Texts

dīkṣitasyeṣṭakāḥ kurvanty adīkṣitasya vā // (1.1) Par.?

na tv evānālabdhaprājāpatyasya // (2.1) Par.?

mṛnmayīs tryālikhitāś caturaśrā dakṣiṇāvṛtaḥ savyāvṛta ṛjulekhāś ca nirmanthyena lohinīḥ pacanty anvāhāryapacanena vā // (3.1) Par.?

samāptāsu dīkṣāsu kramavātsapre // (4.1) Par.?

tasyā etattinati devayajanam adhyavasyati // (5.1) Par.?

āhavanīyadeśe gārhapatyaṃ cinoti // (6.1) Par.?

maṇḍalaṃ caturaśraṃ vā vyāyāmamātraṃ vimāyoddhatyādbhir avokṣya yo no agniḥ / (7.1) Par.?

mayi gṛhṇāmīti japati // (7.2) Par.?

citaḥ stha paricitaḥ sthety ekaviṃśatyā śarkarābhiḥ pariśrayati // (8.1) Par.?

agner bhasmāsīti sikatā nivapati // (9.1) Par.?

saṃjñānam asīty ūṣān nyupya vyūhati // (10.1) Par.?

ayaṃ so agnir iti prabhṛtibhiś catasro madhye prācīr upadadhāti // (11.1) Par.?

iḍām agne / (12.1) Par.?

ayaṃ te yonir ṛtviya iti dve samīcī purastāc cid asi tayā devatayāṅgirasvad dhruvā sīdeti // (12.2) Par.?

paricid asīti dve samīcī paścāt // (13.1) Par.?

trayodaśa ca lokaṃpṛṇāḥ // (14.1) Par.?

pṛṣṭo divīti cātvāladeśāt purīṣam āhṛtya vyūhati // (15.1) Par.?

evaṃ sarvāś cinoti // (16.1) Par.?

pañcacitikaṃ prathamaṃ tricitikaṃ dvitīyam ekacitikaṃ tṛtīyam / (17.1) Par.?

sarvatra vaikacitikam // (17.2) Par.?

saṃcite samitaṃ saṃkalpethām ity ukhyaṃ nivapati // (18.1) Par.?

māteva putram iti śikyād ukhāṃ vimuñcate // (19.1) Par.?

na riktām avekṣate // (20.1) Par.?

pratyagdakṣiṇā nairṛtībhir yanti // (21.1) Par.?

yad asya pāra iti śikyam ādatte // (22.1) Par.?

tisras tuṣapakvāḥ kṛṣṇā iṣṭakāḥ svakṛta iriṇe 'sunvantam iti tisṛbhiḥ parāṃ parām upadadhāti // (23.1) Par.?

na tayādevataṃ karoti // (24.1) Par.?

yaṃ te devīti śikyam adhivapati // (25.1) Par.?

rukmasūtram āsandīm iti nidhāya yad asya pāre rajasa ity apaḥ pariṣiñcan paryeti // (26.1) Par.?

bhūtyai nama ity uktvā nivṛtya / (27.1) Par.?

śaṃ no devīr abhiṣṭaya āpo bhavantu pītaye / (27.2) Par.?

śaṃ yor abhisravantu naḥ / (27.3) Par.?

iti parogoṣṭhaṃ mārjayante // (27.4) Par.?

anapekṣamāṇāḥ pratyāyanti // (28.1) Par.?

niveśana iti gārhapatyam upatiṣṭhante // (29.1) Par.?

yena devā jyotiṣety āhavanīyaṃ yajamānaḥ saminddhe // (30.1) Par.?

prāyaṇīyāprabhṛti samānam opasadbhyaḥ // (31.1) Par.?

pūrvāhṇikīm upasadaṃ kṛtvā yūpaṃ chittvā vediṃ kṛtvāgniṃ vidadhāti saptapuruṣaṃ trīn prācaś caturas tiryak // (32.1) Par.?

puruṣamātrāṇi pakṣapucchāni bhavanti // (33.1) Par.?

ātmā catuḥpuruṣo bhavati // (34.1) Par.?

aratniṃ pakṣayor atyupadadhāti // (35.1) Par.?

prādeśamātraṃ pucche vitastiṃ vā // (36.1) Par.?

prajāpatiṣ ṭvā sādayatu tayā devatayāṅgirasvaddhruvā sīdeti vihitasya madhyaṃ vimṛśya sajūr abda iti darbhastambe hiraṇye ca madhye 'gniṃ juhoti // (37.1) Par.?

dvādaśayuktena sīreṇāgniṃ kṛṣati ṣaḍyuktena vā // (38.1) Par.?