūtvam // (24) Par.?
dhṛtā manaseti // (25) Par.?
manasā hi vācaṃ dādhāra // (26) Par.?
juṣṭā viṣṇavā iti // (27) Par.?
yajñāyaivaināṃ juṣṭāṃ viṣṇave 'kaḥ // (28) Par.?
tasyās te satyasavasaḥ prasava iti // (29) Par.?
vācā hi prasūtaṃ kriyate // (30) Par.?
tanvo yantram aśīya svāhety āśiṣam evāśāste // (31) Par.?
śukram asi candram asīty uddharati svargasya lokasya samaṣṭyai // (32) Par.?
vāg vai somakrayaṇī // (33) Par.?
śāsti vāvainām etat // (34) Par.?
tasmāt prajāḥ sṛṣṭvā prajāyante // (35) Par.?
vatso jātaḥ stanam icchati // (36) Par.?
stanaṃ kumāra icchati // (37) Par.?
cid asīti // (38) Par.?
yad vāva cikitsate // (39) Par.?
ittham asā3d ittham asā3d iti // (40) Par.?
tad asyāś cittvam // (41) Par.?
manāsīti // (42) Par.?
yaddhi manasā manyate yan manasābhigacchati tad vācā vadati // (43) Par.?
dhīr asīti // (44) Par.?
yad vāva dhyāyati // (45) Par.?
ittham asā3d ittham asā3d iti // (46) Par.?
tad asyā dhītvam // (47) Par.?
dakṣiṇāsīti // (48) Par.?
yat svid vācā dīyate tad asyā dakṣiṇātvam // (49) Par.?
yajñiyāsīti // (50) Par.?
vāgghi yajñiyā // (51) Par.?
kṣatriyāsīti // (52) Par.?
yaṃ hi vāg juṣate sa kṣatriyaḥ // (53) Par.?
aditir asy ubhayataḥśīrṣṇīti // (54) Par.?
yat svid ādityaḥ prāyaṇīya āditya udayanīyas tad asyā ubhayataḥśīrṣatvam // (55) Par.?
sā naḥ suprācī supratīcī bhaveti // (56) Par.?
suprācī hy eṣā prāyaṇīye supratīcy udayanīye // (57) Par.?
Duration=0.1670560836792 secs.