Texts

Help

Select a text:
Bibliography
Select a chapter:
 (no revisions)
Associated topic(s): correct behaviour, good behaviour

Show parallels  Show headlines
Use dependency labeler
Chapter id: 13512
  • Click on a sentence to show its analysis
  • Keep the mouse pointer over a lemma to show its meanings.
ata ūrdhvaṃ vṛddhaśīlī syād iti samastoddeśaḥ // (1) Par.?
tatraitāny ācāryāḥ parisaṃcakṣate // (2) Par.?
nājātalomnyopahāsam icchet // (3) Par.?
nāyugvā // (4) Par.?
na rajasvalayā // (5) Par.?
na samānarṣyā // (6) Par.?
nāparayā dvārā prapannam annaṃ bhuñjīta // (7) Par.?
na dviḥpakvam // (8) Par.?
na paryuṣitam // (9) Par.?
anyatra śākamāṃsayavapiṣṭavikārebhyaḥ // (10) Par.?
na varṣati dhāvet // (11) Par.?
nopānahau svayaṃ haret // (12) Par.?
nodapānam avekṣet // (13) Par.?
na phalāni svayaṃ pracinvīta // (14) Par.?
nāgandhāṃ srajaṃ dhārayet // (15) Par.?
anyāṃ hiraṇyasrajaḥ // (16) Par.?
na māloktām // (17) Par.?
srag iti vācayet // (18) Par.?
bhadram ity etāṃ vṛthāvācaṃ pariharet // (19) Par.?
mandram iti brūyāt // (20) Par.?
tatraite trayaḥ snātakā bhavanti // (21) Par.?
vidyāsnātako vratasnātako vidyāvratasnātaka iti // (22) Par.?
teṣām uttamaḥ śreṣṭhas tulyau pūrvau // (23) Par.?
nārdraṃ paridadhīta // (24) Par.?
naikaṃ paridadhīta // (25) Par.?
na manuṣyasya stutiṃ prayuñjīta // (26) Par.?
nādṛṣṭaṃ dṛṣṭato bruvīta // (27) Par.?
nāśrutaṃ śrutataḥ // (28) Par.?
svādhyāyavirodhino 'rthān utsṛjet // (29) Par.?
tailapātram ivātmānaṃ didhārayiṣet // (30) Par.?
na vṛkṣam ārohet // (31) Par.?
na pratisāyaṃ grāmāntaraṃ vrajet // (32) Par.?
naikaḥ // (33) Par.?
na vṛṣalaiḥ saha // (34) Par.?
na kāsṛtyā grāmaṃ praviśet // (35) Par.?
na cānanucaraś caret // (36) Par.?
etāni samāvṛttavratāni // (37) Par.?
yāni ca śiṣṭā vidadhyuḥ // (38) Par.?
Duration=0.063139915466309 secs.