Texts

devā anyo 'nyasya śraiṣṭhye tiṣṭhamānāś caturdhā vyudakrāmann agnir vasubhiḥ somo rudrair indro marudbhir varuṇa ādityaiḥ // (1) Par.?

tān vā etena bṛhaspatir ayājayat // (2) Par.?

teṣām indro 'bhavat // (3) Par.?

tad ya etena yajate bhavati // (4) Par.?

te vā anyo 'nyasyābhidrohād abibhayuḥ // (5) Par.?

teṣāṃ yāḥ priyās tanvā āsaṃs tāḥ samavādyan // (6) Par.?

tāḥ samavāmṛśan yo nastannapād yo no 'nyo 'nyasmai druhyād ita eva saṃ nirṛchād iti // (7) Par.?

te yadā samavāmṛśaṃs tato devā abhavan parāsurāḥ // (8) Par.?

tad ya evaṃ vidvāṃsaḥ samavamṛśanti bhavanty ātmanā paraiṣāṃ bhrātṛvyā bhavanti // (9) Par.?

yaṃ kāmayetardhnuyād iti taṃ prathamam avamarśayet // (10) Par.?

ṛdhnoti // (11) Par.?

yadi kāmayeta sarve sadṛśāḥ syur iti sarvānt sahāvamarśayet // (12) Par.?

sarve ha sadṛśā bhavanti // (13) Par.?

ye vai te samavāmṛśann api vā idānīṃ te 'nyo 'nyasmai na druhyanti // (14) Par.?

tasmāt satānūnaptriṇe na drogdhavai // (15) Par.?

yad druhyet priyāyai tanvai druhyet // (16) Par.?

te vā amuṣminn āditye priyās tanvaḥ saṃnyadadhata // (17) Par.?

tasmād eṣa tejiṣṭhaṃ tapati // (18) Par.?

tasmāt sūryadevatyā hi sarve somā gṛhyante // (19) Par.?

atho atra vai devānāṃ priyās tanvaḥ // (20) Par.?

tā evāvarunddhe // (21) Par.?

āpataye tvā gṛhṇāmīti agnaye tena vasubhyo gṛhṇāti paripataye tveti somāya tena rudrebhyas tanūnaptrā itīndrāya tena marudbhyaḥ śakmane śākvarāyeti varuṇāya tenādityebhyaḥ // (22) Par.?

etebhyo vai tad devebhyo 'gre gṛhyate // (23) Par.?

tebhya evainad gṛhṇāti // (24) Par.?

catur gṛhṇāti // (25) Par.?

caturdhā hi te vyudakrāman // (26) Par.?

āpataye tvā gṛhṇāmīty ātmānam eva tena gṛhṇāti paripataye tveti prajāṃ tena tanūnaptrā iti yajñaṃ tena śakmane śākvarāyeti paśūṃs tena // (27) Par.?

yo vai devānt sādhyān veda sidhyati ha vā asmai // (28) Par.?

yatra kāmayeteha me sidhyed iti // (29) Par.?

ime vai lokā devāḥ sādhyāḥ // (30) Par.?

ātmānam eva dīkṣayā spṛṇoti prajām avāntaradīkṣayā // (31) Par.?

saṃtarām mekhalām āyacchate // (32) Par.?

kanīyo vratam upaiti // (33) Par.?

antarā hy ātmānaṃ prajā // (34) Par.?

dvivratena bhavitavyam // (35) Par.?

dvau vā ṛtū ahaś ca rātriś ca // (36) Par.?

yad ekavrataḥ syāt patnīm antariyāt // (37) Par.?

yā te agne rudriyā tanūr iti vrataṃ vratayati // (38) Par.?

eṣā vā asminn etarhi devatā // (39) Par.?

tāṃ prīṇāti // (40) Par.?

tasyāṃ hutaṃ vratayati // (41) Par.?

yade3to 'nyathā vratayed rudra enam abhimānukaḥ syāt // (42) Par.?

devatābhir vā eṣa sāyujyaṃ gacchati yo dīkṣate // (43) Par.?

yañ śītābhir mārjayeta śamayeyuḥ // (44) Par.?

atho yathedam adbhir agnir upasṛṣṭa evaṃ syāt // (45) Par.?

atha yat taptābhir mārjayate śāntyai // (46) Par.?

atho tejo vai madantīḥ // (47) Par.?

teja evāvarunddhe // (48) Par.?