Texts

Help

Select a text:
Bibliography

Select a chapter:
1 revision
Show parallels Show headlines
Use dependency labeler

Chapter id: 17525

Click on a sentence to show its analysis
Keep the mouse pointer over a lemma to show its meanings.

Sūkta 1

na taṃ yakṣmā ā rundhate nainaṃ śapatho aśnute / (1.1) Par.?

yaṃ bheṣajasya gulguloḥ surabhir gandho aśnute // (1.2) Par.?

yaṃ gulgulor bheṣajasya surabhir gandho aśnute / (2.1) Par.?

viṣvañcas tasmād yakṣmā mṛgā iṣvā iverate // (2.2) Par.?

yad gulgulu saindhavaṃ yad vā ghāsi samudriyam / (3.1) Par.?

ubhayor agrabhaṃ nāmāsmā ariṣṭatātaye // (3.2) Par.?

Sūkta 2

devā etam ity ekā // (4.1) Par.?

bṛhatpalāśe subhaga ūrdhvasvapna ṛtāvari / (5.1) Par.?

māteva putrebhyo mṛḍa keśebhyo naḥ śami // (5.2) Par.?

yas te mado 'vikeśo yo vikeśo yenābhihasyaṃ puruṣaṃ kṛṇoṣi / (6.1) Par.?

bhrūṇaghno viruvārācara tvaṃ tasya te prajāyāḥ pra suvāmi keśān // (6.2) Par.?

Sūkta 3

ākūtiṃ devīṃ subhagāṃ puro dadhe cittasya mātā suhavā no astu / (7.1) Par.?

yām āśām emi kevalī sā me astu videyam enāṃ manasi praviṣṭām // (7.2) Par.?

ākūtyā no bṛhaspata ākūtyā na upā gahi / (8.1) Par.?

atho bhagasya no dhehy atho naḥ suhavo bhava // (8.2) Par.?

bṛhaspatir ma ākūtim āṅgirasaḥ prati jānātu vācam etām / (9.1) Par.?

yasya devā devatāḥ saṃbabhūvuḥ sa supraṇīḥ kāmo anv etv asmān // (9.2) Par.?

Sūkta 4

mano nv ā hvāmahi nārāśaṃsena stomena / (10.1) Par.?

pitṝṇāṃ ca manmabhiḥ // (10.2) Par.?

ā na etu manaḥ punaḥ kratve dakṣāya jīvase / (11.1) Par.?

jyok ca sūryāya dṛśe // (11.2) Par.?

punar naḥ pitaro mano dadātu daivyo janaḥ / (12.1) Par.?

jīvaṃ vrātaṃ sacemahi // (12.2) Par.?

vayaṃ soma vrate tava manas tanūṣu bibhrataḥ / (13.1) Par.?

prajāvantaḥ sacemahi // (13.2) Par.?

Sūkta 5

varco me mitrāvaruṇā varco devī sarasvatī / (14.1) Par.?

varco me aśvinobhā dhattāṃ puṣkarasrajā // (14.2) Par.?

yac ca varco yajamāne yac ca yajñe 'dhy āhitam / (15.1) Par.?

surāyāṃ babhru yad varcas tasya bhakṣīya varcasaḥ // (15.2) Par.?

yā utsebhyaḥ prasravanti divo dhārā nadībhyaḥ / (16.1) Par.?

tāsāṃ mā sarvāsām apām abhi ṣiñcāmi varcasā // (16.2) Par.?

Sūkta 6

yad rājānaṃ śakadhūmaṃ nakṣatrāṇy akṛṇvata / (17.1) Par.?

bhadrāham asmai prāyacchan tato rāṣṭram ajāyata // (17.2) Par.?

bhadrāham astu naḥ sāyaṃ bhadrāhaṃ prātar astu naḥ / (18.1) Par.?

bhadrāham asmabhyaṃ tvaṃ śakadhūma sadā kṛṇu // (18.2) Par.?

yo no bhadrāham akaraḥ sāyaṃ prātar atho divā / (19.1) Par.?

tasmai te nakṣatrarāja śakadhūma sadā namaḥ // (19.2) Par.?

yad āhuḥ śakadhūmāhaṃ nakṣatrāṇāṃ prathamajaṃ jyotir agre / (20.1) Par.?

tan naḥ saniṃ madhumatīṃ kṛṇotu rayiṃ ca naḥ sarvavīraṃ ni yacchāt // (20.2) Par.?

Duration=0.12324500083923 secs.