Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, dīkṣā

Show parallels  Show headlines
Use dependency labeler
Chapter id: 17612
  • Click on a sentence to show its analysis
  • Keep the mouse pointer over a lemma to show its meanings.
svāhā yajñaṃ manasa iti // (1) Par.?
manasā vai yajña ālabhyate // (2) Par.?
vātayonir yajñaḥ // (3) Par.?
divi yajño 'ntarikṣe pṛthivyām // (4) Par.?
atrātra vai yajñaḥ // (5) Par.?
yatrayatraiva yajñas tata enaṃ manasālabhate // (6) Par.?
taṃ yatvāste // (7) Par.?
yajñam eva tad yatvāste // (8) Par.?
yad visṛjed yajñaṃ visṛjet // (9) Par.?
yadi visṛjet punar dīkṣayet // (10) Par.?
yat punar dīkṣayed āhutīr atirecayet // (11) Par.?
gāyatrīṃ vaiṣṇavīm anubrūyāt // (12) Par.?
vāg vai gāyatrī // (13) Par.?
yajño viṣṇuḥ // (14) Par.?
vācaiva yajñaṃ saṃtanoti // (15) Par.?
bārhaspatyām uttarām anubrūyāt // (16) Par.?
brahma vai bṛhaspatiḥ // (17) Par.?
brahmaṇā yajñasyārtaṃ niṣkriyate // (18) Par.?
brahmaṇaiva yajñasyārtaṃ niṣkaroti // (19) Par.?
tvam agne vratapā asīty agnaye vratapataye 'nubrūyāt // (20) Par.?
vratapatiṃ vā etasya vrataṃ gacchati yo dīkṣitas san na vrataṃ carati // (21) Par.?
agnir devānāṃ vratapatiḥ // (22) Par.?
vratapater evādhi vratam ālabhate // (23) Par.?
Caland, Henry ﾧ18
adīkṣiṣṭāyam asā āmuṣyāyaṇa iti trir upāṃśv āha trir uccaiḥ // (24) Par.?
devebhyaś caiva manuṣyebhyaś ca yajñaṃ prāha // (25) Par.?
Caland, Henry ﾧ21
nakṣatraṃ dṛṣṭvā vācaṃ visṛjate // (26) Par.?
divā vai manuṣyā yajñena caranti naktaṃ devāḥ // (27) Par.?
ahnaiva rātrīm abhisaṃtatya devebhyo yajñaṃ samprayacchati gopīthāya // (28) Par.?
vrataṃ kṛṇuteti // (29) Par.?
yajñaṃ kurutety evaitad āha // (30) Par.?
pāṅkty eṣā vyāhṛtiḥ // (31) Par.?
pāṅkto yajñaḥ // (32) Par.?
vāca evaitat samyag udyate // (33) Par.?
nottāno dīkṣitaś śayīta // (34) Par.?
yad uttānaś śayīta devalokam upāvarteta // (35) Par.?
na nyaṅ śayīta // (36) Par.?
yan nyaṅ śayīta pitṛlokam upāvarteta // (37) Par.?
jano vā itaḥ pitaro dūre // (38) Par.?
janād āgacchati // (39) Par.?
pramāyukas syāt // (40) Par.?
tiryaṅṅ eva śayīta // (41) Par.?
antarikṣadevatyo vai dīkṣitaḥ // (42) Par.?
svam eva lokaṃ svam āyatanam upāvṛtya śaye // (43) Par.?
nāgneḥ parāṅ śayīta // (44) Par.?
agnis sarvā devatāḥ // (45) Par.?
devatābhya āvṛścyeta // (46) Par.?
agnim evābhyāvṛtya śayīta // (47) Par.?
agnis sarvā devatāḥ // (48) Par.?
devatā evābhyāvṛtya śaye // (49) Par.?
daivīṃ dhiyaṃ manāmaha iti // (50) Par.?
mārjayate brahmaṇā satejastvāya // (51) Par.?
atho āpo me ned dīkṣām avamuṣṇān ity annaṃ vai manuṣyebhya udabībhatsata // (52) Par.?
tad devā ayiyaṃsan // (53) Par.?
tā āpo 'bruvann upāvartasva vayaṃ ta etān svadayiṣyāma iti // (54) Par.?
tad upāvartata // (55) Par.?
yad dīkṣito mārjayate 'nnādyasyāvaruddhyai // (56) Par.?
tasmād brāhmaṇa āhārya āhṛte hastā avanenijītānnādyasyāvaruddhyai // (57) Par.?
na vā etena hutaṃ vratayitavyaṃ nāhutaṃ yo dīkṣitaḥ // (58) Par.?
ye devā manujātā iti vratayati // (59) Par.?
prāṇā vai devā manujātāḥ // (60) Par.?
svāyām eva devatāyāṃ hutaṃ vratayati // (61) Par.?
tenāsya na hutaṃ bhavati nāhutam // (62) Par.?
agne tvaṃ su jāgṛhīti // (63) Par.?
svapsyann agnim abhimantrayeta // (64) Par.?
bahu vā eṣa supto vratyaṃ nigacchati // (65) Par.?
agnir devānāṃ vratapatiḥ // (66) Par.?
vratapataya eva vrataṃ sampradāya kāmam ṛdhate // (67) Par.?
tvam agne vratapā asīti prabudhyāgnim abhimantrayeta // (68) Par.?
vratapataye vā eṣa vrataṃ samprayacchati // (69) Par.?
agnir devānāṃ vratapatiḥ // (70) Par.?
vratapater evādhi vratam ālabhate // (71) Par.?
Duration=0.29990911483765 secs.