UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 6250
- Click on a sentence to show its analysis
- Keep the mouse pointer over a lemma to show its meanings.
tulādhāra uvāca / (1.1)
Par.?
sadbhir vā yadi vāsadbhir ayaṃ panthāḥ samāśritaḥ / (1.2)
Par.?
pratyakṣaṃ kriyatāṃ sādhu tato jñāsyasi tad yathā // (1.3)
Par.?
ete śakuntā bahavaḥ samantād vicaranti hi / (2.1)
Par.?
tavottamāṅge sambhūtāḥ śyenāścānyāśca jātayaḥ // (2.2)
Par.?
āhvayainānmahābrahman viśamānāṃstatastataḥ / (3.1)
Par.?
paśyemān hastapādeṣu śliṣṭān dehe ca sarvaśaḥ // (3.2)
Par.?
saṃbhāvayanti pitaraṃ tvayā saṃbhāvitāḥ khagāḥ / (4.1)
Par.?
asaṃśayaṃ pitā ca tvaṃ putrān āhvaya jājale // (4.2)
Par.?
bhīṣma uvāca / (5.1)
Par.?
tato jājalinā tena samāhūtāḥ patatriṇaḥ / (5.2)
Par.?
vācam uccārayan divyāṃ dharmasya vacanāt kila // (5.3)
Par.?
ahiṃsādikṛtaṃ karma iha caiva paratra ca / (6.1)
Par.?
spardhā nihanti vai brahman
sāhatā hanti taṃ naram // (6.2)
Par.?
śraddhāvṛddhaṃ vāṅmanasī na yajñastrātum arhati / (7.1)
Par.?
atra gāthā brahmagītāḥ kīrtayanti purāvidaḥ // (7.2)
Par.?
śucer aśraddadhānasya śraddadhānasya cāśuceḥ / (8.1)
Par.?
devāścittam amanyanta sadṛśaṃ yajñakarmaṇi // (8.2)
Par.?
śrotriyasya kadaryasya vadānyasya ca vārdhuṣeḥ / (9.1)
Par.?
mīmāṃsitvobhayaṃ devāḥ samam annam akalpayan // (9.2)
Par.?
prajāpatistān uvāca viṣamaṃ kṛtam ityuta / (10.1)
Par.?
śraddhāpūtaṃ vadānyasya hatam aśraddhayetarat / (10.2)
Par.?
bhojyam annaṃ vadānyasya kadaryasya na vārdhuṣeḥ // (10.3)
Par.?
aśraddadhāna evaiko devānāṃ nārhate haviḥ / (11.1)
Par.?
tasyaivānnaṃ na bhoktavyam iti dharmavido viduḥ // (11.2)
Par.?
aśraddhā paramaṃ pāpaṃ śraddhā pāpapramocanī / (12.1)
Par.?
jahāti pāpaṃ śraddhāvān sarpo jīrṇām iva tvacam // (12.2)
Par.?
jyāyasī yā pavitrāṇāṃ nivṛttiḥ śraddhayā saha / (13.1)
Par.?
nivṛttaśīladoṣo yaḥ śraddhāvān pūta eva saḥ // (13.2)
Par.?
kiṃ tasya tapasā kāryaṃ kiṃ vṛttena kim ātmanā / (14.1)
Par.?
śraddhāmayo 'yaṃ puruṣo yo yacchraddhaḥ sa eva saḥ // (14.2)
Par.?
iti dharmaḥ samākhyātaḥ sadbhir dharmārthadarśibhiḥ / (15.1)
Par.?
vayaṃ jijñāsamānāstvā samprāptā dharmadarśanāt // (15.2)
Par.?
spardhāṃ jahi mahāprājña tataḥ prāpsyasi yat param / (16.1)
Par.?
śraddhāvāñ śraddadhānaśca dharmāṃścaiveha vāṇijaḥ / (16.2)
Par.?
svavartmani sthitaścaiva garīyān eṣa jājale // (16.3)
Par.?
evaṃ bahumatārthaṃ ca tulādhāreṇa bhāṣitam / (17.1)
Par.?
samyak caivam upālabdho dharmaścoktaḥ sanātanaḥ // (17.2)
Par.?
tasya vikhyātavīryasya śrutvā vākyāni sa dvijaḥ / (18.1)
Par.?
tulādhārasya kaunteya śāntim evānvapadyata // (18.2)
Par.?
tato 'cireṇa kālena tulādhāraḥ sa eva ca / (19.1)
Par.?
divaṃ gatvā mahāprājñau viharetāṃ yathāsukham / (19.2)
Par.?
svaṃ svaṃ sthānam upāgamya svakarmaphalanirjitam // (19.3)
Par.?
samānāṃ śraddadhānānāṃ saṃyatānāṃ sucetasām / (20.1)
Par.?
kurvatāṃ yajña ityeva na yajño jātu neṣyate // (20.2) Par.?
śraddhā vai sāttvikī devī sūryasya duhitā nṛpa / (21.1)
Par.?
sāvitrī prasavitrī ca jīvaviśvāsinī tathā // (21.2)
Par.?
vāgvṛddhaṃ trāyate śraddhā manovṛddhaṃ ca bhārata / (22.1)
Par.?
yathaupamyopadeśena kiṃ bhūyaḥ śrotum icchasi // (22.2)
Par.?
Duration=0.17812418937683 secs.