Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17712
  • Click on a sentence to show its analysis
  • Keep the mouse pointer over a lemma to show its meanings.
pṛthivyai tvā / (1.1) Par.?
antarikṣāya tvā / (1.2) Par.?
dive tveti prokṣati // (1.3) Par.?
eṣā hy eṣāṃ lokānāṃ vidhṛtyai mīyate // (2) Par.?
triḥ prokṣati // (3) Par.?
triṣatyā hi devāḥ // (4) Par.?
atho trayo vā ime lokāḥ // (5) Par.?
ebhya evaināṃ lokebhyaḥ praukṣīt // (6) Par.?
annaṃ vai yavāḥ // (7) Par.?
ūrg udumbaraḥ // (8) Par.?
yad yavamatībhiḥ prokṣaty ūrjā vā etad annaṃ samardhayati // (9) Par.?
ṛkṣaṃ vā amedhyam // (10) Par.?
āpo haviḥ // (11) Par.?
yad avasiñcati medhyam evainat karoti // (12) Par.?
ṛkṣaṃ vā amedhyam // (13) Par.?
yad avastṛṇāti medhyam evainat karoti // (14) Par.?
pitṛdevatyaṃ vai nikhātam amedhyam anyadevatyam // (15) Par.?
asyāḥ khalu vā imā uttamārdha oṣadhayaḥ // (16) Par.?
yad avastṛṇāty asyā evainām uttamārdhe minoti // (17) Par.?
anikhātaivābhūt // (18) Par.?
annaṃ vai yavāḥ // (19) Par.?
ūrg udumbaraḥ // (20) Par.?
yad yavam avāsyaty anne vā etad ūrjaṃ dadhāti // (21) Par.?
na hy annam ṛta ūrjo dhinoti // (22) Par.?
no hy ūrg ṛte 'nnād dhinoti // (23) Par.?
nitānas tvā māruto nihantv iti // (24) Par.?
mano vai nitānaḥ // (25) Par.?
prāṇā mārutāḥ // (26) Par.?
mitrāvaruṇau dhruveṇa dharmaṇeti // (27) Par.?
mitram evaināṃ dādhāra varuṇaḥ kalpayati // (28) Par.?
vidhṛtyai ca khalu vā eṣāṃ prajānāṃ kﾱptyai ca mīyate // (29) Par.?
mitrāvaruṇau vai devānāṃ dharmadhārayau // (30) Par.?
daivaṃ vā etad dhamam adīdharatām // (31) Par.?
yad audumbarī // (32) Par.?
brahmavaniṃ tvā kṣatravaniṃ paryūhāmīty āśīr evaiṣā // (33) Par.?
brahma dṛṃha kṣatraṃ dṛṃhety āśiṣa evaiṣa parigrahaḥ // (34) Par.?
ghṛtena dyāvāpṛthivī āpṛṇeti ghṛtenaiva dyāvāpṛthivī vyunatti // (35) Par.?
udaraṃ vai sadaḥ // (36) Par.?
ūrg udumbaraḥ // (37) Par.?
yad audumbary ūrjaṃ vā etan madhyata ātmano dhatte prajānāṃ ca // (38) Par.?
prajāpater vā etad udaraṃ yat sadaḥ // (39) Par.?
prājāpatya udgātā // (40) Par.?
tasmād udgātānvārabhate // (41) Par.?
yajamāno vā audumbarī // (42) Par.?
varṣiṣṭhā kāryā // (43) Par.?
varṣmainaṃ samānānāṃ gamayati // (44) Par.?
viśvajanasya chāyāsīti // (45) Par.?
chadir abhinidadhāti // (46) Par.?
gotrādgotrāddhi prasarpanti // (47) Par.?
udaraṃ vai sadaḥ // (48) Par.?
yad anyenānyena saṃminoti tasmād udaram anyenānyenāmena saṃtataḥ // (49) Par.?
udaraṃ vai sadaḥ // (50) Par.?
yad anūcīnaṃ minuyāt parācīnaṃ jagdham atīyāt // (51) Par.?
atha yat tiraścīnaṃ minoti tasmāj jagdham // (52) Par.?
sarvāṇy aṅgāny anuveti // (53) Par.?
prajā vā etat samīcīnaṃ minoti // (54) Par.?
samīcīr enaṃ prajā abhisamāvartate // (55) Par.?
saṃyāta iva sa bhavati // (56) Par.?
samānaṃ sāṃkāśinaṃ kāryam // (57) Par.?
samānā hīme prāṇāḥ // (58) Par.?
yaṃ dviṣyāt tasyākṣṇayā minuyāt // (59) Par.?
prāṇān asya mohayati // (60) Par.?
pramāyuko bhavati // (61) Par.?
yadi kāmayeta varṣet parjanyā iti nīcaiḥ sado minuyāt // (62) Par.?
vṛṣṭim eva niyacchati // (63) Par.?
yadi kāmayeta na varṣet parjanyā ity uccaiḥ sado minuyāt // (64) Par.?
vṛṣṭim evāpāgrahīt // (65) Par.?
navacchadir agniṣṭome syāt // (66) Par.?
tejasā trivṛtā saṃmitam // (67) Par.?
pañcadaśacchadir ukthye // (68) Par.?
pañcadaśena vajreṇa saṃmitam // (69) Par.?
saptadaśacchadir atirātre // (70) Par.?
saptadaśo vai prajāpatiḥ // (71) Par.?
prājāpatyā rātrir ānuṣṭubhī // (72) Par.?
yajñakratūnām evaiṣā vyāvṛttiḥ // (73) Par.?
prācīnavaṃśaṃ havirdhānaṃ minoti // (74) Par.?
ūrdhvā hi dyauḥ // (75) Par.?
prācīnavaṃśam āgnīdhram // (76) Par.?
ūrdhvaṃ hy antarikṣam // (77) Par.?
tiraścīnavaṃśaṃ sadaḥ // (78) Par.?
tiraścī hīyam // (79) Par.?
yajuṣā havirdhānaṃ minoti // (80) Par.?
niruktā hi dyauḥ // (81) Par.?
yajuṣā sadaḥ // (82) Par.?
niruktā hīyam // (83) Par.?
ayajuṣāgnīdhram // (84) Par.?
aniruktam iva hy antarikṣam // (85) Par.?
ardham āgnīdhrasyāntarvedi minoty ardhaṃ bahirvedi // (86) Par.?
ardhaṃ hy antarikṣasyāsmiṃl loke 'rdham amuṣmin // (87) Par.?
Duration=0.25993299484253 secs.