UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 2985
- Click on a sentence to show its analysis
- Keep the mouse pointer over a lemma to show its meanings.
śukra uvāca / (1.1)
Par.?
yaḥ pareṣāṃ naro nityam ativādāṃstitikṣati / (1.2)
Par.?
devayāni vijānīhi tena sarvam idaṃ jitam // (1.3)
Par.?
yaḥ samutpatitaṃ krodhaṃ nigṛhṇāti hayaṃ yathā / (2.1)
Par.?
sa yantetyucyate sadbhir na yo raśmiṣu lambate // (2.2)
Par.?
yaḥ samutpatitaṃ krodham akrodhena nirasyati / (3.1)
Par.?
devayāni vijānīhi tena sarvam idaṃ jitam // (3.2)
Par.?
yaḥ samutpatitaṃ krodhaṃ kṣamayeha nirasyati / (4.1)
Par.?
yathoragastvacaṃ jīrṇāṃ sa vai puruṣa ucyate // (4.2)
Par.?
yaḥ saṃdhārayate manyuṃ yo 'tivādāṃstitikṣati / (5.1)
Par.?
yaśca tapto na tapati dṛḍhaṃ so 'rthasya bhājanam // (5.2)
Par.?
yo yajed apariśrānto māsi māsi śataṃ samāḥ / (6.1)
Par.?
na krudhyed yaśca sarvasya tayor akrodhano 'dhikaḥ / (6.2)
Par.?
*
tasmād akrodhanaḥ śreṣṭhaḥ kāmakrodhau na pūjitau / (6.3)
Par.?
*
kruddhasya niṣphalānyeva dānayajñatapāṃsi ca / (6.4)
Par.?
*
tasmād akrodhane yajñastapo dānaṃ mahat phalam / (6.5)
Par.?
*
na pūto na tapasvī ca na yajvā na ca dharmakṛt / (6.6)
Par.?
*
krodhasya yo vaśaṃ gacchet tasya lokadvayaṃ na ca / (6.7)
Par.?
*
putrabhṛtyasuhṛnmitrabhāryā dharmaśca satyataḥ / (6.8)
Par.?
*
tasyaitānyapayāsyanti krodhaśīlasya niścitam // (6.9)
Par.?
yat kumārāḥ kumāryaśca vairaṃ kuryur acetasaḥ / (7.1)
Par.?
na tat prājño 'nukurvīta viduste na balābalam // (7.2)
Par.?
devayānyuvāca / (8.1)
Par.?
vedāhaṃ tāta bālāpi dharmāṇāṃ yad ihāntaram / (8.2)
Par.?
akrodhe cātivāde ca veda cāpi balābalam / (8.3)
Par.?
*
svavṛttim ananuṣṭhāya dharmam utsṛjya tattvataḥ // (8.4)
Par.?
śiṣyasyāśiṣyavṛtter hi na kṣantavyaṃ bubhūṣatā / (9.1)
Par.?
*
śiṣye cācāryavṛttiṃ hi visṛjya vipathaṃ gate / (9.2)
Par.?
tasmāt saṃkīrṇavṛtteṣu vāso mama na rocate / (9.3)
Par.?
*
dahyamānāstu tīvreṇa nīcāḥ parayaśo'gninā / (9.4)
Par.?
*
aśaktāstāṃ gatiṃ gantuṃ tato nindāṃ prakurvate // (9.5)
Par.?
pumāṃso ye hi nindanti vṛttenābhijanena ca / (10.1)
Par.?
na teṣu nivaset prājñaḥ śreyo'rthī pāpabuddhiṣu // (10.2)
Par.?
ye tvenam abhijānanti vṛttenābhijanena ca / (11.1)
Par.?
teṣu sādhuṣu vastavyaṃ sa vāsaḥ śreṣṭha ucyate / (11.2)
Par.?
*
suyantritā narā nityaṃ vihīnā vā dhanair narāḥ / (11.3)
Par.?
*
durvṛttāḥ pāpakarmāṇaścaṇḍālā dhanino 'pi vā / (11.4)
Par.?
*na hi jātyā ca caṇḍālāḥ svakarmavihitair vinā / (11.5) Par.?
*
dhanābhijanavidyāsu saktāścaṇḍāladharmiṇaḥ / (11.6)
Par.?
*
akāraṇād vidviṣanti parivādaṃ vadanti ca / (11.7)
Par.?
*
na tatrāsya nivāso 'sti pāpibhiḥ pāpatāṃ vrajet / (11.8)
Par.?
*
sukṛte duṣkṛte vāpi yatra sajati yo naraḥ / (11.9)
Par.?
*
dhruvaṃ ratir bhavet tatra tasmāt teṣāṃ na rocaye // (11.10)
Par.?
vāg duruktaṃ mahāghoraṃ duhitur vṛṣaparvaṇaḥ / (12.1)
Par.?
na hyato duṣkarataraṃ manye lokeṣvapi triṣu / (12.2)
Par.?
*
niḥsaṃśayo viśeṣeṇa puruṣaṃ marmakṛntanam / (12.3)
Par.?
*
suhṛnmitrajanāsteṣu sauhṛdaṃ na ca kurvate / (12.4)
Par.?
yaḥ sapatnaśriyaṃ dīptāṃ hīnaśrīḥ paryupāsate / (12.5)
Par.?
*
mama mathnāti hṛdayam agnikāma ivāraṇim / (12.6)
Par.?
*
maraṇaṃ śobhanaṃ tasya iti vidvajjanā viduḥ / (12.7)
Par.?
*
avamānam avāpnoti śanair nīceṣu saṃgataḥ / (12.8)
Par.?
*
ativādā vaktrato niḥsaranti yair āhataḥ śocati rātryahāni / (12.9)
Par.?
*
parasya vai marmasu ye patanti tān paṇḍito nāvasṛjet pareṣu / (12.10)
Par.?
*
śanair duḥkhaṃ śastraviṣāgnijātaṃ rohen na saṃrohati vāgvraṇaṃ tu / (12.11)
Par.?
*
saṃrohati śanair viddhaṃ vanaṃ paraśunā hatam / (12.12)
Par.?
*
vācā duruktaṃ bībhatsaṃ na saṃrohati vākkṣatam // (12.13)
Par.?
Duration=0.080415964126587 secs.