Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): mekhalābandhana, upanayana, initiation
Show parallels Show headlines
Use dependency labeler
Chapter id: 13757
- Click on a sentence to show its analysis
- Keep the mouse pointer over a lemma to show its meanings.
aṣṭavarṣaṃ brāhmaṇam upanayed garbhāṣṭame vā // (1) Par.?
ekādaśavarṣaṃ rājanyam // (2) Par.?
dvādaśavarṣaṃ vaiśyam // (3) Par.?
yathāmaṅgalaṃ vā sarveṣām // (4) Par.?
brāhmaṇānbhojayettaṃ ca paryuptaśirasamalaṃkṛtamānayanti // (5) Par.?
paścādagneravasthāpya brahmacaryamāgām iti vācayati brahmacāry asānīti ca // (6) Par.?
athainaṃ vāsaḥ paridhāpayati yenendrāya bṛhaspatirvāsaḥ paryadadhād amṛtaṃ tena tvā paridadhāmyāyuṣe dīrghāyutvāya balāya varcasa iti // (7) Par.?
mekhalāṃ badhnīte / (8.1) Par.?
iyaṃ duruktam paribādhamānā varṇaṃ pavitraṃ punatī ma āgāt / (8.2) Par.?
prāṇāpānābhyāṃ balam ādadhānā svasā devī subhagā mekhaleyamiti // (8.3) Par.?
yuvā suvāsāḥ parivīta āgāt sa u śreyānbhavati jāyamānaḥ / (9.1) Par.?
taṃ dhīrāsaḥ kavaya unnayanti svādhyo manasā devayanta iti vā // (9.2) Par.?
tūṣṇīṃ vā // (10) Par.?
yajñopavītaṃ paramaṃ pavitraṃ prajāpater yat sahajaṃ purastāt / (11.1) Par.?
āyuṣyamagryaṃ pratimuñca śubhraṃ yajñopavītaṃ balam astu tejaḥ / (11.2) Par.?
yajñopavītam asi yajñasya tvā yajñopavītenopanahyāmītyathājinaṃ prayacchati mitrasya cakṣur dharuṇaṃ balīyas tejo yaśasvi sthaviraṃ samiddhaṃ anāhanasyaṃ vasanaṃ jariṣṇuḥ parīdaṃ vājyajinaṃ dadhe 'hamiti daṇḍaṃ prayacchati // (11.3) Par.?
taṃ pratigṛhṇāti yo me daṇḍaḥ parāpatadvaihāyaso 'dhi bhūmyāṃ tamahaṃ punar ādada āyuṣe brahmaṇe brahmavarcasāyeti // (12) Par.?
dīkṣāvadeke dīrghasatram upaitīti vacanāt // (13) Par.?
athāsyādbhir añjalināñjaliṃ pūrayati āpo hi ṣṭheti tisṛbhiḥ // (14) Par.?
athainaṃ sūryamudīkṣayati taccakṣuriti // (15) Par.?
athāsya dakṣiṇāṃsam adhi hṛdayam ālabhate / (16.1) Par.?
mama vrate te hṛdayaṃ dadhāmi / (16.2) Par.?
mama cittam anu cittaṃ te astu mama vācam ekamanā juṣasva bṛhaspatiṣ ṭvā niyunaktu mahyamiti // (16.3) Par.?
athāsya dakṣiṇaṃ hastaṃ gṛhītvāha ko nāmāsīti // (17) Par.?
asāvahaṃ bho iti pratyāha // (18) Par.?
athainam āha kasya brahmacāryasīti // (19) Par.?
bhavata ityucyamāna indrasya brahmacāryasyagnir ācāryas tavāham ācāryastavāsāv iti // (20) Par.?
athainaṃ bhūtebhyaḥ paridadāti prajāpataye tvā paridadāmi devāya tvā savitre paridadāmy adbhyas tvauṣadhībhyaḥ paridadāmi dyāvāpṛthivībhyāṃ tvā paridadāmi viśvebhyastvā devebhyaḥ paridadāmi sarvebhyastvā bhūtebhyaḥ paridadāmyariṣṭyā iti // (21) Par.?
Duration=0.045080900192261 secs.