Texts

kāmyeṣv ata ūrdhvam // (1) Par.?

pūrveṣu caike // (2) Par.?

paścād agner bhūmau nyañcau pāṇī pratiṣṭhāpyedaṃ bhūmer bhajāmaha iti // (3) Par.?

vasvantaṃ rātrau dhanam iti divā // (4) Par.?

imaṃ stomam iti tṛcena parisamūhet // (5) Par.?

vairūpākṣaḥ purastāddhomānām // (6) Par.?

kāmyeṣu ca prapadaḥ // (7) Par.?

tapaś ca tejaś ceti japitvā prāṇāyāmam āyamyārthamanā vairūpākṣam ārabhyocchvaset // (8) Par.?

kāmyeṣu trirātrābhojanam // (9) Par.?

trīṇi vā bhaktāni // (10) Par.?

nityaprayuktānāṃ tu prathamaprayogeṣu // (11) Par.?

upoṣya tu yajanīyaprayogeṣu // (12) Par.?

upariṣṭāddaikṣaṃ sānnipātikam // (13) Par.?

araṇye prapadaṃ prayuñjīta darbheṣv āsīnaḥ // (14) Par.?

prāktūleṣu brahmavarcasakāmaḥ // (15) Par.?

udaktūleṣu putrapaśukāmaḥ // (16) Par.?

ubhayeṣūbhayakāmaḥ // (17) Par.?

paśusvastyayanakāmo vrīhiyavahomaṃ prayuñjīta sahasrabāhur gaupatya iti // (18) Par.?

kautomatena mahāvṛkṣaphalāni parijapya prayacchet // (19) Par.?

yasyātmani prasādam icchet tasmai // (20) Par.?

ekabhūyāṃsy ātmano yugmāni kuryāt // (21) Par.?

vṛkṣa iveti pañcarcaḥ // (22) Par.?

tasmin prathamaṃ pārthivaṃ karma // (23) Par.?

ardhamāsam abhuktvā // (24) Par.?

aśaktau vā peyām anyataraṃ kālam // (25) Par.?

yatrātmānaṃ paripaśyet // (26) Par.?

etad vratam ardhamāsavrateṣu // (27) Par.?

paurṇamāsyāṃ rātrāv avidāsini hrade nābhimātram avagāhyākṣatataṇḍulān ṛganteṣv āsyena juhuyāt svāhety udake // (28) Par.?

athāparam // (29) Par.?

prathamayādityam upatiṣṭheta bhogakāmo 'rthapaticakṣurviṣaye sidhyaty arthaḥ // (30) Par.?

dvitīyayāditye pariviṣyamāṇe 'kṣatataṇḍulān juhuyād bṛhatpattrasvastyayanakāmaḥ // (31) Par.?

tṛtīyayā candramasi tilataṇḍulān kṣudrapaśusvastyayanakāmaḥ // (32) Par.?

caturthyādityam upasthāyārthān pratipadyeta svasty arthavān āgacchati // (33) Par.?

pañcamyādityam upasthāya gṛhān prapadyeta svasti gṛhān āgacchati svasti gṛhān āgacchati // (34) Par.?